ਹਰਿਵੱਲਭ ਸੰਗੀਤ ਪ੍ਰਤੀਯੋਗਤਾ ਦੇ ਤੀਸਰੇ ਦਿਨ ਸੀਨੀਅਰ ਵਰਗ ਦੇ ਕਲਾਕਾਰਾਂ ਨੇ ਬੰਨਿ੍ਹਆ ਰੰਗ
Ad Position 21
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
ਅਜੀਤ ਡੈਸਕ
25-12-2025
ਜਲੰਧਰ ਦੇ ਪ੍ਰਸਿੱਧ ਸ਼ਕਤੀਪੀਠ ਸ੍ਰੀ ਦੇਵੀ ਤਲਾਬ ਦੇ ਸ੍ਰੀ ਰਾਮ ਹਾਲ ਵਿਖੇ ਕਰਵਾਏ ਜਾ ਰਹੇ ਇਨ੍ਹਾਂ ਸੰਗੀਤ ਮੁਕਾਬਲਿਆਂ ਦੇ ਤੀਜੇ ਦਿਨ ਦੀ ਸ਼ੁਰੂਆਤ ਸਰਸਵਤੀ ਵੰਦਨਾ ਅਤੇ ਹਰਿਵੱਲਭ ਵੰਦਨਾ ਦੀ ਪੇਸ਼ਕਾਰੀ ਨਾਲ ਹੋਈ | ਉਪਰੰਤ ਸ਼ੁਰੂ ਹੋਏ ਨਾਨ ਪ੍ਰੀਕਸ਼ਨ ਮੁਕਾਬਲਿਆਂ 'ਚ ਦੇਸ਼ ਦੇ ਵੱਖ-ਵੱਖ ਸੂਬਿਆਂ ਤੋਂ ਆਏ ਕਲਾਕਾਰਾਂ ਨੇ ਆਪਣੀ ਬਿਹਤਰੀਨ ਕਲਾ ਦਾ ਪ੍ਰਦਰਸ਼ਨ ਕਰ ਕੇ ਹਾਜ਼ਰੀਨ ਤੋਂ ਖ਼ੂਬ ਵਾਹ ਵਾਹ ਬਟੋਰੀ | ਅੰਤ 'ਚ ਜੱਜਾਂ ਵਲ਼ੋਂ ਐਲਾਨ ਕੀਤੇ ਗਈ ਨਤੀਜਿਆਂ 'ਚ ਕੁਰੂਕਸ਼ੇਤਰ ਦੇ ਤਿ੍ਦੇਵ ਕੌਸ਼ਿਕ ਨੇ ਹਰਮੋਨੀਅਮ 'ਤੇ ਰਾਗ ਕਿਵਾਨੀ ਪੇਸ਼ ਕਰ ਕੇ ਪਹਿਲਾ, ਕਬੀਰਧਾਮ ਛੱਤੀਸਗੜ੍ਹ ਦੀ ਸੁਸ਼ਮੀਤ ਕੌਰ ਸਲੂਜਾ ਨੇ ਦਿਲਰੂਬਾ 'ਤੇ ਰਾਗ ਯਮਨ ਪੇਸ਼ ਕਰ ਕੇ ਦੂਸਰਾ ਅਤੇ ਨਾਰਨੋਲ ਮਹਿੰਦਰਗੜ੍ਹ ਹਰਿਆਣਾ ਹਿਮਾਂਸ਼ੂ ਜੰਗੀਰ ਨੇ ਹਰਮੋਨੀਅਮ 'ਤੇ ਰਾਗ ਬਾਗੇਸ਼ਰੀ ਪੇਸ਼ ਕਰ ਕੇ ਤੀਸਰਾ ਸਥਾਨ ਹਾਸਿਲ ਕੀਤਾ | ਜੇਤੂਆਂ ਨੂੰ ਮਹਾਂ ਸਭਾ ਵਲੋਂ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਮਹਾਂ ਸਭਾ ਦੀ ਪ੍ਰਧਾਨ ਪੂਰਨਿਮਾ ਬੇਰੀ, ਡਾਇਰੈਕਟਰ ਇੰਜ. ਐਸ.ਐੱਸ. ਅਜੀਮਲ, ਡਾ. ਅਰੁਣ ਮਿਸ਼ਰਾ, ਸੰਗਤ ਰਾਮ, ਰਮੇਸ਼ ਮੋਦਗਿਲ, ਡਾ. ਕੁਲਵਿੰਦਰਦੀਪ ਕੌਰ, ਵਿਮਲਜੀਤ ਕÏਰ, ਮਦਨ ਰਾਣਾ, ਨਿਤਿਨ ਕਪੂਰ, ਮਨਜੀਤ ਸਿੰਘ ਤੇ ਮਹਾਂਸਭਾ ਦੇ ਹੋਰ ਮੈਂਬਰਾਂ ਤੋਂ ਇਲਾਵਾ ਵੱਡੀ ਗਿਣਤੀ 'ਚ ਸੰਗੀਤ ਪ੍ਰੇਮੀ ਹਾਜ਼ਰ ਸਨ¢
25 ਦਸੰਬਰ ਨੂੰ ਸੰਗੀਤ ਮੁਕਾਬਲਿਆਂ ਦੇ ਆਖ਼ਰੀ ਦਿਨ (ਇੰਸਟਰੂਮੈਂਟਲ) ਪ੍ਰੀਕਸ਼ਨ ਮੁਕਾਬਲੇ ਕਰਵਾਏ ਜਾਣਗੇ | 26 ਦਸੰਬਰ ਨੂੰ ਬਾਬਾ ਹਰਿਵੱਲਭ ਸੰਗੀਤ ਸੰਮੇਲਨ ਸ਼ੁਰੂ ਹੋਵੇਗਾ ਜੋ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦੇ 350 ਸਾਲਾ ਸ਼ਹੀਦੀ ਦਿਹਾੜੇ ਨੂੰ ਸਮਰਪਿਤ ਹੋਵੇਗਾ |
