ਸੀ. ਬੀ. ਆਈ. ਟੀਮ ਵਲੋਂ ਝੋਟੇ ਦੇ ਪਰਿਵਾਰ ਨਾਲ ਮੀਟਿੰਗ ਸ਼ੁਰੂ

ਮਾਨਸਾ, 21 ਅਕਤੂਬਰ (ਬਲਵਿੰਦਰ ਸਿੰਘ ਧਾਲੀਵਾਲ)- ਸੀ. ਬੀ. ਆਈ. ਟੀਮ ਇੱਥੇ ਵਾਟਰ ਵਰਕਸ ਰੋਡ ਨੇੜੇ ਪਰਵਿੰਦਰ ਸਿੰਘ ਝੋਟਾ ਦੇ ਘਰ ਪਹੁੰਚ ਚੁੱਕੀ ਹੈ। ਟੀਮ ’ਚ ਇਕ ਸੀਨੀਅਰ ਅਧਿਕਾਰੀ ਵੀ ਸ਼ਾਮਿਲ ਦੱਸਿਆ ਜਾ ਰਿਹਾ ਹੈ। ਪਹਿਲਾਂ ਇਸ ਟੀਮ ਨੇ ਪਰਿਵਾਰ ਨੂੰ ਮੰਡੀ ਬੋਰਡ ਦੇ ਗੈੱਸਟ ਹਾਊਸ ’ਚ ਮਿਲਣਾ ਸੀ ਪਰ ਅਚਾਨਕ ਕਿਸੇ ਕਾਰਨ ਇਹ ਮੀਟਿੰਗ ਝੋਟਾ ਦੇ ਘਰ ਰੱਖ ਲਈ। ਪਰਵਿੰਦਰ ਦੇ ਪਿਤਾ ਭੀਮ ਸਿੰਘ ਤੋਂ ਇਲਾਵਾ ਮਾਤਾ ਅਮਰਜੀਤ ਕੌਰ, ਪਤਨੀ ਮਨਪ੍ਰੀਤ ਕੌਰ ਨਾਲ ਕੇਂਦਰ ਏਜੰਸੀ ਦੀ ਟੀਮ ਵਿਸ਼ੇਸ਼ ਗੱਲਬਾਤ ਕਰੇਗੀ। ਘਰ ਦਾ ਬੂਹਾ ਬੰਦ ਹੈ ਜਦਕਿ ਬਾਹਰ ਮੀਡੀਆ ਕਰਮੀ ਵੱਡੀ ਗਿਣਤੀ ’ਚ ਖੜ੍ਹੇ ਹਨ।