ਅਦਾਲਤੀ ਕੰਪਲੈਕਸ ਦੀ ਬੇਸਮੈਂਟ 'ਚ ਭਰਿਆ ਪਾਣੀ

ਜਲੰਧਰ, 2 ਸਤੰਬਰ (ਚੰਦੀਪ ਭੱਲਾ)-ਜਿਥੇ ਇਕ ਪਾਸੇ ਭਾਰੀ ਬਰਸਾਤ ਕਾਰਨ ਪੂਰਾ ਸ਼ਹਿਰ ਜਲਥਲ ਹੋਇਆ ਪਿਆ ਹੈ, ਉਥੇ ਨਾਲ ਹੀ ਦੂਜੇ ਪਾਸੇ ਅੱਜ ਅਦਾਲਤੀ ਕੰਪਲੈਕਸ ਦੀ ਪਾਰਕਿੰਗ 'ਚ ਵੀ ਬਾਰਿਸ਼ ਦਾ ਪਾਣੀ ਭਰ ਗਿਆ ਤੇ ਨਾਲ ਹੀ ਬੇਸਮੈਂਟ ਵਿਚ ਵੀ ਪਾਣੀ ਭਰ ਗਿਆ, ਜਿਸ ਕਰਕੇ ਸਾਰੇ ਕੰਪਲੈਕਸ ਦੀ ਬਿਜਲੀ ਲਿਫਟਾਂ ਬੰਦ ਕਰਨੀਆਂ ਪਈਆਂ ਤਾਂ ਕਿ ਭਰੇ ਹੋਏ ਪਾਣੀ ਕਰਕੇ ਕੋਈ ਹਾਦਸਾ ਨਾ ਹੋ ਸਕੇ। ਪਾਰਕਿੰਗ ਵਿਚ ਖੜ੍ਹੀਆਂ ਗੱਡੀਆਂ ਵੀ ਪਾਣੀ ਭਰੇ ਹੋਣ ਕਰਕੇ ਲੋਕ ਅਤੇ ਵਕੀਲ ਕੱਢ ਨਹੀਂ ਸਕੇ। ਇਸ ਕਰਕੇ ਅੱਜ ਅਦਾਲਤੀ ਕੰਪਲੈਕਸ ਭਰੇ ਹੋਏ ਪਾਣੀ ਕਰਕੇ ਵਕੀਲਾਂ ਵਲੋਂ ਨੋ ਵਰਕ ਡੇ ਦਾ ਐਲਾਨ ਕਰ ਦਿੱਤਾ ਗਿਆ, ਜਿਸ ਕਰਕੇ ਅੱਜ ਦੂਜੇ ਦਿਨ ਵੀ ਸਾਰਾ ਦਿਨ ਕੰਮਕਾਜ ਠੱਪ ਰਿਹਾ।