ਭੁਲੱਥ, 1 ਜੂਨ (ਮੇਹਰ ਚੰਦ ਸਿੱਧੂ)-ਇੱਥੋਂ ਥੋੜ੍ਹੀ ਦੂਰੀ 'ਤੇ ਪੈਂਦੇ ਪਿੰਡ ਅਕਾਲਾ ਵਿਖੇ 25ਵਾਂ ਸਾਲਾਨਾ ਮੇਲਾ ਨੂਰ ਪੀਰ ਦੇ ਦਰਬਾਰ 'ਤੇ ਪ੍ਰਬੰਧਕ ਬੱਗਾ ਗੋਜਰਾ, ਗੁਰਚਰਨ ਕੋਂਕਣ ਦੇ ਸਮੁੱਚੇ ਪ੍ਰਬੰਧਾਂ ਹੇਠ ਐਨ.ਆਰ.ਆਈ. ਵੀਰਾਂ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ | ਉਦਘਾਟਨ ਦੀ ਰਸਮ ਦਵਿੰਦਰ ਸਿੰਘ ਇਟਲੀ ਨੇ ਰੀਬਨ ਕੱਟ ਕੇ ਕੀਤੀ | ਉਪਰੰਤ ਪੰਜਾਬੀ ਗਾਇਕ ਕਾਂਸ਼ੀ ਨਾਥ ਸੁਰਜੀਤ ਭੁੱਲਰ ਤੇ ਬੀਬਾ ਜੰਨਤ ਕੌਰ ਨੇ ਆਪਣੇ ਚਰਚਿਤ ਗੀਤਾਂ ਰਾਹੀਂ ਹਾਜ਼ਰੀ ਲਵਾਈ | ਬਲਦੇਵ ਸਿੱਧੂ ਨੇ ਮੰਚ ਸੰਚਾਲਕ ਦੀ ਭੂਮਿਕਾ ਬਾਖ਼ੂਬੀ ਨਿਭਾਈ | ਇਸ ਮੌਕੇ ਸਰਪੰਚ ਮਾਨ ਸਿੰਘ, ਕੈਪਟਨ ਸੁਰਜੀਤ ਸਿੰਘ, ਸ਼ਿੰਗਾਰ ਸਿੰਘ, ਪ੍ਰਧਾਨ ਨਿੰਦਰ ਫਰਾਂਸ, ਟੀਟੂ ਫਰਾਂਸ, ਮਹਿੰਦਰ ਸਿੰਘ ਯੂ.ਐਸ.ਏ ਤੇ ਹੋਰ ਹਾਜ਼ਰ ਸਨ | ਪ੍ਰਬੰਧਕਾਂ ਵਲੋਂ ਦਰਬਾਰ 'ਤੇ ਚਾਦਰ ਤੇ ਝੰਡੇ ਦੀ ਰਸਮ ਅਦਾ ਕੀਤੀ ਗਈ |
