ਮਾਛੀਵਾੜਾ ਸਾਹਿਬ, 22 ਸਤੰਬਰ (ਮਨੋਜ ਕੁਮਾਰ)-ਸਤਲੁਜ ਦਰਿਆ ਕਿਨਾਰੇ ਪੈਂਦੇ ਪਿੰਡ ਦੁਆਣਾ, ਸਿਕੰਦਰਪੁਰ ਤੇ ਧੁੱਲੇਵਾਲ ਵਿਖੇ ਪਿਛਲੇ ਲਗਭਗ 15 ਦਿਨਾਂ ਤੋਂ ਸਰਕਾਰੀ ਮੈਡੀਕਲ ਕੈਂਪਾਂ ਦੁਆਰਾ ਆਮ ਲੋਕਾਂ ਦਾ ਮੁਫ਼ਤ ਚੈੱਕਅਪ ਕੀਤਾ ਜਾ ਰਿਹਾ ਹੈ ਅਤੇ ਦਵਾਈਆਂ ਵੀ ਵੰਡੀਆਂ ਜਾ ਰਹੀਆਂ ਹਨ ¢ ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਐੱਸ. ਐੱਮ. ਓ. ਡਾ. ਜਸਦੇਵ ਸਿੰਘ ਨੇ ਦੱਸਿਆ ਕਿ ਇਹ ਮੈਡੀਕਲ ਟੀਮ ਹੜ੍ਹ ਪ੍ਰਭਾਵਿਤ ਖੇਤਰ, ਹਾਲਾਂਕਿ ਇਸ ਇਲਾਕੇ ਵਿਚ ਪਾਣੀ ਨਾਲ ਕੋਈ ਨੁਕਸਾਨ ਤਾਂ ਨਹੀਂ ਹੋਇਆ | ਪਰ ਫਿਰ ਵੀ ਇਸ ਇਲਾਕੇ ਦੇ ਆਸ ਪਾਸ ਜੰਗਲ ਵੀ ਹਨ | ਅੱਜ ਕੱਲ੍ਹ ਵਾਇਰਲ ਬੁਖ਼ਾਰ ਦੀ ਦਸਤਕ ਹੈ ਤੇ ਲਗਾਤਾਰ ਪੈਦਾ ਹੋ ਰਿਹਾ ਮੱਛਰ ਆਮ ਲੋਕਾਂ ਨੂੰ ਆਪਣੀ ਲਪੇਟ ਵਿਚ ਲੈ ਰਿਹਾ ਹੈ | ਇਸ ਤੋਂ ਬਚਾਅ ਲਈ ਸਾਡੀ ਮੈਡੀਕਲ ਟੀਮ ਚੈੱਕਅਪ ਕਰ ਕੇ ਹਰ ਸੰਭਵ ਇਲਾਜ ਕਰਦੀ ਹੈ ਅਤੇ ਇਸ ਨਾਲ ਆਮ ਲੋਕਾਂ ਨੂੰ ਬਹੁਤ ਫ਼ਾਇਦਾ ਵੀ ਹੋਇਆ ਹੈ ¢ ਮੈਡੀਕਲ ਟੀਮ ਦੁਆਰਾ ਚੈੱਕਅਪ ਕੈਂਪ ਦਾ ਇਹ ਸਿਲਸਿਲਾ ਇਸੇ ਤਰ੍ਹਾਂ ਜਾਰੀ ਰਹੇਗਾ ¢
