ਯਮੁਨਾਨਗਰ, 4 ਨਵੰਬਰ (ਗੁਰਦਿਆਲ ਸਿੰਘ ਨਿਮਰ)-ਸਥਾਨਕ ਗੁਰੂ ਨਾਨਕ ਗਰਲਜ਼ ਕਾਲਜ ਵਿਖੇ ਜ਼ਿਲ੍ਹਾ ਯੁਵਕ ਮੇਲਾ-2025 ਅੱਜ ਅਮਿੱਟ ਯਾਦਾਂ ਛੱਡਦਾ ਸਮਾਪਤ ਹੋ ਗਿਆ | ਇਸ ਮੌਕੇ ਸਾਬਕਾ ਕੈਬਨਿਟ ਮੰਤਰੀ ਕੰਵਰਪਾਲ ਗੁਰਜਰ ਅਤੇ ਭਾਜਪਾ ਆਗੂ ਨੇਪਾਲ ਸਿੰਘ ਰਾਣਾ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ | ਇਸ ਸਮਾਰੋਹ ਦੀ ਸਫਲਤਾ ਲਈ ਕਾਲਜ ਦੇ ਜਨਰਲ ਸਕੱਤਰ ਮਨੋਰੰਜਨ ਸਿੰਘ ਸਾਹਨੀ, ਕਾਲਜ ਡਾਇਰੈਕਟਰ ਡਾ: ਵਰਿੰਦਰ ਗਾਂਧੀ ਅਤੇ ਕਾਲਜ ਪਿ੍ੰਸੀਪਲ ਡਾ: ਸੁਖਵਿੰਦਰ ਕੌਰ ਨੇ ਵੀ ਅਹਿਮ ਭੂਮਿਕਾ ਨਿਭਾਈ | ਇਸ ਮੌਕੇ ਕਰਵਾਏ ਵੱਖ-ਵੱਖ ਮੁਕਾਬਲਿਆਂ ਦੇ ਜੇਤੂਆਂ ਨੂੰ ਮੁੱਖ ਮਹਿਮਾਨ ਨੇ ਵਧਾਈ ਦਿੰਦਿਆਂ ਉਨ੍ਹਾਂ ਦੇ ਉੱਜਵਲ ਭਵਿੱਖ ਦੀ ਕਾਮਨਾ ਕੀਤੀ ਅਤੇ ਉਨ੍ਹਾਂ ਨੂੰ ਸਨਮਾਨਿਤ ਵੀ ਕੀਤਾ | ਇਸ ਮੌਕੇ ਜੀ. ਐਨ. ਜੀ. ਕਾਲਜ ਦੀ ਟੀਮ ਨੇ ਕਹਾਣੀ ਲਿਖਣ, ਭਾਸ਼ਣ ਮੁਕਾਬਲੇ, ਸਮੂਹ ਲੋਕ ਸੰਗੀਤ, ਸੋਲੋ ਲੋਕ ਸੰਗੀਤ ਸਾਜ਼ ਮੁਕਾਬਲੇ ਅਤੇ ਹਰਿਆਣਵੀ ਨਾਚ ਵਿਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ | ਇਸ ਮੌਕੇ ਕੋਆਰਡੀਨੇਟਰ ਪ੍ਰੋ. ਤਰਨਦੀਪ ਕੌਰ, ਡਾ. ਗੀਤੂ ਖੰਨਾ, ਪ੍ਰੋ. ਬਬੀਲਾ ਚੌਹਾਨ, ਡਾ. ਅੰਬਿਕਾ ਕਸ਼ਯਪ, ਸੰਧਿਆ ਸੁਖਮਨ ਗਾਂਧੀ, ਆਈ. ਟੀ. ਆਈ. ਦੇ ਕਲਾਸ ਇੰਸਟ੍ਰਕਟਰ ਸੰਜੇ ਨਰਵਾਲ, ਸ਼ਿਵਦਿਆਲ, ਪਲੇਸਮੈਂਟ ਅਫਸਰ ਕਿਰਨਪਾਲ ਰਾਣਾ, ਗੁਰਮੇਜ ਸਿੰਘ, ਸਾਹਿਲ ਸ਼ਰਮਾ, ਯੂਸਫ ਖਾਨ, ਮਨਦੀਪ ਕੁਮਾਰ, ਸੰਦੀਪ ਕੁਮਾਰ ਆਦਿ ਹਾਜ਼ਰ ਸਨ |
