ਫ਼ਰੀਦਕੋਟ, 20 ਦਸੰਬਰ (ਜਸਵੰਤ ਸਿੰਘ ਪੁਰਬਾ)-ਸਰਕਾਰੀ ਮਿਡਲ ਸਕੂਲ ਪੱਕਾ ਵਿਖੇ ਨਵੇਂ ਦਾਖਲ ਹੋਏ ਵਿਦਿਆਰਥੀਆਂ ਨੂੰ ਬਾਬਾ ਫ਼ਰੀਦ ਕੇਬਲ ਨੈੱਟਵਰਕ ਫ਼ਰੀਦਕੋਟ ਦੇ ਸੰਜੀਵ ਕੁਮਾਰ ਟਿੰਕੂ ਮੌਂਗਾ, ਹਰਪ੍ਰੀਤ ਸਿੰਘ ਪ੍ਰੀਤ, ਰਾਜਿੰਦਰ ਸਿੰਘ ਬਰਾੜ, ਚੰਦਰਪਾਲ ਗਿਰੀ, ਗੁਰਦੇਵ ਸਿੰਘ ਡੁਬਈ ਵਾਲੇ, ਸਰਬਜੀਤ ਸਿੰਘ ਮੌੜ, ਦੁਸਹਿਰਾ ਕਮੇਟੀ ਫ਼ਰੀਦਕੋਟ ਦੇ ਚੇਅਰਮੈਨ ਅਸ਼ੋਕ ਸੱਚਰ, ਸ੍ਰੀ ਸੁਖਮਨੀ ਸਾਹਿਬ ਸੇਵਾ ਸੁਸਾਇਟੀ ਫ਼ਰੀਦਕੋਟ ਦੇ ਮੁੱਖ ਸੇਵਾਦਾਰ ਦਵਿੰਦਰ ਸਿੰਘ ਵਲੋਂ 42 ਬੱਚਿਆਂ ਨੂੰ ਬਲੇਜ਼ਰ ਸੌਂਪੇ ਗਏ | ਹਿੰਦੀ ਮਾਸਟਰ ਵਿਕਾਸ ਅਰੋੜਾ ਨੇ ਸਭ ਨੂੰ ਜੀ ਆਇਆਂ ਆਖਿਆ | ਸਕੂਲ ਮੁਖੀ ਜਸਬੀਰ ਸਿੰਘ ਜੱਸੀ ਨੇ ਇਨ੍ਹਾਂ ਤਿੰਨ ਸਮਾਜ ਸੇਵੀ ਸੱਜਣਾਂ ਦੇ ਨਾਲ ਹੀ ਗੁਰਦੇਵ ਸਿੰਘ ਡੁਬਈ, ਸਰਬਜੀਤ ਸਿੰਘ ਮੌੜ ਦਾ ਸਹਿਯੋਗ ਦੇ ਕੇ ਬੱਚਿਆਂ ਲਈ ਬਲੈਜ਼ਰ ਲੈ ਕੇ ਦੇਣ 'ਤੇ ਧੰਨਵਾਦ ਕੀਤਾ | ਹੈਲਥ ਫ਼ਾਰ ਸੁਸਾਇਟੀ ਫ਼ਰੀਦਕੋਟ ਦੇ ਪ੍ਰਧਾਨ ਡਾ. ਵਿਸ਼ਵਦੀਪ ਗੋਇਲ ਦੇ ਸਹਿਯੋਗ ਨਾਲ ਇਕ-ਇਕ ਐਕਸਟਰਾ ਮੁਕੰਮਲ ਵਰਦੀ ਦਿੱਤੀ ਗਈ ਹੈ | ਇਸ ਮੌਕੇ ਸਮਾਜ ਸੇਵੀ ਰਮੇਸ਼ ਗੇਰਾ, ਕੇ.ਪੀ. ਸਿੰਘ ਸਰਾਂ, ਵਿਕਾਸ ਅਰੋੜਾ, ਸਾਇੰਸ ਮਿਸਟ੍ਰੈਸ ਪ੍ਰਵੀਨ ਲਤਾ, ਐਸ.ਐਸ.ਮਾਸਟਰ ਸੁਦੇਸ਼ ਕੁਮਾਰ, ਐਸ.ਐਸ.ਮਿਸਟ੍ਰੈਸ ਜਸਵਿੰਦਰ ਕੌਰ, ਸਾਇੰਸ ਮਿਸਟ੍ਰੈਸ ਜਗਦੀਪ ਕੌਰ ਵੀ ਹਾਜ਼ਰ ਸਨ |
