ਬਲਾਚੌਰ/ਜਾਡਲਾ, 31 ਮਈ (ਨਰੇਸ਼ ਧੌਲ, ਸੁਰਿੰਦਰ ਦੁੱਗਲ)-ਨਜ਼ਦੀਕੀ ਪਿੰਡ ਗਰਲੇ ਢਾਹਾਂ ਤੋਂ ਇੱਕ ਵਿਅਕਤੀ ਦੇ ਦੋ ਦਿਨਾਂ ਤੋਂ ਲਾਪਤਾ ਹੋਣ ਦੀ ਖ਼ਬਰ ਪ੍ਰਾਪਤ ਹੋਈ | ਉਸ ਦੇ ਪੁੱਤਰ ਲਵਪ੍ਰੀਤ ਸਿੰਘ ਅਤੇ ਪਰਿਵਾਰਿਕ ਮੈਂਬਰਾਂ ਨੇ ਦੱਸਿਆ ਕਿ ਕੁਲਵੰਤ ਸਿੰਘ ਉਰਫ਼ ਬਿੱਲਾ ਜਿਸ ਦੀ ਉਮਰ 55 ਸਾਲ ਹੈ, ਜੋ ਪਿਛਲੇ ਦੋ ਦਿਨਾਂ ਤੋਂ ਲਾਪਤਾ ਹੈ | ਲਵਪ੍ਰੀਤ ਨੇ ਦੱਸਿਆ ਕਿ ਉਸਦੇ ਪਿਤਾ ਦੇ ਸਿਰ ਦੀ ਸੱਟ ਕਾਰਨ ਮਾਨਸਿਕ ਸਥਿਤੀ ਠੀਕ ਨਹੀਂ ਹੈ | ਜੋ ਕਿ ਦੋ ਦਿਨ ਪਹਿਲਾਂ ਪਲੈਜ਼ਰ ਸਕੂਟਰੀ ਸਮੇਤ ਕੁੱਝ ਨਕਦੀ ਲੈ ਕੇ ਘਰ ਤੋਂ ਲਾਪਤਾ ਹੈ | ਜਿਸ ਦੀ ਹੁਣ ਤੱਕ ਕੋਈ ਉੱਗ-ਸੁੱਗ ਨਹੀਂ ਲੱਗ ਸਕੀ | ਉਨ੍ਹਾਂ ਦੱਸਿਆ ਕਿ ਦੋ ਦਿਨਾਂ ਦੀ ਭਾਲ ਕਰਨ ਉਪਰੰਤ ਕੁਲਵੰਤ ਸਿੰਘ ਸਬੰਧੀ ਗੁੰਮਸ਼ੁਦਗੀ ਦੀ ਲਿਖਤੀ ਸੂਚਨਾ ਥਾਣਾ ਬਲਾਚੌਰ ਨੂੰ ਦਿੱਤੀ ਗਈ ਹੈ |
