ਬਟਾਲਾ ’ਚ ਵਾਪਰਿਆ ਵੱਡਾ ਹਾਦਸਾ - ਟਿੱਪਰ ’ਚ ਫਸਿਆ ਡਰਾਈਵਰ

ਬਟਾਲਾ, 6 ਜੁਲਾਈ (ਸਤਿੰਦਰ ਸਿੰਘ)- ਅੱਜ ਬਟਾਲਾ ਵਿਚ ਇਕ ਵੱਡਾ ਹਾਦਸਾ ਵਾਪਰਿਆ, ਜਦ ਖਰਾਬ ਹੋਏ ਸੜਕ 'ਤੇ ਖੜੇ ਕੀਤੇ ਟਿੱਪਰ ਵਿਚ ਪਿੱਛੋਂ ਟਿੱਪਰ ਵੱਜਣ ਕਾਰਨ ਇਕ ਟਿੱਪਰ ਡਰਾਈਵਰ ਅੰਦਰ ਫਸ ਗਿਆ, ਜਿਸ ਨੂੰ ਖਿੜਕੀ ਕੱਟ ਕੇ ਬਾਹਰ ਕੱਢਿਆ ਗਿਆ। ਜਾਣਕਾਰੀ ਦਿੰਦਿਆਂ ਪੁਲਿਸ ਕਰਮਚਾਰੀ ਨੇ ਦੱਸਿਆ ਕਿ ਇਕ ਰੇਤ ਨਾਲ ਭਰਿਆ ਟਿੱਪਰ ਖਰਾਬ ਹੋ ਗਿਆ ਸੀ, ਜਿਸ ਨੂੰ ਸੜਕ ਕਿਨਾਰੇ ਖੜਾ ਕੀਤਾ ਸੀ ਕਿ ਇਸੇ ਦੌਰਾਨ ਇਕ ਹੋਰ ਰੇਤ ਨਾਲ ਭਰਿਆ ਟਿੱਪਰ ਪਠਾਨਕੋਟ ਤੋਂ ਮਹਿਤਾ ਜਾ ਰਿਹਾ ਸੀ ਕਿ ਉਸ ਦਾ ਸੰਤੁਲਨ ਵਿਗੜਨ ਕਾਰਨ ਉਹ ਖੜੇ ਟਿੱਪਰ ਵਿਚ ਵੱਜ ਗਿਆ, ਜਿਸ ਕਾਰਨ ਉਹ ਟਿੱਪਰ ਪਲਟ ਗਿਆ ਅਤੇ ਉਸ ਦਾ ਡਰਾਈਵਰ ਵਿਚ ਫਸ ਗਿਆ, ਜਿਸ ਨੂੰ ਮੌਕੇ ਤੇ ਪਹੁੰਚ ਕੇ ਬੜੀ ਮੁਸ਼ਕਿਲ ਨਾਲ ਵਿਚੋਂ ਕੱਢਿਆ ਗਿਆ। ਇਸ ਸੰਬੰਧੀ ਅਗਲੀ ਜਾਂਚ ਕੀਤੀ ਜਾ ਰਹੀ ਹੈ।