ਨੌਜਵਾਨ ਦੀ ਲਾਸ਼ ਬੋਹੜ ਦੇ ਰੁੱਖ ’ਤੇ ਲਟਕਦੀ ਮਿਲੀ

ਨੌਸ਼ਹਿਰਾ ਪਨੂੰਆ, (ਅੰਮ੍ਰਿਤਸਰ), 30 ਅਕਤੂਬਰ (ਦੀਪਕ ਮੈਣੀ)- ਸਥਾਨਕ ਪਿੰਡ ਦੀ ਨਜ਼ਦੀਕ ਪੈਦੇਂ ਪਿੰਡ ਚੌਧਰੀਵਾਲਾ ਥਾਣਾ ਸਰਹਾਲੀ ਕਲਾਂ ਤਰਨਤਾਰਨ ਦੇ ਸ਼ਮਸ਼ਾਨਘਾਟ ਵਿਚ ਸਥਿਤੀ ਬੋਹੜ ਦੇ ਰੁੱਖ ’ਤੇ ਇਕ ਨੌਜਵਾਨ ਦੀ ਲਾਸ਼ ਲਟਕਦੀ ਮਿਲਣ ਦਾ ਸਮਾਚਾਰ ਮਿਲਿਆ ਹੈ। ਮੌਕੇ ’ਤੇ ਮਿਲੀ ਜਾਣਕਾਰੀ ਅੁਨਸਾਰ ਮ੍ਰਿਤਕ ਦੀ ਪਛਾਣ ਸੁਖਰਾਜ ਸਿੰਘ (23 ਸਾਲ) ਪੁੱਤਰ ਗੁਰਪ੍ਰਕਾਸ਼ ਸਿੰਘ ਵਜੋਂ ਹੋਈ। ਮ੍ਰਿਤਕ ਸੁਖਰਾਜ ਸਿੰਘ ਦੇ ਪਿਤਾ ਨੇ ਦੱਸਿਆ ਕਿ ਕੱਲ੍ਹ ਰਾਤ 9:30 ਵਜੇ ਸੁਖਰਾਜ ਸਿੰਘ ਘਰੋਂ ਬਾਹਰ ਨੂੰ ਆਇਆ ਲੇਕਿਨ ਵਾਪਸ ਘਰ ਨਹੀਂ ਆਇਆ, ਅੱਜ ਸਵੇਰੇ ਉਸ ਨੂੰ ਇਸ ਘਟਨਾ ਦੀ ਜਾਣਕਾਰੀ ਮਿਲੀ। ਪੁਲਿਸ ਅਧਿਕਾਰੀ ਮੌਕੇ ’ਤੇ ਪਹੁੰਚੇ ਸਨ ਤੇ ਅਪਣੀ ਲਿਖਤੀ ਕਾਰਵਾਈ ਕਰ ਰਹੇ ਸਨ। ਮ੍ਰਿਤਕ ਸੁਖਰਾਜ ਸਿੰਘ ਦੇ ਪਿਤਾ ਨੇ ਕਿਹਾ ਕਿ ਉਸ ਦਾ ਪਰਿਵਾਰ ਮਿਹਨਤ ਮਜ਼ਦੂਰੀ ਕਰਨ ਵਾਲਾ ਹੈ  ਤੇਉਸ ਦੀ ਕਿਸੇ ਨਾਲ ਕੋਈ ਦੁਸ਼ਮਣੀ ਨਹੀਂ ਹੈ।