ਖਨੌਰੀ, 19 ਅਕਤੂਬਰ (ਬਲਵਿੰਦਰ ਸਿੰਘ ਥਿੰਦ) - ਖਨੌਰੀ ਨੇੜਲੇ ਪਿੰਡ ਅਨਦਾਨਾ ਦੇ ਇਕ ਫੌਜੀ ਨੌਜਵਾਨ ਦੀ ਖੂਨੀ ਸੜਕ ਵਜੋਂ ਜਾਣੀ ਜਾਂਦੀ ਮੰਡਵੀ ਤੋਂ ਹਮੀਰਗੜ੍ਹ ਵਾਲੀ ਖਸਤਾ ਹਾਲਤ ਰੈਂਪਾ ਵਾਲੀ ਸੜਕ 'ਤੇ ਮੋਟਰਸਾਈਕਲ ਰੈਂਪ ਵਿਚ ਵੱਜਣ ਨਾਲ ਮੌਤ ਹੋ ਜਾਣ ਦਾ ਸਮਾਚਾਰ ਹੈ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਸਲੀਮ ਦੀਨ ਪੁੱਤਰ ਬੀਰਾ ਰਾਮ, 17 ਰਾਜਪੂਤ ਬਟਾਲੀਅਨ ਜੋ ਕਿ ਲੇਹ ਵਿਖੇ ਤਾਇਨਾਤ ਸੀ, ਅਕਤੂਬਰ 2025 ਨੂੰ ਛੁੱਟੀ ਲੈ ਕੇ ਆਪਣੇ ਘਰ ਆਇਆ ਹੋਇਆ ਸੀ | ਫੌਜੀ ਸਲੀਮ ਦੀਨ 17 ਅਕਤੂਬਰ ਨੂੰ ਆਪਣੇ ਨਿੱਜੀ ਕੰਮ ਲਈ ਮੂਨਕ ਗਿਆ ਹੋਇਆ ਸੀ ਤੇ ਸ਼ਾਮ ਨੂੰ ਜਦੋਂ ਉਹ ਵਾਪਸ ਆਪਣੇ ਪਿੰਡ ਅਨਦਾਨੇ ਨੂੰ ਆ ਰਿਹਾ ਸੀ ਤਾਂ ਹਮੀਰਗੜ੍ਹ ਤੋ ਮੰਡਵੀ ਗੁਰੂ ਤੇਗ ਬਹਾਦਰ ਸਾਹਿਬ ਪ੍ਰਧਾਨ ਮੰਤਰੀ ਸਕੀਮ ਤਹਿਤ ਬਣੀ ਸੜਕ ਤੇ ਬਰਸਾਤੀ ਪਾਣੀ ਦੇ ਨਿਕਾਸੀ ਲਈ ਤਿੰਨ ਚਾਰ ਰੈਂਪ ਸੜਕ ਵਿਚਕਾਰ ਮਹਿਕਮੇ ਵਲੋਂ ਬਣਾਏ ਗਏ ਹਨ | ਉਥੇ ਉਸਦਾ ਮੋਟਰਸਾਈਕਲ ਰੈਂਪ ਵਿਚ ਵੱਜਣ ਕਾਰਨ ਉਸ ਦਾ ਸੰਤੁਲਨ ਵਿਗੜਨ ਨਾਲ ਮੋਟਰਸਾਈਕਲ ਹੇਠਾਂ ਸੜਕ ਤੇ ਡਿੱਗ ਗਿਆ ਹੈ | ਜਦੋਂ ਇਸ ਸੰਬੰਧੀ ਪਰਿਵਾਰ ਵਾਲਿਆਂ ਨੂੰ ਪਤਾ ਲੱਗਿਆ ਤਾਂ ਉਸ ਨੂੰ ਜ਼ਖ਼ਮੀ ਹਾਲਤ ਵਿਚ ਤੁਰੰਤ ਪਟਿਆਲਾ ਦੇ ਮਿਲਟਰੀ ਹਸਪਤਾਲ ਵਿਖੇ ਲਿਜਾਇਆ ਗਿਆ | ਜਿਥੇ ਡਾਕਟਰਾਂ ਵਲੋਂ ਸਲੀਮ ਦੀਨ ਨੂੰ ਮਿ੍ਤਕ ਐਲਾਨ ਦਿੱਤਾ ਗਿਆ | ਅੱਜ ਰਾਜਿੰਦਰਾ ਮੈਡੀਕਲ ਹਸਪਤਾਲ ਪਟਿਆਲਾ ਤੋਂ ਪੋਸਟਮਾਰਟਮ ਕਰਵਾਉਣ ਉਪਰੰਤ ਉਸ ਨੂੰ ਜੱਦੀ ਪਿੰਡ ਅਨਦਾਨਾ ਵਿਖੇ ਲਿਆਂਦਾ ਗਿਆ ਤੇ ਉਥੇ ਸੰਗਰੂਰ ਦੀ ਆਰਮੀ ਦੀ ਟੁਕੜੀ ਵਲੋਂ ਉਸ ਦੀ ਮਿ੍ਤਕ ਦੇਹ ਨੂੰ ਸਲਾਮੀ ਦਿੱਤੀ ਗਈ ਤੇ ਉਥੇ ਹੀ ਮੁਸਲਮਾਨ ਭਾਈਚਾਰੇ ਵਲੋਂ ਅੰਤਿਮ ਰਸਮਾਂ ਕਰਕੇ ਉਸ ਨੂੰ ਦਫ਼ਨਾ ਦਿੱਤਾ ਗਿਆ | ਮਿ੍ਤਕ ਦੇ ਚਚੇਰੇ ਭਰਾ ਨਸੀਬ ਦੀਨ ਨੇ ਦੱਸਿਆ ਕਿ ਫੌਜੀ ਸਲੀਮ ਦੀਨ ਆਪਣੇ ਪਿੱਛੇ ਧਰਮ ਤਨੀ ਤੇ ਮਾਤਾ-ਪਿਤਾ ਨੂੰ ਡ ਗਿਆ ਹੈ | ਉਥੇ ਹੀ ਲੋਕਾਂ ਨੇ ਦੱਸਿਆ ਕਿ ਇਸ ਸੜਕ ਤੇ ਪਹਿਲਾਂ ਵੀ ਇੱਥੇ ਬਹੁਤ ਹਾਦਸੇ ਹੋਏ ਹਨ | ਪ੍ਰਸ਼ਾਸਨ ਨੂੰ ਇਹਨਾਂ ਰੈਂਪਾ ਬਾਰੇ ਇਲਾਕਾ ਨਿਵਾਸੀ ਕਈ ਵਾਰ ਇਹਨਾਂ ਦੇ ਹੱਲ ਲਈ ਸ਼ਕਾਇਤਾਂ ਕਰ ਚੁੱਕੇ ਹਨ ਪਰ ਪ੍ਰਸ਼ਾਸਨ ਦੇ ਕੰਨ ਤੇ ਜੂੰ ਤੱਕ ਨਹੀਂ ਸਰਕੀ | ਇਸ ਫੌਜੀ ਦੀ ਇਸ ਪ੍ਰਕਾਰ ਹੋਈ ਮੌਤ ਦੀ ਦੀ ਸੂਚਨਾ ਮਿਲਣ ਉਪਰੰਤ ਇਸ ਸਮੁੱਚੇ ਇਲਾਕੇ ਵਿੱਚ ਸੋਗ ਦੀ ਲਹਿਰ ਛਾਈ ਹੋਈ ਹੈ |
