ਖੇਮਕਰਨ, 26 ਸਤੰਬਰ (ਰਾਕੇਸ਼ ਕੁਮਾਰ ਬਿੱਲਾ)-ਸ੍ਰੀ ਰਾਮ ਲੀਲਾ ਕਲੱਬ ਖੇਮਕਰਨ ਵਲੋਂ ਸਥਾਨਕ ਮੰਦਿਰ ਦੇਵੀ ਦੁਵਾਰਾ ਵਿਖੇ ਰਾਮ ਲੀਲਾ ਦਾ ਮੰਚਨ ਆਰੰਭ ਕਰ ਦਿੱਤਾ ਗਿਆ ਹੈ, ਜਿਸ ਵਿਚ ਸ਼ਹਿਰ ਵਾਸੀ ਰਾਮ ਭਗਤ ਬੜੇ ਉਤਸ਼ਾਹ ਨਾਲ ਸ਼ਾਮਿਲ ਹੋ ਕੇ ਅਨੰਦ ਮਾਣ ਰਹੇ ਹਨ ਤੇ ਕਲਾਕਾਰਾਂ ਦੀ ਹੌਂਸਲਾ ਅਫਜਾਈ ਕਰ ਰਹੇ ਹਨ | ਰਾਮ ਲੀਲਾ ਦੀ ਦੂਸਰੀ ਨਾਇਟ ਦਾ ਉਦਘਾਟਨ ਕਰਦੇ ਹੋਏ ਆੜਤੀ ਯੂਨੀਅਨ ਖੇਮਕਰਨ ਦੇ ਸਾਬਕਾ ਪ੍ਰਧਾਨ ਹਰਭਜਨ ਸਿੰਘ ਸੰਧੂ ਨੇ ਸਮੂਹ ਸ਼ਹਿਰ ਵਾਸੀਆਂ ਨੂੰ ਵਧਾਈ ਦਿੰਦੇ ਹੋਏ ਪ੍ਰਬੰਧਕ ਕਲੱਬ ਦੀ ਪ੍ਰਸੰਸਾ ਕੀਤੀ, ਜਿਹੜੀ ਹਰ ਸਾਲ ਰਾਮ ਲੀਲਾ ਤੇ ਦੁਸਹਿਰੇ ਦਾ ਤਿਓਹਾਰ ਮਨਾ ਰਹੀ ਹੈ | ਉਨ੍ਹਾਂ ਕਲੱਬ ਨੂੰ ਨਗਦ ਸਹਾਇਤਾ ਰਾਸ਼ੀ ਵੀ ਦਿੱਤੀ | ਕਲੱਬ ਦੇ ਪ੍ਰਧਾਨ ਸੰਦੀਪ ਮਹਿਤਾ ਨੇ ਆਏ ਮਹਿਮਾਨਾਂ ਦਾ ਧੰਨਵਾਦ ਕਰਦੇ ਹੋਏ ਯਾਦਗਾਰੀ ਚਿੰਨ੍ਹ ਦੇ ਕੇ ਸਾਰਿਆਂ ਦਾ ਸਨਮਾਨ ਕੀਤਾ | ਇਸ ਮੌਕੇ ਸਭਾ ਦੇ ਪ੍ਰਧਾਨ ਅਸ਼ਵਨੀ ਸ਼ਰਮਾ, ਬੌਬੀ ਸ਼ਰਮਾ, ਮਨਜੀਤ ਸ਼ਰਮਾ, ਜਨਕ ਰਾਜ ਮਹਿਤਾ, ਵਿਜੈ ਗੁਲਾਟੀ, ਸੋਨੂੰ ਕਪੂਰ, ਰਾਮ ਚੋਪੜਾ, ਰਾਮ ਭੰਡਾਰੀ, ਦਿਲਬਾਗ ਸਿੰਘ ਸੰਧੂ, ਪੰਡਤ ਸੁਨੀਲ ਸ਼ਾਸ਼ਤਰੀ, ਸਰਿੰਦਰ ਚੌਧਰੀ ਸਮੇਤ ਸਾਰੇ ਅਹੁਦੇਦਾਰ ਹਾਜ਼ਰ ਸਨ |
