ਜੈਤੋ, 26 ਸਤੰਬਰ (ਗੁਰਚਰਨ ਸਿੰਘ ਗਾਬੜੀਆ)-ਭਾਰਤੀ ਕਿਸਾਨ ਯੂਨੀਅਨ ਕਾਦੀਆਂ ਜ਼ਿਲ੍ਹਾ ਕਮੇਟੀ ਫ਼ਰੀਦਕੋਟ ਦੀ ਮੀਟਿੰਗ ਜੈਤੋ ਬਲਾਕ ਦੇ ਪਿੰਡ ਸੇਢੇਵਾਲਾ ਵਿਖੇ ਜ਼ਿਲ੍ਹਾ ਪ੍ਰਧਾਨ ਸ਼ਮਸ਼ੇਰ ਸਿੰਘ ਜਲਾਲੇਆਣਾ ਦੀ ਪ੍ਰਧਾਨਗੀ ਹੇਠ ਕੀਤੀ ਗਈ | ਇਸ ਮੌਕੇ ਜਥੇਬੰਦੀ ਦਾ ਵਾਧਾ ਕਰਦੇ ਹੋਏ ਨਰਿੰਦਰਦੀਪ ਸਿੰਘ ਸੇਢਾ ਸਿੰਘ ਵਾਲਾ ਨੂੰ ਬਲਾਕ ਜੈਤੋ ਦਾ ਪ੍ਰਧਾਨ ਨਿਯੁਕਤ ਕੀਤਾ ਗਿਆ ਅਤੇ ਬਲਾਕ ਕਮੇਟੀ ਪੂਰੀ ਕਰਨ ਦੇ ਅਧਿਕਾਰ ਵੀ ਦਿੱਤੇ ਗਏ | ਨਰਿੰਦਰਦੀਪ ਸਿੰਘ ਸੇਢਾ ਸਿੰਘ ਵਾਲਾ ਨੇ ਯਕੀਨ ਦਿਵਾਇਆ ਕਿ ਉਹ ਤਨ ਮਨ ਧਨ ਨਾਲ ਹਮੇਸ਼ਾ ਕਾਦੀਆਂ ਜਥੇਬੰਦੀ ਨੂੰ ਸਮਰਪਿਤ ਰਹੇਗਾ | ਇੱਥੇ ਇਹ ਵੀ ਦੱਸਣਾ ਬਣਦਾ ਹੈ ਕਿ ਕਾਦੀਆਂ ਜਥੇਬੰਦੀ ਦੀ ਹੋਂਦ ਤੋਂ ਬਾਅਦ ਪਹਿਲੀ ਵਾਰ ਜੈਤੋ ਬਲਾਕ ਨੂੰ ਕਾਦੀਆਂ ਜਥੇਬੰਦੀ ਨਾਲ ਜੋੜਿਆ ਗਿਆ ਹੈ | ਇਸ ਮੌਕੇ ਕੁਲਵਿੰਦਰ ਸਿੰਘ ਹਰੀਏਵਾਲਾ ਪ੍ਰਧਾਨ ਬਲਾਕ ਕੋਟਕਪੂਰਾ, ਗੁਰਮੀਤ ਸਿੰਘ ਕੁਹਾਰਵਾਲਾ, ਦਲਜੀਤ ਸਿੰਘ ਮੁਮਾਰਾ ਤੇ ਜੀਤ ਸਿੰਘ ਸਾਧੂ ਵਾਲਾ ਆਦਿ ਮੌਜੂਦ ਸਨ |
