ਪਾਤੜਾਂ ਵਿਖੇ ਨਿੱਜੀ ਸਕੂਲ ਦੀ ਬੱਸ ਹੋਈ ਹਾਦਸਾਗ੍ਰਸਤ, ਇਕ ਜ਼ਖ਼ਮੀ
ਅਜੀਤ ਡੈਸਕ
03-06-2025
ਜਿਸ 'ਚ ਕੁਝ ਬੱਸਾਂ ਦੇ ਨਕਾਰਾ ਹੋਣ ਦੀ ਗੱਲ ਵਿਦਿਆਰਥੀਆਂ ਦੇ ਮਾਪਿਆਂ ਵਲੋਂ ਕਹੀ ਜਾ ਰਹੀ ਹੈ | ਅੱਜ ਸਵੇਰੇ ਇਕ ਨਿੱਜੀ ਬੱਸ ਦਾ ਹਾਦਸੇ ਬਾਰੇ ਮੌਕੇ 'ਤੇ ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਹਾਦਸੇ ਦਾ ਕਾਰਨ ਬਣੀ ਪੈਰਾਡਾਈਜ਼ ਸਕੂਲ ਦੀ ਬੱਸ ਨੇ ਪਾਤੜਾਂ ਦੀ ਸਬਜ਼ੀ ਮੰਡੀ 'ਚ ਰੇਹੜੀ ਚਾਲਕ ਵਿਚ ਟੱਕਰ ਮਾਰੀ ਹੈ | ਹਾਦਸੇ 'ਚ ਜ਼ਖ਼ਮੀ ਵਿਅਕਤੀ ਦਾ ਨਾਂਅ ਅੰਗਰੇਜ਼ ਸਿੰਘ ਵਾਸੀ ਮੰਡਵੀ ਦੱਸਿਆ ਜਾ ਰਿਹਾ ਹੈ | ਇਸ ਬਾਰੇ ਅਸ਼ੋਕ ਕੁਮਾਰ ਐਸ. ਡੀ. ਐਮ. ਪਾਤੜਾਂ ਨੇ ਦੱਸਿਆ ਹੈ ਕਿ ਉਨ੍ਹਾਂ ਨੇ ਪਟਿਆਲਾ ਦੇ ਰਾਜਿੰਦਰਾ ਹਸਪਤਾਲ ਪਟਿਆਲਾ ਵਿਖੇ ਜਾ ਕੇ ਇਸ ਦਾ ਹਾਲ-ਚਾਲ ਪੁੱਛਿਆ ਹੈ | ਉਨ੍ਹਾਂ ਦੱਸਿਆ ਕਿ ਉਕਤ ਜ਼ਖ਼ਮੀ ਵਿਅਕਤੀ ਦੀ ਹਾਲਤ ਠੀਕ ਹੈ ਤੇ ਇਸ ਦਾ ਇਲਾਜ ਦਾ ਸਾਰਾ ਖ਼ਰਚ ਸਕੂਲ ਮਾਲਕਾਂ ਵਲੋਂ ਕਰਵਾਏ ਜਾਣ ਭਰੋਸਾ ਦਿੱਤਾ ਗਿਆ ਹੈ | ਇਸ ਸੰਬੰਧੀ ਪਟਿਆਲਾ ਦੇ ਆਰ. ਟੀ. ਓ. ਬਬਨਦੀਪ ਸਿੰਘ ਵਾਲੀਆ ਨੇ ਦੱਸਿਆ ਹੈ ਕਿ ਸੜਕ ਹਾਦਸੇ ਦਾ ਕਾਰਨ ਬਣੀ ਸਕੂਲ ਬੱਸ ਦਾ ਚਲਾਨ ਕੱਟ ਕੇ ਇਸ ਨੂੰ ਜ਼ਬਤ ਕਰ ਕੇ ਥਾਣਾ ਸਿਟੀ ਵਿਖੇ ਬੰਦ ਕੀਤਾ ਗਿਆ ਹੈ |
ਉਨ੍ਹਾਂ ਕਿਹਾ ਕਿ ਇਸ ਬੱਸ ਦੀ ਮਿਆਦ ਪੁੱਗ ਚੁੱਕੀ ਫਿਟਨੈੱਸ, ਬੀਮਾ, ਪਰਮਿਟ ਦੀ ਉਲੰਘਣਾ ਤੇ ਐੱਚ. ਐਸ. ਆਰ. ਪੀ. ਪਲੇਟ ਲਈ ਚਲਾਨ ਕੱਟਿਆ ਗਿਆ ਹੈ | ਟ੍ਰੈਫਿਕ ਇੰਚਾਰਜ ਸੁਖਪਾਲ ਸਿੰਘ ਨੇ ਦੱਸਿਆ ਕਿ ਹਾਦਸਾਗ੍ਰਸਤ ਬੱਸ ਦਾ ਕੁਝ ਦਿਨ ਪਹਿਲਾਂ ਹੀ ਚਲਾਨ ਕੀਤਾ ਗਿਆ ਸੀ | ਇਸ ਬਾਰੇ ਸ਼ਹਿਰੀ ਚੌਕੀ ਪਾਤੜਾਂ ਦੇ ਮੁਖੀ ਕੁਲਦੀਪ ਸਿੰਘ ਨੇ ਦੱਸਿਆ ਕਿ ਹਾਦਸਾਗ੍ਰਸਤ ਬੱਸ ਪੈਰਾਡਾਈਜ਼ ਸਕੂਲ ਦੀ ਹੈ ਤੇ ਹਾਦਸੇ 'ਚ ਜ਼ਖ਼ਮੀ ਵਿਅਕਤੀ ਦੇ ਬਿਆਨ ਲੈਣ ਗਈ ਪੁਲਿਸ ਪਾਰਟੀ ਨੂੰ ਜ਼ਖ਼ਮੀ ਵਿਅਕਤੀ ਨੇ ਕੋਈ ਕਰਵਾਈ ਕਰਵਾਏ ਜਾਣ ਤੋਂ ਇਨਕਾਰ ਕਰ ਦਿੱਤਾ ਹੈ |
