ਜੰਡਿਆਲਾ ਮੰਜਕੀ,3 ਨਵੰਬਰ (ਸੁਰਜੀਤ ਸਿੰਘ ਜੰਡਿਆਲਾ)-ਮਾਤਾ ਸਲਾਣੀ ਦੀਆਂ ਸਾਲਾਨਾ ਸ਼ਾਮ ਦੀਆਂ ਪ੍ਰਭਾਤ ਫੇਰੀਆਂ 5 ਨਵੰਬਰ ਤੱਕ ਪਿੰਡ ਸੁੰਨੜ ਕਲਾਂ ਵਿੱਚ ਚੱਲ ਰਹੀਆਂ ਹਨ | ਪਿੰਡ ਦੀਆਂ ਲੜਕੀਆਂ ਦੀਵੇ ਜਗਾ ਕੇ ਪਿੰਡ ਦੀ ਪ੍ਰਕਰਮਾ ਕਰਦੀਆਂ ਹੋਈਆਂ ਅਤੇ ਮਾਤਾ ਦੀਆਂ ਭੇਟਾਂ ਗਾਉਂਦੀਆਂ ਹੋਈਆਂ ਮੰਦਿਰ ਪਹੁੰਚਦੀਆਂ ਹਨ | ਮਾਤਾ ਸਲਾਣੀ ਦੇ ਮੰਦਿਰ ਤੇ ਹਰ ਰੋਜ਼ ਸ਼ਾਮ ਪੰਜ ਵਜੇ ਦੀਪਮਾਲਾ ਕੀਤੀ ਜਾ ਰਹੀ ਹੈ | 5 ਨਵੰਬਰ ਨੂੰ ਲੜਕੀਆਂ ਵਲੋਂ ਤੜਕੇ ਤਿੰਨ ਵਜੇ ਇੱਕ ਸੌ ਇੱਕ ਦੀਵੇ ਜਗਾ ਕੇ ਮੰਦਰ 'ਤੇ ਦੀਪਮਾਲਾ ਕੀਤੀ ਜਾਵੇਗੀ | 4 ਨਵੰਬਰ ਨੂੰ ਕਮੇਟੀ ਵਲੋਂ ਦੀਪਮਾਲਾ ਕਰਨ ਵਾਲੀਆਂ ਲੜਕੀਆਂ ਨੂੰ ਸਨਮਾਨਿਤ ਕੀਤਾ ਜਾਵੇਗਾ | ਇਸ ਦੀ ਜਾਣਕਾਰੀ ਕਮੇਟੀ ਦੇ ਮੈਂਬਰਾਂ ਚੇਅਰਮੈਨ ਪਵਿੱਤਰ ਸਿੰਘ ਗੁਲਾਬਕੇ, ਪ੍ਰਧਾਨ ਰਾਜੀਵ ਜੋਸ਼ੀ, ਖਜ਼ਾਨਚੀ ਕੁਲਵਿੰਦਰ ਸਿੰਘ ਜਵਾਹਰਕੇ, ਅਮਰਜੀਤ ਸਿੰਘ ਮੰਗਾ ਲੰਬੜਦਾਰ, ਜਨਰਲ ਸਕੱਤਰ ਅਵਤਾਰ ਚੰਦ, ਲਖਵੀਰ ਸਿੰਘ ਬੱਬੂ, ਤਾਰਨੀ, ਮੌਂਟੀ ਅਤੇ ਜੱਸੀ ਬਰਾਦਰ ਫਰੀਦ ਨੇ ਦਿੱਤੀ |
