ਉਜ਼ਬੇਕਿਸਤਾਨ ਫੇਰੀ ਦੌਰਾਨ, ਪ੍ਰਧਾਨ ਮੰਤਰੀ ਮੋਦੀ ਨੇ ਇਕ ਵਿਸ਼ੇਸ਼ ਯੋਗਾ ਸੈਸ਼ਨ ਲਿਆ ਹਿੱਸਾ

ਤਾਸ਼ਕੰਦ (ਉਜ਼ਬੇਕਿਸਤਾਨ), 30 ਅਗਸਤ - ਪ੍ਰਧਾਨ ਮੰਤਰੀ ਮੋਦੀ ਦੀ ਉਜ਼ਬੇਕਿਸਤਾਨ ਫੇਰੀ ਦੌਰਾਨ, ਉਨ੍ਹਾਂ ਨੇ ਤਾਸ਼ਕੰਦ ਵਿਚ ਇਕ ਵਿਸ਼ੇਸ਼ ਯੋਗਾ ਸੈਸ਼ਨ ਹਿੱਸਾ ਲਿਆ, ਜਿਸ ਵਿਚ ਉਜ਼ਬੇਕਿਸਤਾਨ ਦੇ 52 ਯੋਗ ਅਭਿਆਸੀ ਸ਼ਾਮਲ ਸਨ। ਇਸ ਸੈਸ਼ਨ ਨੇ ਪ੍ਰਧਾਨ ਮੰਤਰੀ ਦੇ ਰੁਝੇਵਿਆਂ ਵਿਚ ਇਕ ਵਿਲੱਖਣ ਸੱਭਿਆਚਾਰਕ ਪਹਿਲੂ ਜੋੜਿਆ ਅਤੇ ਉਜ਼ਬੇਕਿਸਤਾਨ ਵਿਚ ਯੋਗ ਦੀ ਵਧਦੀ ਪ੍ਰਸਿੱਧੀ ਨੂੰ ਉਜਾਗਰ ਕੀਤਾ।
ਭਾਗ ਲੈਣ ਵਾਲਿਆਂ ਵਿਚ ਉਜ਼ਬੇਕਿਸਤਾਨ ਦੀ ਯੋਗਾ ਫੈਡਰੇਸ਼ਨ ਦੇ 6 ਮੈਂਬਰ ਸ਼ਾਮਲ ਸਨ ਜਿਨ੍ਹਾਂ ਨੇ ਇਸ ਸਾਲ ਜੂਨ ਵਿਚ ਅਹਿਮਦਾਬਾਦ ਵਿਚ ਆਯੋਜਿਤ ਪਹਿਲੀ ਵਿਸ਼ਵ ਯੋਗਾਸਨ ਚੈਂਪੀਅਨਸ਼ਿਪ 2026 ਵਿਚ ਆਪਣੇ ਦੇਸ਼ ਦੀ ਨੁਮਾਇੰਦਗੀ ਕੀਤੀ ਸੀ।
ਛੇ ਅਭਿਆਸੀ, ਰੱਖਮਾਨੋਵ ਕਾਮੋਲ ਏਰਕੀਨੋਵਿਚ, ਰੱਖਮਾਨੋਵ ਅਲੀਕਸਨ ਕਾਮੋਲਾਦੀਨੋਵਿਚ, ਅਖੁਨੋਵਾ ਦਿਨਾਰਾ ਏਰਕੀਨੋਵਨਾ, ਜੁਮਾਨੋਵਾ ਆਲੀਆ ਅਬੂਬਾਕਿਰ ਕੀਜ਼ੀ, ਅੰਸਤਬਾਏਵਾ ਆਇਸੁਲੂ ਅਰਿਸਲਾਨ ਕੀਜ਼ੀ ਅਤੇ ਸ਼ਕੀਰੌਵ ਰੇਡਜੇਪ ਦਮਿਤਰੀਵਿਚ ਨੇ ਚੈਂਪੀਅਨਸ਼ਿਪ ਵਿਚ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ ਕੀਤਾ, ਸਮੂਹਿਕ ਤੌਰ 'ਤੇ 1 ਸੋਨ, 14 ਚਾਂਦੀ ਅਤੇ 3 ਕਾਂਸੀ ਦੇ ਤਗਮਿਆਂ ਸਮੇਤ 18 ਤਗਮੇ ਜਿੱਤੇ।
ਉਜ਼ਬੇਕਿਸਤਾਨ ਟੀਮ ਨੇ ਅਹਿਮਦਾਬਾਦ ਵਿਚ ਪਹਿਲੀ ਵਿਸ਼ਵ ਯੋਗਾਸਨ ਚੈਂਪੀਅਨਸ਼ਿਪ ਵਿਚ ਵੱਖ-ਵੱਖ ਸ਼੍ਰੇਣੀਆਂ ਵਿਚ ਕੁੱਲ 25 ਤਗਮੇ ਜਿੱਤੇ। ਪ੍ਰਧਾਨ ਮੰਤਰੀ ਮੋਦੀ ਦੀ ਮੌਜ਼ੂਦਗੀ ਵਿਚ ਹੋਏ ਇਸ ਯੋਗਾ ਸੈਸ਼ਨ ਵਿਚ ਉਨ੍ਹਾਂ ਦੀ ਭਾਗੀਦਾਰੀ ਨੇ ਅਹਿਮਦਾਬਾਦ ਵਿਚ ਉਨ੍ਹਾਂ ਦੀਆਂ ਪ੍ਰਾਪਤੀਆਂ ਅਤੇ ਭਾਰਤ ਅਤੇ ਉਜ਼ਬੇਕਿਸਤਾਨ ਵਿਚਕਾਰ ਵਧ ਰਹੀ ਸੱਭਿਆਚਾਰਕ ਅਤੇ ਖੇਡ ਭਾਈਵਾਲੀ ਵਿਚਕਾਰ ਇਕ ਵਿਸ਼ੇਸ਼ ਲਿੰਕ ਨਜ਼ਰ ਆਇਆ।
ਇਹ ਸੈਸ਼ਨ ਦਰਸਾਉਂਦਾ ਹੈ ਕਿ ਕਿਵੇਂ ਯੋਗਾ ਅਤੇ ਯੋਗਾਸਨ ਭਾਰਤ ਅਤੇ ਉਜ਼ਬੇਕਿਸਤਾਨ ਦੇ ਲੋਕਾਂ ਵਿਚਕਾਰ ਇਕ ਅਰਥਪੂਰਨ ਪੁਲ ਵਜੋਂ ਉੱਭਰ ਰਹੇ ਹਨ, ਸਾਂਝੇ ਸੱਭਿਆਚਾਰਕ ਸੰਬੰਧਾਂ ਨੂੰ ਡੂੰਘਾ ਕਰਦੇ ਹੋਏ ਖੇਡ ਆਦਾਨ-ਪ੍ਰਦਾਨ ਨੂੰ ਮਜ਼ਬੂਤ ​​ਕਰ ਰਹੇ ਹਨ।