ਖੰਨਾ, 31 ਮਈ (ਮਨਜੀਤ ਧੀਮਾਨ)-ਅੱਜ ਕਰਤਵ ਸੋਸ਼ਲ ਐਂਡ ਵੈੱਲਫੇਅਰ ਸੋਸਾਇਟੀ ਖੰਨਾ ਵਲੋਂ ਏ. ਐਸ. ਸੀਨੀਅਰ ਸੈਕੰਡਰੀ ਸਕੂਲ ਵਿਚ 8ਵੀਂ, 10ਵੀਂ ਅਤੇ 12ਵੀਂ ਜਮਾਤ ਵਿਚ ਪਹਿਲੇ ਤਿੰਨ ਸਥਾਨ ਪ੍ਰਾਪਤ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਸਕੂਲ ਮੈਨੇਜਰ ਮੋਹਿਤ ਗੋਇਲ ਨੇ ਸੰਸਥਾ ਦਾ ਧੰਨਵਾਦ ਕੀਤਾ ਅਤੇ ਸੰਸਥਾ ਵਲੋਂ ਸੁਨੀਲ ਨੇ ਵਿਦਿਆਰਥੀਆਂ ਦੀ ਹੌਸਲਾ ਅਫਜ਼ਾਈ ਕੀਤੀ | ਇਸ ਦੇ ਨਾਲ ਹੀ, ਸੰਸਥਾ ਨੇ ਵੇਦ ਮੰਦਿਰ ਮਾਡਲ ਸਕੂਲ ਦੇ 6 ਬੱਚਿਆਂ ਨੂੰ ਪੂਰੇ ਸਾਲ ਦੀਆਂ ਕਿਤਾਬਾਂ ਅਤੇ 6 ਮਹੀਨਿਆਂ ਦੀ ਫ਼ੀਸ ਅਤੇ ਹਿੰਦੀ ਪੁੱਤਰੀ ਪਾਠਸ਼ਾਲਾ ਸਕੂਲ ਦੇ ਇੱਕ ਵਿਦਿਆਰਥੀ ਨੂੰ ਕਿਤਾਬਾਂ ਅਤੇ 6 ਮਹੀਨਿਆਂ ਦੀ ਫ਼ੀਸ ਪ੍ਰਦਾਨ ਕੀਤੀ | ਇਸ ਮੌਕੇ ਵਿੱਕੀ ਸਾਹਨੇਵਾਲੀਆ, ਰਵੀ ਹਾਂਡਾ, ਸੁਨੀਲ, ਪਿ੍ੰਸ ਮਹਿਤਾ, ਨਵੀਨ ਕੁਮਾਰ, ਦੀਪਕ, ਹਰੀਸ਼, ਗੌਰਵ ਮੋਦੀ, ਰਮਨ ਵਰਮਾ, ਜਸਵੀਰ ਸਿੰਘ ਹਾਜ਼ਰ ਸਨ |
