ਸਾਨ ਫਰਾਂਸਿਸਕੋ, 31 ਮਈ (ਐਸ ਅਸ਼ੋਕ ਭÏਰਾ)-ਜਹਾਜ਼ ਦੇ ਖੋਜੀ ਰਾਈਟ ਭਰਾਵਾਂ ਦੇ ਸ਼ਹਿਰ ਡੇਟਨ ਦੇ ਬਿਲਕੁਲ ਨਾਲ ਲੱਗਦੇ ਸ਼ਹਿਰ ਸਪਰਿੰਗਫੀਲਡ (ਓਹਾਇਓ) ਵਿਚ ਕੱਢੀ ਜਾਂਦੀ ਮੈਮੋਰੀਅਲ ਡੇਅ ਪਰੇਡ ਅਮਰੀਕਾ ਦੀਆਂ ਵੱਡੀਆਂ ਪਰੇਡਾਂ 'ਚੋਂ ਇੱਕ ਹੈ ¢ ਇਸ ਪਰੇਡ ਵਿਚ ਵੱਖ-ਵੱਖ ਵਿਭਾਗਾਂ ਜਥੇਬੰਦੀਆਂ, ਵਿਦਿਅਕ ਤੇ ਧਾਰਮਿਕ ਅਦਾਰਿਆਂ ਦੀਆਂ ਝਲਕੀਆਂ ਵਿਸ਼ੇਸ਼ ਖਿੱਚ ਦਾ ਕਾਰਨ ਹੁੰਦੀਆਂ ਹਨ ਤੇ ਫੌਜ ਦੀਆਂ ਜੀਪਾਂ, ਫਾਇਰ ਟਰੱਕ, ਮੋਟਰਸਾਈਕਲ ਤੇ ਹੋਰ ਅਣਗਿਣਤ ਵਾਹਨ ਵੀ ਇਸ ਪਰੇਡ ਦਾ ਹਿੱਸਾ ਹੁੰਦੇ ਹਨ ¢ ਇਸ ਵਾਰ ਵੀ ਤਕਰੀਬਨ ਸਥਾਨਕ 24 ਸੰਸਥਾਵਾਂ ਤੇ 2000 ਤੋਂ ਵੱਧ ਲੋਕਾਂ ਨੇ ਇਸ ਪਰੇਡ ਵਿਚ ਹਿੱਸਾ ਲਿਆ | ਅਮਰੀਕਨ ਝੰਡਿਆਂ, ਬੈਨਰਾਂ ਤੇ ਪੋਸਟਰਾਂ ਨਾਲ ਸਜਾਈਆਂ ਸਿੱਖ ਝਾਕੀਆਂ ਵੀ ਇਸ ਪਰੇਡ ਵਿਚ ਖਿੱਚ ਦਾ ਮੁੱਖ ਕੇਂਦਰ ਰਹੀਆਂ ਜਦੋਂ ਕਰੀਬ ਚਾਰ ਮੀਲ ਲੰਬੀ ਇਹ ਪਰੇਡ ਸ਼ਹਿਰ ਦੇ ਬਾਜ਼ਾਰ ਵਿਚੋਂ ਲੰਘੀ ਤਾਂ ਹਮੇਸ਼ਾ ਵਾਂਗ ਸਿੱਖ ਝਾਕੀ ਦਾ ਸੜ੍ਹਕ ਦੇ ਦੋਵੇਂ ਪਾਸੇ ਖੜੇ ਤੇ ਬੈਠੇ ਸਥਾਨਕ ਹਜ਼ਾਰਾਂ ਗੋਰੇ ਲੋਕਾਂ ਨੇ ਹੱਥ ਹਿਲਾ ਕੇ ਨਿੱਘਾ ਸਵਾਗਤ ਕੀਤਾ ਤੇ ਉਨ੍ਹਾਂ 'ਮਿਸਟਰ ਸਿੰਘ ਹੈਪੀ ਮੈਮੋਰੀਅਲ ਡੇਅ' ਜੋਸ਼ ਨਾਲ ਕਿਹਾ ¢ ਪਿਛਲੇ 26 ਸਾਲਾਂ ਤੋਂ ਸਪਰਿੰਗਫੀਲਡ ਦੇ ਸਮਾਜ ਸੇਵੀ ਅਵਤਾਰ ਸਿੰਘ ਤੇ ਉਨ੍ਹਾਂ ਦੀ ਧਰਮ ਪਤਨੀ ਸਰਬਜੀਤ ਕÏਰ ਤੇ ਬੱਚੇ ਲਗਾਤਾਰ ਪਰੇਡ ਦਾ ਹਿੱਸਾ ਬਣਦੇ ਆ ਰਹੇ ਹਨ ਤੇ ਉਨ੍ਹਾਂ ਵਲੋਂ ਆਈਆਂ ਸੰਗਤਾਂ ਲਈ ਆਪਣੇ ਘਰ ਵਿਚ ਵੀ ਵਿਸ਼ੇਸ਼ ਲੰਗਰ ਦਾ ਪ੍ਰਬੰਧ ਕੀਤਾ ਜਾਂਦਾ ਹੈ ¢ ਇਸ ਪਰੇਡ ਦਾ ਖਾਸ ਆਕਰਸ਼ਣ ਸੀ ਇੰਗਲੈਂਡ ਤੋਂ ਉਚੇਚੇ ਤੌਰ 'ਤੇ ਪੁੱਜੇ ਸੰਸਦ ਮੈਂਬਰ ਗੁਰਿੰਦਰ ਸਿੰਘ ਜੋਸਨ ਉਹ ਇਸ ਪਰੇਡ ਦਾ ਪੂਰਾ ਸਮਾਂ ਹਿੱਸਾ ਬਣੇ ਰਹੇ ਤੇ ਕਿਹਾ ਕਿ ਦੇਸ਼ ਲਈ ਕੁਰਬਾਨ ਹੋਣ ਵਾਲਿਆਂ ਦੇ ਸਤਿਕਾਰ ਦਾ ਜਜ਼ਬਾ ਸਪਰਿੰਗਫੀਲਡ ਦੀ ਇਸ ਪਰੇਡ ਵਰਗਾ ਹੀ ਹੋਣਾ ਚਾਹੀਦਾ ਹੈ | ਇਸ ਮੌਕੇ ਲੰਗਰ ਦੀ ਸੇਵਾ ਨਿਭਾਉਣ ਵਾਲਿਆਂ ਵਿਚ ਮਹਾਰਾਜਾ ਰੈਸਟੋਰੈਂਟ, ਤੰਦੂਰ ਇੰਡੀਆ ਪੀਜ਼ਾ, ਅਮਰ ਇੰਡੀਆ ਤੇ ਜੀਤ ਇੰਡੀਆ ਸ਼ਾਮਿਲ ਸਨ ¢
