ਫ਼ਰੀਦਕੋਟ, 27 ਦਸੰਬਰ (ਸਤੀਸ਼ ਬਾਗ਼ੀ)-ਸੇਵਾ ਭਾਰਤੀ ਦੇ ਪ੍ਰਧਾਨ ਚਮਨ ਗੇਰਾ ਦੀ ਅਗਵਾਈ ਅਤੇ ਜ਼ਿਲ੍ਹਾ ਇੰਚਾਰਜ ਟ੍ਰੈਫਿਕ ਪੁਲਿਸ ਵਕੀਲ ਸਿੰਘ ਦੇ ਸਹਿਯੋਗ ਨਾਲ ਸਾਦਿਕ ਚੌਂਕ ਵਿਖੇ ਆਟੋ ਅਤੇ ਟਰੈਕਟਰ ਟਰਾਲੀਆਂ ਅਤੇ ਹੋਰਨਾਂ ਹੈਵੀ ਵਾਹਨਾਂ 'ਤੇ ਧੁੰਦ ਦੇ ਮੱਦੇ ਨਜ਼ਰ 220 ਦੇ ਕਰੀਬ ਰਿਫ਼ਲੈਕਟਰ ਲਗਾਏ ਗਏ | ਪ੍ਰਧਾਨ ਚਮਨ ਗੇਰਾ ਨੇ ਦੱਸਿਆ ਕਿ ਹਰ ਸਾਲ ਧੁੰਦਾਂ ਕਰਕੇ ਹਾਦਸੇ ਵੱਧ ਰਹੇ ਹਨ ਅਤੇ ਜ਼ਿਆਦਾਤਰ ਹਾਦਸੇ ਵਿਜ਼ੀਬਿਲਟੀ ਨਾ ਹੋਣ ਕਰਕੇ ਹੁੰਦੇ ਹਨ | ਉਨ੍ਹਾਂ ਸਾਰੇ ਹੀ ਸ਼ਹਿਰ ਵਾਸੀਆਂ ਨੂੰ ਧੁੰਦਾਂ ਵਿਚ ਇਕ ਵਹੀਕਲ ਤੋਂ ਦੂਸਰੇ ਵਹੀਕਲ ਵਿਚਕਾਰ ਦੂਰੀ ਬਣਾ ਕੇ ਚੱਲਣ ਦੀ ਅਪੀਲ ਕੀਤੀ | ਇਸ ਮੌਕੇ ਮਨੋਜ ਜਿੰਦਲ ਸੈਕਟਰੀ, ਗੌਰਵ ਸੇਠੀ ਖ਼ਜ਼ਾਨਚੀ, ਸੀਨੀਅਰ ਮੈਂਬਰ ਡਾ. ਵਿਸ਼ਵਦੀਪ ਗੋਇਲ, ਸੰਦੀਪ ਗਰਗ ਦੀਪਕ ਗੋਇਲ, ਅਜੀਤ ਜੈਨ, ਬੱਬੂ ਸਚਦੇਵਾ, ਦੀਪਕ ਸ਼ਰਮਾ, ਨਵੀਂਨ ਰਾਬਰਾ, ਦਿਨੇਸ਼ ਮੁਖਿਜਾ ਅਤੇ ਟ੍ਰੈਫਿਕ ਪੁਲਿਸ ਦੇ ਲਖਵੀਰ ਸਿੰਘ, ਸੁਖਮੰਦਰ ਸਿੰਘ, ਸਰਬਜੀਤ ਸਿੰਘ, ਆਨੂ ਬਾਵਾ ਅਤੇ ਜਗਸੀਰ ਸਿੰਘ ਪੀ. ਸੀ. ਆਰ. ਟੀਮ ਵੀ ਮੌਕੇ ਹਾਜ਼ਰ ਸਨ |
