ਨਸ਼ੀਲੀਆਂ ਗੋਲੀਆਂ ਬਣਾ ਕੇ ਵੇਚਣ ਵਾਲੇ ਡਾਇਰੈਕਟਰ ਕਾਬੂ
ਅਜੀਤ ਡੈਸਕ
27-12-2025
ਟਰਾਮਾਡੋਲ ਸਮੇਤ ਹੋਰ ਮਨੋਰੋਗੀ ਤੇ ਨਿਯੰਤਰਿਤ ਦਵਾਈਆਂ (ਸਾਇਕੋਟਰੌਪਿਕ ਡਰਗਸ) ਨੂੰ ਪੰਜਾਬ ਸਮੇਤ ਹੋਰ ਰਾਜਾਂ ਵਿਚ ਗੈਰਮੌਜੂਦ ਫ਼ਰਮਾਂ ਦੇ ਨਾਂਅ 'ਤੇ ਵੱਡੀ ਮਾਤਰਾ ਵਿਚ ਸਪਲਾਈ ਕਰਨ ਦਾ ਦੋਸ਼ ਹੈ | ਇਸ ਸੰਬੰਧੀ ਐਨ. ਸੀ. ਬੀ. ਅੰਮਿ੍ਤਸਰ ਜ਼ੋਨਲ ਇਕਾਈ ਵਲੋਂ ਧਾਰਾ 8, 22 ਅਤੇ 29 ਐਨ. ਡੀ. ਪੀ. ਐਸ. ਐਕਟ ਤਹਿਤ ਐਫ. ਆਈ. ਆਰ. ਦਰਜ ਕੀਤੀ ਗਈ ਹੈ | ਸਰੋਤਾਂ ਅਨੁਸਾਰ ਐਨ. ਸੀ. ਬੀ. ਵਲੋਂ ਮੁਲਜ਼ਮਾਂ ਕੋਲੋਂ ਨਸ਼ੀਲੀਆਂ ਗੋਲੀਆਂ ਦੀ ਰਿਕਵਰੀ ਵੀ ਕੀਤੀ ਗਈ ਹੈ, ਜਿਹੜੀਆਂ ਵੱਖ-ਵੱਖ ਥਾਵਾਂ 'ਤੇ ਸਪਲਾਈ ਕੀਤੀਆਂ ਜਾ ਰਹੀਆਂ ਸਨ | ਦੋਵੇਂ ਅਭਿਯੁਕਤ ਇਸ ਵੇਲੇ ਐਨ. ਸੀ. ਬੀ. ਦੀ ਰਿਮਾਂਡ ਵਿਚ ਹਨ ਤੇ ਪੁੱਛਗਿੱਛ ਜਾਰੀ ਹੈ | ਜ਼ਿਕਰਯੋਗ ਹੈ ਕਿ ਇਨ੍ਹਾਂ ਮੁਲਜ਼ਮਾਂ ਦੀ ਨਿਸ਼ਾਨਦੇਹੀ 'ਤੇ ਐਨ. ਸੀ. ਬੀ. ਦੇ ਅਧਿਕਾਰੀ ਕੁਝ ਅਜਿਹੀਆਂ ਫ਼ਰਮਾਂ ਤੱਕ ਪਹੁੰਚੇ ਜੋਂ ਕਿ ਜਾਂ ਘਰ ਦੇ ਨੌਕਰਾਂ ਦੇ ਨਾਂਅ 'ਤੇ ਜਾਂ ਕਿਸੇ ਹੋਰ ਜਾਅਲੀ ਵਿਅਕਤੀਆਂ ਦੇ ਨਾਂਅ 'ਤੇ ਸਿਰਫ ਨਸ਼ੀਲੀਆਂ ਗੋਲੀਆਂ ਦੀ ਸਪਲਾਈ ਲਈ ਖੋਲ੍ਹੀਆਂ ਗਈਆਂ ਸਨ | ਜਾਂਚ 'ਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਮਿ੍ਦੁਲ ਤੇ ਦਿਨੇਸ਼ ਦੋਨੋਂ ਚੰਡੀਗੜ੍ਹ ਵਿਚ ਰਹਿ ਕੇ ਆਪਣੇ ਇਸ ਕਾਰੋਬਾਰ ਨੂੰ ਚਲਾ ਰਹੇ ਸਨ, ਜਿਥੋਂ ਸੂਚਨਾ ਮਿਲਣ 'ਤੇ ਅਧਿਕਾਰੀਆਂ ਨੇ ਉਨ੍ਹਾਂ ਨੂੰ ਗਿ੍ਫ਼ਤਾਰ ਕੀਤਾ | ਇਸ ਮਾਮਲੇ ਸੰਬੰਧੀ ਜਾਂਚ ਏਜੰਸੀਆਂ ਨੂੰ ਉਮੀਦ ਹੈ ਕਿ ਤਫ਼ਤੀਸ਼ ਅੱਗੇ ਵਧਣ 'ਤੇ ਇਹ ਕਾਰਵਾਈ ਚੰਡੀਗੜ੍ਹ ਐਨ. ਸੀ. ਬੀ. ਦੀ ਸਾਲ 2025 ਦੀ ਸਭ ਤੋਂ ਵੱਡੀ ਨਸ਼ੀਲੀਆਂ ਦਵਾਈਆਂ ਦੀ ਬਰਾਮਦੀ ਵਜੋਂ ਸਾਹਮਣੇ ਆ ਸਕਦੀ ਹੈ | ਹਾਲਾਂਕਿ, ਪੂਰੇ ਰੈਕਟ ਦੀ ਜਾਂਚ ਜਾਰੀ ਹੈ ਤੇ ਹੋਰ ਗਿ੍ਫ਼ਤਾਰੀਆਂ ਵੀ ਸੰਭਵ ਦੱਸੀਆਂ ਜਾ ਰਹੀਆਂ ਹਨ |
