ਮਜੀਠਾ, 2 ਜੂਨ (ਮਨਿੰਦਰ ਸਿੰਘ ਸੋਖੀ)-ਸ਼ਿਵਾਲਾ ਮੰਦਰ ਮਜੀਠਾ ਵਿਖੇ ਭੂਮੀ ਪੂਜਨ ਦਿਵਸ, ਮੂਰਤੀ ਸਥਾਪਨਾ ਦਿਵਸ ਤੇ 14ਵਾਂ ਸਾਲਾਨਾ ਜਾਗਰਣ ਮੰਦਰ ਦੇ ਪੁਜਾਰੀ ਯੋਗੀ ਦਿਆਲ ਨਾਥ ਦੀ ਅਗਵਾਈ ਵਿਚ ਇਲਾਕੇ ਦੀਆਂ ਸਮੂਹ ਸੰਗਤਾਂ ਦੇ ਸਹਿਯੋਗ ਨਾਲ ਮਨਾਇਆ ਗਿਆ | ਯੋਗੀ ਦਿਆਲ ਨਾਥ ਵਲੋਂ ਹਵਨ ਯੱਗ ਕੀਤਾ ਗਿਆ, ਮੂਰਤੀਆਂ ਦੀ ਸਥਾਪਨਾ ਕੀਤੀ ਗਈ ਤੇ ਭੂਮੀ ਪੂਜਨ ਕੀਤਾ ਗਿਆ | ਰਾਤ ਵਕਤ ਮੰਦਰ ਸ਼ਿਵਾਲਾ ਵਿਖੇ ਮਹਾਂਮਾਈ ਦਾ ਵਿਸ਼ਾਲ ਜਾਗਰਣ ਹੋਇਆ, ਜਿਸ ਵਿਚ ਇਲਾਕੇ ਦੀ ਮਸ਼ਹੂਰ ਜਾਗਰਣ ਪਾਰਟੀ ਵਲੋਂ ਮਹਾਂਮਾਈ ਦਾ ਜਾਗਰਣ ਕੀਤਾ ਜਿਸ ਵਿਚ ਭਜਨ, ਭੇਟਾ ਅਤੇ ਧਾਰਮਿਕ ਗੀਤ ਗਾ ਕੇ ਸੰਗਤਾਂ ਨੂੰ ਮੰਤਰ ਮੁਗਧ ਕੀਤਾ ਗਿਆ | ਸੰਗਤਾਂ ਵਾਸਤੇ ਅਤੁੱਟ ਲੰਗਰ ਭੰਡਾਰਾ ਲਗਾਇਆ ਗਿਆ | ਇਸ ਮੌਕੇ ਯੋਗੀ ਦਿਆਲ ਨਾਥ, ਵਿੱਕੀ ਸ਼ਰਮਾ, ਸ਼ਿਵਮ ਡੋਗਰਾ, ਭੋਲਾ ਨਾਥ, ਦੀਪਕ ਆੜ੍ਹਤੀਆ, ਮਹਿੰਦਰ ਨਾਥ ਸਾਂਈ, ਲਲਿਤ ਕੁਮਾਰ ਬੌਬੀ, ਇੰਦਰਜੀਤ ਮਰਵਾਹ, ਪਵਨ ਕੁਮਾਰ, ਬਬਲੂ ਅਰੋੜਾ, ਭੋਲਾ ਅਰੋੜਾ, ਸਤੀਸ਼ ਕੁਮਾਰ, ਮੋਹਿਤ ਵਰਮਾ, ਪਿ੍ੰਸ ਪਾਰਸ, ਅਰੁਣ ਭੱਲਾ, ਗੁਰਮੇਜ ਦਾਸ, ਪ੍ਰਦੀਪ ਸ਼ਰਮਾ, ਮਨੋਹਰ ਲਾਲ ਮੈਣੀ, ਰਾਜੂ ਕਾਮਰੇਡ, ਬੱਬਲ ਪੁਰੀ, ਜਿੰਮੀ ਅਰੋੜਾ, ਦੀਪਕ ਤਕਿਆਰ, ਮਨੀਸ਼ ਯਾਦਵ, ਰਾਜੂ ਅਰੋੜਾ, ਸਾਜਨ ਵਰਮਾ, ਡਾ: ਮੂਲ ਰਾਜ, ਸਮੇਤ ਵੱਡੀ ਗਿਣਤੀ ਵਿਚ ਸੰਗਤਾਂ ਹਾਜ਼ਰ ਸਨ |
