ਲੁਧਿਆਣਾ , 24 ਦਸੰਬਰ (ਜਸਵਿੰਦਰ ਸਿੰਘ)-ਪਿਛਲੇ ਕਈ ਦਿਨਾਂ ਤੋਂ ਵਿਦਿਆਰਥੀਆਂ ਵਲੋਂ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਵਿਖੇ ਤਕਰੀਬਨ 100 ਦਰਖ਼ਤ ਕੱਟੇ ਜਾਣ ਖਿਲਾਫ਼ ਰੋਸ ਮੁਜ਼ਾਹਰੇ, ਨੁੱਕੜ ਮੀਟਿੰਗਾਂ, ਪ੍ਰਚਾਰ ਕੀਤਾ ਜਾ ਰਿਹਾ ਸੀ | ਰੁੱਖ ਬਚਾਓ ਮੋਰਚਾ ਪੀਏਯੂ ਦੀ ਵਾਈਸ ਚਾਂਸਲਰ ਨਾਲ ਮੀਟਿੰਗ ਹੋਈ, ਜਿਸ ਵਿਚ ਵਾਈਸ ਚਾਂਸਲਰ ਨੇ ਭਰੋਸਾ ਦਿੱਤਾ ਕਿ ਉਹ ਇਕ ਵੀ ਦਰਖ਼ਤ ਨਹੀਂ ਕੱਟਣਗੇ ਅਤੇ ਸੜਕ ਸੀਮਤ ਹੱਦ ਤੱਕ ਚੌੜੀ ਹੋਵੇਗੀ | ਸਿਰਫ ਨਵੇਂ ਹੋਸਟਲ ਬਣਨ ਵਾਲੀ ਜਗ੍ਹਾ ਹੀ ਕੁਝ ਦਰਖ਼ਤ ਕੱਟਣੇ ਪੈਣੇ ਹਨ | ਮੀਟਿੰਗ ਤੋਂ ਬਾਅਦ ਲਾਇਬ੍ਰੇਰੀ ਅੱਗੇ ਇਕੱਤਰਤਾ ਨੂੰ ਸੰਬੋਧਨ ਕਰਦਿਆਂ ਵਿਦਿਆਰਥੀ ਆਗੂਆਂ ਨੇ ਕਿਹਾ ਕਿ ਇਹ ਵਿਦਿਆਰਥੀ ਰੋਹ ਦਾ ਜਲਵਾ ਹੈ, ਜਿਸ ਕਰਕੇ ਯੂਨੀਵਰਸਿਟੀ ਪ੍ਰਸ਼ਾਸਨ ਨੂੰ ਇਹ ਗਲਤ ਫੈਸਲਾ ਵਾਪਸ ਕਰਨਾ ਪਿਆ |
