ਲੰਬੀ, 4 ਨਵੰਬਰ (ਮੇਵਾ ਸਿੰਘ)-ਅੱਜ ਬਾਅਦ ਦੁਪਹਿਰ ਅਚਾਨਕ ਹੋਈ ਬੱਦਲਵਾਈ ਤੋਂ ਬਾਅਦ ਆਈ ਬਾਰਿਸ਼ ਅਤੇ ਪਏ ਗੜਿਆਂ ਕਾਰਨ ਪਿੰਡ ਅਬੁੱਲਖੁਰਾਣਾ, ਲਾਲਬਾਈ ਤੇ ਆਸ ਪਾਸ ਪਿੰਡਾਂ 'ਚ ਅਜੇ ਖੇਤ ਖੜੀ ਸਾਉਣੀ ਝੋਨੇ ਦੀ ਫ਼ਸਲ ਕਾਰਨ ਇਕ ਵਾਰ ਤਾਂ ਕਿਸਾਨਾਂ ਨੂੰ ਕਾਬਾਂ ਚੜ੍ਹਾ ਦਿੱਤਾ | ਗੜ੍ਹੇ ਪੈਣ ਦੀ ਸਪੀਡ ਕਾਫ਼ੀ ਤੇਜ਼ ਸੀ ਤੇ ਕਈ ਥਾਵੀਂ ਥਾਂ ਗੜਿ੍ਹਆਂ ਨਾਲ ਧਰਤੀ ਚਿੱਟੀ ਦਿਸਣ ਲੱਗ ਪਈ | ਬਲਾਕ ਖੇੜੀਬਾੜੀ ਦਫ਼ਤਰ ਲੰਬੀ ਦੇ ਖੇਤੀਬਾੜੀ ਵਿਕਾਸ ਅਧਿਕਾਰੀ ਸੁਖਚੈਨ ਸਿੰਘ ਨੇ ਦੱਸਿਆ ਕਿ ਹੁਣ ਤੱਕ ਝੋਨੇ ਦੀ ਕਰੀਬ 70 ਪ੍ਰਤੀਸ਼ਤ ਵਾਢੀ ਹੋ ਚੁੱਕੀ ਹੈ, ਜਿਹੜੀ 25 ਤੋਂ 30 ਪ੍ਰਤੀਸ਼ਤ ਝੋਨੇ ਦੀ ਫ਼ਸਲ ਖੇਤਾਂ ਵਿਚ ਵੱਢਣ ਵਾਲੀ ਖੜੀ ਹੈ ਤੇ ਖਾਸਕਰ ਪੀਬੀ-1401 ਬਾਸਮਤੀ ਮੁਛਲ ਨੂੰ ਇਨ੍ਹਾਂ ਗ ੜਿ੍ਹਆਂ ਕਾਰਨ ਨੁਕਸਾਨ ਹੋਣ ਦਾ ਅਨੁਮਾਨ ਹੈ | ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਗੜਿ੍ਹਆਂ ਨਾਲ ਫ਼ਸਲੀ ਕਿੰਨਾਂ ਕੁ ਨੁਕਸਾਨ ਹੋਇਆ ਅਜੇ ਰਿਪੋਰਟਾਂ ਆਉਣੀਆਂ ਬਾਕੀ ਹਨ | ਉਨ੍ਹਾਂ ਦੱਸਿਆ ਕਿ ਮੌਸਮ ਵਿਭਾਗ ਅਨੁਸਾਰ ਅਜੇ 5 ਨਵੰਬਰ ਨੂੰ ਵੀ ਬੱਦਲਵਾਈ ਤੇ ਬਰਸਾਤ ਆਉਣ ਦੀ ਸੰਭਾਵਨਾ ਹੈ, ਤੇ ਠੰਡੀਆਂ ਹਵਾਵਾਂ ਚੱਲ ਸਕਦੀਆਂ ਹਨ, ਜਿਸ ਨਾਲ ਠੰਡ ਵਧ ਸਕਦੀ ਹੈ |
