ਬਠਿੰਡਾ

ਸੁਦੇਸ਼ ਵਾਟਿਕਾ ਕਾਨਵੈਂਟ ਸਕੂਲ ਭਾਗੀਵਾਂਦਰ ਦੇ ਵਿਦਿਆਰਥੀਆਂ ਨੇ ਵਿੱਦਿਅਕ ਟੂਰ ਲਗਾਇਆ <br/>

ਅ

ਅਜੀਤ ਡੈਸਕ 05-11-2025

ਤਲਵੰਡੀ ਸਾਬੋ, 4 ਨਵੰਬਰ (ਰਵਜੋਤ ਸਿੰਘ ਰਾਹੀ)- ਸੁਦੇਸ਼ ਵਾਟਿਕਾ ਕਾਨਵੈਂਟ ਸਕੂਲ ਭਾਗੀਵਾਂਦਰ ਵਲੋਂ ਵੱਖ-ਵੱਖ ਜਮਾਤਾਂ ਦੇ ਵਿਦਿਆਰਥੀਆਂ ਦਾ ਵਿੱਦਿਅਕ ਟੂਰ ਸਾਇੰਸ ਸਿਟੀ ਵਿਖੇ ਲਿਜਾਇਆ ਗਿਆ | ਸ਼ਾਇੰਸ ਸਿਟੀ ਦੇ ਟੂਰ ਦੌਰਾਨ ਵਿਦਿਆਰਥੀਆਂ ਨੇ ਸਪੇਸ ਥੀਏਟਰ ਵਿਚ ਖਗੋਲ ਸ਼ਾਸਤਰ, ਗ੍ਰਹਿ-ਨਕਸ਼ਤਰ, ਗਲੈਕਸੀ ਅਤੇ ਬ੍ਰਹਿਮੰਡ ਦੇ ਰਹੱਸਿਆਂ ਬਾਰੇ ਰੋਚਕ ਫ਼ਿਲਮ ਦੇਖੀ, ਜਿਸ ਨੇ ਵਿਦਿਆਰਥੀਆਂ ਦੀ ਜਾਣਕਾਰੀ ਵਿਚ ਹੋਰ ਵਾਧਾ ਕੀਤਾ | 3ਡੀ ਸ਼ੋਅ ਨੇ ਬੱਚਿਆਂ ਨੂੰ ਤਕਨਾਲੋਜੀ ਦੇ ਅਸਲ ਅਨੁਭਵ ਨਾਲ ਰੂਬਰੂ ਕਰਵਾਇਆ | ਸਾਇੰਸ ਸਿਟੀ ਦੀਆਂ ਟੈਕਨੋਲੋਜੀ ਗੈਲਰੀਆਂ, ਰੋਬੋਟਿਕਸ ਲੈਬ, ਹਿਊਮਨ ਬਾਡੀ ਮਾਡਲਸ, ਜੀਵ ਵਿਗਿਆਨ ਕੇਂਦਰ, ਐਕੁਏਰੀਅਮ ਅਤੇ ਵਾਤਾਵਰਣ ਸੰਬੰਧੀ ਮਾਡਲਾਂ ਨੇ ਵਿਦਿਆਰਥੀਆਂ ਵਿਚ ਖੋਜਾਤਮਕ ਜਿਗਿਆਸਾ ਨੂੰ ਹੋਰ ਮਜ਼ਬੂਤ ਕੀਤਾ | ਬੱਚਿਆਂ ਨੇ ਵਿਗਿਆਨਕ ਪ੍ਰਯੋਗਾਂ ਨਾਲ ਸੰਬੰਧਿਤ ਕਈ ਡੈਮੋ ਵੀ ਵੇਖੇ |
ਇਸ ਮੌਕੇ ਅਧਿਆਪਕਾਂ ਵਲੋਂ ਵੀ ਵਿਦਿਆਰਥੀਆਂ ਨੂੰ ਮਾਡਲਾਂ ਅਤੇ ਮਸ਼ੀਨਰੀ ਦੇ ਸਿਧਾਂਤ ਸਮਝਾਏ ਗਏ | ਡਾਇਨੋਸੌਰ ਪਾਰਕ ਵਿਚ ਬੱਚਿਆਂ ਨੇ ਪੂਰਵ ਜੁਗ ਦੇ ਜੀਵਾਂ ਬਾਰੇ ਮਹੱਤਵਪੂਰਨ ਜਾਣਕਾਰੀ ਹਾਸਲ ਕੀਤੀ | ਵਰਚੁਅਲ ਰਿਐਲਿਟੀ ਨਾਲ ਸਜਿਆ ਹੋਇਆ ਵਿਸ਼ਵ ਜਗਤ ਦਾ ਮਾਡਲ ਬੱਚਿਆਂ ਲਈ ਖਾਸ ਆਕਰਸ਼ਣ ਦਾ ਕੇਂਦਰ ਰਿਹਾ |
ਸਕੂਲ ਪਿ੍ੰਸੀਪਲ ਮੈਡਮ ਮੀਨੂੰ ਗਰਗ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਵਿਦਿਅਕ ਟੂਰ ਵਿਦਿਆਰਥੀਆਂ ਦੀ ਸਿਰਜਣਾਤਮਕ ਸੋਚ, ਵਿਗਿਆਨਕ ਦਿ੍ਸ਼ਟੀਕੋਣ ਅਤੇ ਖੋਜਣ ਦੀ ਸਮਰਥਾ ਵਧਾਉਣ ਵਿਚ ਬਹੁਤ ਮਦਦਗਾਰ ਹੁੰਦੇ ਹਨ | ਉਨ੍ਹਾਂ ਦੱਸਿਆ ਕਿ ਟੂਰ ਨੂੰ ਸਫਲ ਬਣਾਉਣ ਲਈ ਸਕੂਲ ਕੋਆਰਡੀਨੇਟਰ ਬੇਅੰਤ ਕੌਰ ਅਤੇ ਲਵਪ੍ਰੀਤ ਸਿੰਘ ਦਾ ਵਿਸ਼ੇਸ਼ ਯੋਗਦਾਨ ਰਿਹਾ |