ਮੁਕੰਦਪੁਰ, 31 ਮਈ (ਅਮਰੀਕ ਸਿੰਘ ਢੀਂਡਸਾ)-ਅਮਰਦੀਪ ਸੈਕੰਡਰੀ ਸਕੂਲ ਮੁਕੰਦਪੁਰ 'ਚ ਵਿਦਿਆਰਥੀਆਂ ਦੇ ਸਰਵਪੱਖੀ ਵਿਕਾਸ ਨੂੰ ਮੁੱਖ ਰੱਖਦਿਆਂ ਸਮਰ ਕੈਂਪ ਦੀ ਸ਼ੁਰੂਆਤ ਹੋਈ | ਪਿ੍ੰਸੀਪਲ ਪਰਮਜੀਤ ਕੌਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਸਮਰ ਕੈਂਪ ਦਾ ਸਾਰਾ ਪ੍ਰਬੰਧ ਲੈਕ. ਬਲਵਿੰਦਰ ਸਿੰਘ ਦੁਆਰਾ ਉਲੀਕਿਆ ਗਿਆ ਜੋ ਕਿ ਇਕ ਹਫ਼ਤਾ ਚੱਲੇਗਾ | ਸਮਰ ਕੈਂਪ ਦੌਰਾਨ ਜੀਵਨ 'ਚ ਯੋਗਾ ਦੀ ਮਹੱਤਤਾ, ਸਰੀਰਕ ਤੰਦਰੁਸਤੀ ਦੀ ਮਹੱਤਤਾ, ਸੰਤੁਲਿਤ ਖ਼ੁਰਾਕ, ਨੈਤਿਕ ਕਦਰਾਂ-ਕੀਮਤਾਂ, ਚੰਗੇ ਨਾਗਰਿਕ ਦੇ ਗੁਣ, ਸਾਈਬਰ ਸੁਰੱਖਿਆ, ਜੀਵਨ 'ਚ ਸੰਗੀਤ ਦਾ ਮਹੱਤਵ, ਸਟੋਨ ਪੇਂਟਿੰਗ, ਬੈਲੂਨ ਪੇਂਟਿੰਗ, ਬਿਨਾ ਅੱਗ ਤੋਂ ਕੁਕਿੰਗ, ਬੈਂਕਿੰਗ ਜਾਗਰੂਕਤਾ, ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਅਤੇ ਚੰਗਾ ਸਲੀਕਾ ਆਦਿ ਵੱਖ-ਵੱਖ ਗਤੀਵਿਧੀਆਂ ਦੀ ਜਾਣਕਾਰੀ ਵਿਦਿਆਰਥੀਆਂ ਨੂੰ ਦਿੱਤੀ ਜਾਵੇਗੀ | ਸਮਰ ਕੈਂਪ ਦਾ ਉਦਘਾਟਨ ਸ. ਗੁਰਚਰਨ ਸਿੰਘ ਸ਼ੇਰਗਿੱਲ ਬਾਨੀ ਚੇਅਰਮੈਨ ਨੇ ਕੀਤਾ | ਇਸ ਮੌਕੇ ਸੁਰਿੰਦਰ ਸਿੰਘ ਢੀਂਡਸਾ, ਵਾਈਸ ਚੇਅਰਮੈਨ ਪੀ.ਟੀ.ਏ, ਕਾਲਜ ਪਿ੍ੰਸੀਪਲ ਪ੍ਰੋ.ਮਨਜੀਤ ਸਿੰਘ, ਲੈਕ. ਦਲਜੀਤ ਕੌਰ, ਲੈਕ.ਬਲਵਿੰਦਰ ਸਿੰਘ ਅਤੇ ਵਿਦਿਆਰਥੀ ਹਾਜ਼ਰ ਸਨ |
