ਅੰਮਿ੍ਤਸਰ, 25 ਦਸੰਬਰ (ਹਰਮਿੰਦਰ ਸਿੰਘ)- ਸ੍ਰੀ ਗੁਰੂ ਅਮਰਦਾਸ ਐਵੀਨਿਊ ਵਿਖੇ 21 ਮੈਂਬਰੀ ਡਿਵੈਲਪਮੈਂਟ ਕਮੇਟੀ ਵਲੋਂ ਇਲਾਕਾ ਨਿਵਾਸੀਆਂ ਦੇ ਸਹਿਯੋਗ ਨਾਲ ਚਾਰ ਸਾਹਿਬਜ਼ਾਦਿਆਂ ਤੇ ਮਾਤਾ ਗੁਜਰੀ ਜੀ ਦੀ ਸ਼ਹਾਦਤ ਨੂੰ ਯਾਦ ਕਰਦੇ ਹੋਏ ਇਲਾਕੇ ਦੇ ਏ ਬਲਾਕ ਵਿਖੇ ਦੁੱਧ ਦਾ ਲੰਗਰ ਲਗਾਇਆ ਗਿਆ | ਕਮੇਟੀ ਦੇ ਪ੍ਰਧਾਨ ਅਤੇ ਭਾਜਪਾ ਆਗੂ ਬਲਕਾਰ ਸਿੰਘ ਸੋਹਲ ਨੇ ਕਿਹਾ ਕਿ ਬਾਬਾ ਮੋਤੀ ਰਾਮ ਮਹਿਰਾ ਨੂੰ ਯਾਦ ਕਰਦੇ ਹੋਏ ਸੰਗਤ 'ਚ ਦੁੱਧ ਦਾ ਲੰਗਰ ਵਰਤਾਇਆ ਜਾ ਰਿਹਾ ਹੈ | ਇਸ ਮੌਕੇ ਕਮੇਟੀ ਵਲੋਂ ਰਾਮੇਸ਼ਵਰ ਦੱਤ ਸ਼ਰਮਾ, ਦੀਵਾਨ ਸਿੰਘ, ਪਵਨ ਕੁਮਾਰ, ਏ.ਪੀ.ਐੱਸ. ਭੰਗੂ, ਵਿਨੋਦ ਸ਼ਰਮਾ, ਬਲਬੀਰ ਸਿੰਘ ਨਾਗਰਾ, ਅਵਤਾਰ ਸਿੰਘ ਭੱਲਾ, ਬਲਜੀਤ ਸਿੰਘ ਔਲਖ, ਸੰਜੀਵ ਕੁਮਾਰ, ਹੀਰਾ ਸਿੰਘ, ਬਲਜੀਤ ਸਿੰਘ ਭਿੱਟੇਵੱਡ, ਸਵਿੰਦਰ ਪਾਲ ਪੁੰਜ, ਲਖਵਿੰਦਰ ਸਿੰਘ, ਬੀਬੀ ਪੂਨਮ ਮਲਹੋਤਰਾ ਆਦਿ ਮੌਜੂਦ ਸਨ |
