ਨੰਗਲ ਬਿਹਾਲਾਂ, 2 ਸਤੰਬਰ (ਵਿਨੋਦ ਮਹਾਜਨ)-ਨਜ਼ਦੀਕੀ ਪਿੰਡ ਬਲ੍ਹਡਾ ਵਿਖੇ ਬਾਬਾ ਪੰਜ ਪੀਰ ਛਿੰਝ ਕਮੇਟੀ ਦੀ ਅਗਵਾਈ ਹੇਠ ਛਿੰਝ ਮੇਲਾ ਕਰਵਾਇਆ | ਇਸ ਸੰਬੰਧੀ ਸੰਨੀ ਬਲ੍ਹਡਾ ਨੇ ਦੱਸਿਆ ਕਿ ਕਮੇਟੀ ਪ੍ਰਧਾਨ ਸੁਖਦੇਵ ਸਿੰਘ ਤੇ ਸੈਕਟਰੀ ਸੁਰਜੀਤ ਸਿੰਘ ਕਾਲਾ ਦੀ ਦੇਖ ਰੇਖ ਵਿਚ ਕਰਵਾਏ ਛਿੰਝ ਮੇਲੇ ਦਾ ਉਦਘਾਟਨ ਯੁਵਾ ਕਾਂਗਰਸੀ ਆਗੂ ਐਡਵੋਕੇਟ ਸਭਿਆ ਸਾਂਚੀ ਵਲੋਂ ਕੀਤਾ | ਛਿੰਝ ਮੇਲੇ ਵਿਚ ਪੰਜਾਬ, ਹਰਿਆਣਾ, ਹਿਮਾਚਲ ਤੇ ਜੰਮੂ ਕਸ਼ਮੀਰ ਦੇ ਪਹਿਲਵਾਨਾਂ ਨੇ ਅਪਣੀ ਕੁਸ਼ਤੀ ਦੇ ਜੌਹਰ ਦਿਖਾਏ | ਛੋਟੀ ਮਾਲੀ ਦੀ ਕੁਸ਼ਤੀ ਪ੍ਰਵੀਨ ਕੁਹਾਲੀ ਨੇ ਜਿੱਤੀ ਜਦ ਕਿ ਵੱਡੀ ਮਾਲੀ ਦੀ ਕੁਸ਼ਤੀ ਭੁਪਿੰਦਰ ਅਜਨਾਲਾ ਤੇ ਦਿਨੇਸ਼ ਧੁਲੀਆ ਵਿਚਕਾਰ ਬਰਾਬਰ ਰਹੀ | ਇਸ ਮੌਕੇ ਛਿੰਝ ਕਮੇਟੀ ਵਲੋਂ ਪਹਿਲਵਾਨਾਂ ਦੇ ਮਾਨ ਸਨਮਾਨ ਤੋਂ ਇਲਾਵਾ ਹਾਜ਼ਰ ਮਹਿਮਾਨਾਂ ਤੇ ਪਤਵੰਤੇ ਸੱਜਣਾਂ ਨੂੰ ਵੀ ਸਨਮਾਨਿਤ ਕੀਤਾ |
