ਸ੍ਰੀ ਅਨੰਦਪੁਰ ਸਾਹਿਬ, 1 ਨਵੰਬਰ (ਜੇ ਐਸ ਨਿੱਕੂਵਾਲ)-ਨਾਨਕ ਸਾਈਾ ਫਾਊਾਡੇਸ਼ਨ ਦੀ 11ਵੀਂ ''ਸੰਤ ਨਾਮਦੇਵ ਘੁਮਾਣ ਯਾਤਰਾ'' ਸੱਚਖੰਡ ਸ੍ਰੀ ਨਾਂਦੇੜ ਹਜ਼ੂਰ ਸਾਹਿਬ ਮਹਾਰਾਸ਼ਟਰ ਤੋਂ ਅੰਮਿ੍ਤਸਰ ਸਾਹਿਬ ਹੁੰਦੀ ਹੋਈ ਸ੍ਰੀ ਅਨੰਦਪੁਰ ਸਾਹਿਬ ਪਹੁੰਚੀ | ਜੋਕਿ 3 ਨਵੰਬਰ ਨੂੰ ਚੰਡੀਗੜ੍ਹ ਤੋਂ ਹੁੰਦੀ ਹੋਈ ਪਟਿਆਲਾ ਤੇ ਫਿਰ ਕੁਰੂਕਸੇਤਰ ਜਾਵੇਗੀ | ਇਸ ਯਾਤਰਾ ਵਿਚ ਮਹਾਰਾਸ਼ਟਰ ਦੇ ਭਗਤਾਂ ਵਲੋਂ ਧਾਰਮਿਕ, ਸੈਰ-ਸਪਾਟਾ, ਇਤਿਹਾਸ ਅਤੇ ਸਭਿਆਚਾਰ ਦਾ ਵੱਖਰਾ ਸਰੂਪ ਦੇਖਣ ਨੂੰ ਮਿਲਿਆ | ਇਸ ਸਬੰਧੀ ਨਾਦੇੜ ਤੋਂ ਨਾਨਕ ਸਾਈਾ ਫਾਊਡੇਸ਼ਨ ਦੇ ਪ੍ਰਧਾਨ ਪੰਡਰੀ ਨਾਥ ਬੁਕਾਰੇ ਨੇ ਕਿਹਾ ਕਿ ਸੰਤ ਨਾਮਦੇਵ ਨੇ ਮਰਾਠੀ ਝੰਡੇ ਨੂੰ ਪੰਜਾਬ ਤੱਕ ਪਹੁੰਚਾਇਆ ਹੈ | ਅਤੇ ਆਪਸੀ ਭਾਈਚਾਰਕ ਸਾਂਝ ਪੈਦਾ ਕੀਤੀ ਹੈ | ਇਸੇ ਲੜੀ ਤਹਿਤ ਫਾਊਾਡੇਸ਼ਨ ਵਲੋਂ ਇਹ ਯਾਤਰਾ ਕੱਢੀ ਜਾਂਦੀ ਹੈ | ਇਸ ਯਾਤਰਾ ਲਈ ਸੰਤ ਬਾਬਾ ਨਰਿੰਦਰ ਸਿੰਘ ਤੇ ਸੰਤ ਬਾਬਾ ਬਲਵਿੰਦਰ ਸਿੰਘ ਲੰਗਰਾਂ ਵਾਲਿਆਂ ਦਾ ਵਿਸ਼ੇਸ਼ ਸਹਿਯੋਗ ਹੈ | ਉਨ੍ਹਾਂ ਕਿਹਾ ਕਿ ਇਸ ਯਾਤਰਾ ਦੌਰਾਨ ਸੱਚਖੰਡ ਸ੍ਰੀ ਦਰਬਾਰ ਸਾਹਿਬ ਸ੍ਰੀ ਅੰਮਿ੍ਤਸਰ ਸਾਹਿਬ ਅਤੇ ਫਿਰ ਘੁਮਾਣ ਵਿਖੇ ਇੱਕ ਸੋਭਾ ਯਾਤਰਾ ਕੱਢੀ ਗਈ | ਉਸ ਤੋਂ ਬਾਅਦ ਇਸ ਯਾਤਰਾ ਪ੍ਰਸਿੱਧ ਸ਼ਕਤੀਪੀਠ ਮਾਤਾ ਨੈਣਾਂ ਦੇਵੀ, ਭਾਖੜਾ ਨੰਗਲ ਡੈਮ, ਪਾਣੀਪਤ ਤੋਂ ਹੁੰਦੀ ਹੋਈ 6 ਨਵੰਬਰ ਨੂੰ ਨਾਦੇੜ ਸਾਹਿਬ ਵਿਖੇ ਸਮਾਪਤ ਹੋਵੇਗੀ |
