ਬਠਿੰਡਾ, 23 ਜੁਲਾਈ-ਬਠਿੰਡਾ ਪੁਲਿਸ ਨੇ ਸੂਬੇ ਦੀ ਨਸ਼ਿਆਂ ਵਿਰੁੱਧ ਲੜਾਈ ਦੇ ਹਿੱਸੇ ਵਜੋਂ ਢਾਹੁਣ ਦੀ ਮੁਹਿੰਮ ਚਲਾਈ ਅਤੇ ਨਸ਼ਾ ਤਸਕਰਾਂ ਦੇ 2 ਘਰ ਢਾਹ ਦਿੱਤੇ ਹਨ। ਐਸ.ਪੀ. ਬਠਿੰਡਾ ਨਰਿੰਦਰ ਸਿੰਘ ਨੇ ਕਿਹਾ ਕਿ ਨਸ਼ਿਆਂ ਵਿਰੁੱਧ ਪੰਜਾਬ ਸਰਕਾਰ ਦੀ ਮੁਹਿੰਮ ਵਜੋਂ ਬਠਿੰਡਾ ਪੁਲਿਸ ਨੇ ਅੱਜ ਧੋਬੀਆਣਾ ਬਸਤੀ ਵਿਚ 2 ਘਰਾਂ ਨੂੰ ਢਾਹਿਆ ਹੈ। ਇਨ੍ਹਾਂ ਵਿਚੋਂ ਇਕ ਘਰ ਨੀਤੂ ਦਾ ਹੈ। ਉਸਦਾ ਇਕ ਪੁੱਤਰ ਰਾਹੁਲ ਹੈ, ਜੋ ਕਿ ਉਸ ਦੇ ਨਾਲ ਰਹਿੰਦਾ ਹੈ। ਨੀਤੂ ਅਤੇ ਰਾਹੁਲ ਵਿਰੁੱਧ ਕੁੱਲ 5 ਐਨ.ਡੀ.ਪੀ.ਐਸ. ਦੇ ਮਾਮਲੇ ਦਰਜ ਹਨ।
ਦੂਜੀ ਜਾਇਦਾਦ ਰੈਂਬੋ ਨਾਮ ਦੇ ਲੜਕੇ ਦੀ ਹੈ। ਅਸੀਂ ਪਹਿਲਾਂ ਰੈਂਬੋ ਦੀ ਇਕ ਜਾਇਦਾਦ ਦੀ ਪਛਾਣ ਕੀਤੀ ਸੀ ਅਤੇ ਇਸਨੂੰ ਖਾਲੀ ਕਰਵਾ ਕੇ ਢਾਹ ਦਿੱਤਾ ਸੀ। ਇਕ ਹੋਰ ਦੂਜੀ ਜਾਇਦਾਦ ਦੀ ਪਛਾਣ ਕੀਤੀ ਗਈ ਸੀ, ਜਿਸ ਵਿਚ ਉਸ ਨੇ ਸਰਕਾਰੀ ਜ਼ਮੀਨ 'ਤੇ ਤਿੰਨ ਮੰਜ਼ਿਲਾ ਇਮਾਰਤ ਬਣਾਈ ਹੈ। ਇਸਨੂੰ ਅੱਜ ਢਾਹਿਆ ਜਾ ਰਿਹਾ ਹੈ। ਰੈਂਬੋ ਵਿਰੁੱਧ ਕੁੱਲ 11 ਮਾਮਲੇ ਦਰਜ ਹਨ।
