ਆਲਮਗੀਰ, 24 ਨਵੰਬਰ (ਜਰਨੈਲ ਸਿੰਘ ਪੱਟੀ)-ਸਥਾਨਕ ਮਾਲੇਰਕੋਟਲਾ ਰੋਡ ਪਿੰਡ ਗਿੱਲ ਸਥਿਤ ਮੈਸ਼ ਪ੍ਰੋਲਾਈਫ ਹਸਪਤਾਲ ਵਲੋਂ ਇਕ ਮਰੀਜ਼ ਦਾ ਬਲੈਡਰ ਕੈਂਸਰ ਦਾ ਸਫਲ ਆਪ੍ਰੇਸ਼ਨ ਕਰਕੇ ਉਕਤ ਬਿਮਾਰੀ ਦਾ ਇਲਾਜ਼ ਕਰਕੇ ਇਕ ਹੋਰ ਵੱਡੀ ਸਫਲਤਾ ਦਰਜ ਕੀਤੀ ਹੈ¢ ਪ੍ਰਸਿੱਧ ਯੂਰੋਲੋਜਿਸਟ ਅਤੇ ਕਿਡਨੀ ਟਰਾਂਸਪਲਾਂਟ ਸਰਜਨ ਡਾ. ਵਰੁਣ ਮਿੱਤਲ ਦੀ ਅਗਵਾਈ ਵਿਚ ਇਕ ਮਰੀਜ਼ ਦਾ ਬਲੈਡਰ ਕੈਂਸਰ ਦਾ ਸਫਲ ਆਪ੍ਰੇਸ਼ਨ ਕੀਤਾ ਗਿਆ, ਜੋ ਕਿ ਕਾਫ਼ੀ ਸਮੇਂ ਤੋਂ ਪਿਸ਼ਾਬ 'ਚ ਖ਼ੂਨ ਆਉਣ, ਤਿੱਖਾ ਦਰਦ, ਪਿਸ਼ਾਬ ਦੀ ਰੁਕਾਵਟ ਅਤੇ ਬਾਰ-ਬਾਰ ਇਨਫੈਕਸ਼ਨ ਦੀ ਸਮੱਸਿਆ ਨਾਲ ਪੀੜਤ ਸੀ¢ ਕਈ ਥਾਵਾਂ ਤੋਂ ਇਲਾਜ ਕਰਵਾਉਣ ਤੋਂ ਬਾਅਦ ਵੀ ਮਰੀਜ਼ ਦੀ ਬਿਮਾਰੀ ਦਿਨੋਂਦਿਨ ਵਧਦੀ ਗਈ ¢ ਮੈਸ਼ ਪ੍ਰੋਲਾਈਫ ਹਸਪਤਾਲ ਪਹੁੰਚਣ 'ਤੇ ਮਰੀਜ਼ ਦੀਆਂ ਐਡਵਾਂਸਡ ਸੀ.ਟੀ. ਸਕੈਨ ਅਤੇ ਯੂਰੋਲੋਜੀਕਲ ਜਾਂਚਾਂ ਕੀਤੀਆਂ ਗਈਆਂ, ਜਿਨ੍ਹਾਂ 'ਚ ਬਲੈਂਡਰ ਵਿਚ ਸ਼ੁਰੂਆਤੀ ਸਟੇਜ ਦਾ ਕੈਂਸਰ ਮਿਲਿਆ ¢ ਡਾ. ਵਰੁਣ ਮਿੱਤਲ ਅਤੇ ਉਨ੍ਹਾਂ ਦੀ ਸਰਜੀਕਲ ਟੀਮ ਨੇ ਐਂਡੋਸਕੋਪਿਕ ਅਤੇ ਐਡਵਾਂਸਡ ਲੇਜ਼ਰ ਤਕਨੀਕ ਦੀ ਵਰਤੋਂ ਕਰਕੇ ਕੈਂਸਰ ਵਾਲੇ ਹਿੱਸੇ ਨੂੰ ਸੁਰੱਖਿਅਤ ਢੰਗ ਨਾਲ ਹਟਾਇਆ ਅਤੇ ਆਪ੍ਰੇਸ਼ਨ ਤੋਂ ਅਗਲੇ ਹੀ ਦਿਨ ਮਰੀਜ਼ ਨੂੰ ਘਰ ਭੇਜ ਦਿੱਤਾ ਗਿਆ¢
