ਫ਼ਾਜ਼ਿਲਕਾ, 19 ਅਕਤੂਬਰ (ਦਵਿੰਦਰ ਪਾਲ ਸਿੰਘ)-ਥਾਣਾ ਅਰਨੀਵਾਲਾ ਪੁਲਿਸ ਨੇ ਸੱਟਾਂ ਮਾਰਨ ਵਾਲੇ ਵਿਅਕਤੀ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ | ਜਾਂਚ ਅਧਿਕਾਰੀ ਜਸਪਾਲ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਮਨਜੀਤ ਸਿੰਘ ਪੁੱਤਰ ਸੁਬੇਗ ਸਿੰਘ ਵਾਸੀ ਡੱਬਵਾਲੀ ਕਲਾਂ ਨੇ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਉਸ ਨੇ ਝੀਗਾ ਮੱਛੀ ਫਾਰਮ ਜੋ ਪਿੰਡ ਖੂਈ ਖੇੜੇ ਠੇਕੇ 'ਤੇ ਲਿਆ ਸੀ | ਜੋ ਮੱਛੀ ਫਾਰਮ ਤੋਂ ਗੇੜਾ ਮਾਰਨ ਤੋਂ ਬਾਅਦ ਆਪਣੇ ਘਰ ਵਾਪਸ ਆ ਰਿਹਾ ਸੀ | ਅੱਗੇ ਤੋਂ ਨਰਿੰਦਰਪਾਲ ਪੁੱਤਰ ਕਿ੍ਸ਼ਨ ਸਿੰਘ ਵਾਸੀ ਡੱਬਵਾਲੀ ਕਲਾ ਨੇ ਗੋਹੇ ਵਾਲੀ ਰੇਹੜੀ ਜੋ ਮੋਟਰਸਾਈਕਲ ਪਿੱਛੇ ਪਾਈ ਸੀ ਲਿਆ ਕੇ ਮਨਜੀਤ ਸਿੰਘ ਜੋ ਐਕਟਿਵਾ 'ਤੇ ਆ ਰਿਹਾ ਸੀ ਉਸ ਦੇ ਅੱਗੇ ਸੁੱਟ ਦਿੱਤੀ ਜਿਸ ਨਾਲ ਉਸ ਦੀ ਐਕਟਿਵਾ ਫਿਸਲ ਕੇ ਡਿਗ ਪਈ ਤੇ ਮਨਜੀਤ ਸਿੰਘ ਦੇ ਕਾਫ਼ੀ ਸੱਟਾਂ ਲੱਗੀਆਂ ਸਨ | ਪੁਲਿਸ ਨੇ ਨਰਿੰਦਰਪਾਲ ਪੁੱਤਰ ਹਰਕਿ੍ਸ਼ਨ ਲਾਲ ਵਾਸੀ ਡੱਬਵਾਲਾ ਕਲਾ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਗਿਆ ਹੈ |
