ਅਵਤਾਰ ਸਿੰਘ ਕੁਰਾਲਾ ਟੈਕਨੀਕਲ ਸਰਵਿਸਜ਼ ਯੂਨੀਅਨ ਮੰਡਲ ਭੋਗਪੁਰ ਦੇ ਬਣੇ ਪ੍ਰਧਾਨ
ਅਜੀਤ ਡੈਸਕ
03-09-2025
ਚੋਣ ਪ੍ਰਕਿਰਿਆ ਦੌਰਾਨ ਨਿਰਮਲ ਸਿੰਘ ਜੇ. ਈ. ਸ਼ਾਮ ਚੌਰਾਸੀ ਪ੍ਰਧਾਨ ਟੀ. ਐੱਸ. ਯੂ. ਨੌਰਥ ਜ਼ੋਨ ਜਲੰਧਰ ਤੇ ਨਛੱਤਰ ਸਿੰਘ ਜੇ. ਈ. ਸ਼ਾਮਚੁਰਾਸੀ ਸਰਕਲ ਪ੍ਰਧਾਨ ਟੀ. ਐੱਸ. ਯੂ. ਹੁਸ਼ਿਆਰਪੁਰ ਵਿਸ਼ੇਸ਼ ਤੌਰ 'ਤੇ ਸ਼ਾਮਿਲ ਹੋਏ | ਸਭ ਤੋਂ ਪਹਿਲਾਂ ਮੰਡਲ ਪ੍ਰਧਾਨ ਰਹੇ ਦਿਲਬਰ ਸਿੰਘ ਸੈਣੀ ਨੇ ਪਿਛਲੇ ਤਿੰਨ ਸਾਲਾਂ ਲਈ ਜਥੇਬੰਦੀ ਦਾ ਲੇਖਾ ਜੋਖਾ ਦਿੱਤਾ ਅਤੇ ਫਿਰ ਪਿਛਲੀ ਕਮੇਟੀ ਨੂੰ ਭੰਗ ਕੀਤਾ ਜਿਸ ਤੋਂ ਬਾਅਦ ਨਵੀਂ ਕਮੇਟੀ ਹਾਊਸ 'ਚ ਬੈਠੇ ਮੁਲਾਜ਼ਮਾਂ ਵਲੋਂ ਸਰਬ ਸੰਮਤੀ ਦੇ ਨਾਲ ਚੁਣੀ ਗਈ | ਜਿਸ 'ਚ ਅਵਤਾਰ ਸਿੰਘ ਕੁਰਾਲਾ ਨੂੰ ਪ੍ਰਧਾਨ ਚੁਣਿਆ ਜਦ ਕਿ ਪਵਿੱਤਰ ਸਿੰਘ ਖੁਣ-ਖੁਣ ਕਲਾ ਨੂੰ ਮੀਤ ਪ੍ਰਧਾਨ, ਰਾਹੁਲ ਕੁਮਾਰ ਕੰਧਾਲਾ ਜੱਟਾ ਨੂੰ ਸਕੱਤਰ, ਨਵਦੀਪ ਸਿੰਘ ਭੋਗਪੁਰ ਨੰਬਰ 2 ਨੂੰ ਸਹਾਇਕ ਸਕੱਤਰ, ਪ੍ਰਦੀਪ ਸਿੰਘ ਰੱਲਣ ਨੂੰ ਕੈਸ਼ੀਅਰ ਤੇ ਸਲਾਹਕਾਰ ਮੈਂਬਰਾਂ ਦੇ ਰੂਪ ਵਿਚ ਹਰਪ੍ਰੀਤ ਸਿੰਘ ਕਾਹਲੋਂ ਅਤੇ ਮਨਦੀਪ ਸਿੰਘ ਕੰਧਾਲਾ ਜੱਟਾਂ ਨੂੰ ਚੁਣਿਆ ਗਿਆ | ਅਖੀਰ ਵਿਚ ਦਿਲਬਰ ਸਿੰਘ ਸੈਣੀ ਸਹਾਇਕ ਸਕੱਤਰ ਟੀ. ਐੱਸ. ਯੂ. ਨੌਰਥ ਜ਼ੋਨ ਜਲੰਧਰ ਨੇ ਆਏ ਸਾਰੇ ਮੁਲਾਜ਼ਮਾਂ ਦਾ ਧੰਨਵਾਦ ਕੀਤਾ ਅਤੇ ਨਵੀਂ ਕਮੇਟੀ ਨੂੰ ਮੁਲਾਜ਼ਮਾਂ ਦੀਆਂ ਹੱਕੀ ਮੰਗਾਂ ਪ੍ਰਤੀ ਲਗਾਤਾਰ ਸੰਘਰਸ਼ ਕਰਨ ਦੀ ਪੇ੍ਰਰਨਾ ਦਿੱਤੀ | ਇਸ ਮੌਕੇ ਸਮੂਹ ਕਰਮਚਾਰੀ ਮੌਜੂਦ ਰਹੇ |
