ਫਗਵਾੜਾ, 3 ਨਵੰਬਰ (ਹਰਜੋਤ ਸਿੰਘ ਚਾਨਾ)- ਕੁੱਟਮਾਰ ਕਰਕੇ ਜ਼ਖਮੀ ਕਰਨ ਦੇ ਸਬੰਧ 'ਚ ਸਤਨਾਮਪੁਰਾ ਪੁਲਿਸ ਨੇ ਇੱਕ ਪਰਿਵਾਰ ਦੇ ਤਿੰਨ ਮੈਂਬਰਾਂ ਖ਼ਿਲਾਫ਼ ਵੱਖ ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਹੈ | ਸ਼ਿਕਾਇਤ ਕਰਤਾ ਅੰਮਿ੍ਤਪਾਲ ਸਿੰਘ ਬੇਦੀ ਪੁੱਤਰ ਰਣਜੀਤ ਸਿੰਘ ਬੇਦੀ ਵਾਸੀ ਖ਼ਾਲਸਾ ਇਨਕਲੇਵ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ 'ਚ ਦੱਸਿਆ ਕਿ ਉਸਦਾ ਜੱਦੀ ਘਰ ਮੁਹੱਲਾ ਭਗਤਪੁਰਾ ਵਿਖੇ ਹੈ ਤੇ ਇਹ ਮਕਾਨ ਉਨ੍ਹਾਂ ਦੇ ਤਾਇਆ ਨਾਲ ਸਾਂਝਾ ਹੈ | ਉਨ੍ਹਾਂ ਆਪਣੇ ਹਿੱਸੇ 'ਤੇ ਕਿਰਾਏਦਾਰ ਰੱਖੇ ਹੋਏ ਹਨ ਤੇ ਉਨ੍ਹਾਂ ਦੇ ਕਿਰਾਏਦਾਰਾ ਨੇ ਕਈ ਵਾਰ ਰੋਸ ਕੀਤਾ ਕਿ ਕਮਲਜੀਤ ਸਿੰਘ, ਉਸਦਾ ਲੜਕਾ ਮਨਿੰਦਰਪਾਲ ਸਿੰਘ ਬੇਦੀ ਤੇ ਉਸਦੀ ਨੂੰ ਹ ਸਹਿਜਪ੍ਰੀਤ ਕੌਰ ਉਨ੍ਹਾਂ ਨੂੰ ਤੰਗ ਪ੍ਰੇਸ਼ਾਨ ਕਰਦੇ ਰਹਿੰਦੇ ਹਨ ਤੇ ਜਬਰੀ ਘਰ ਖਾਲੀ ਕਰਵਾਉਣ ਦੀਆਂ ਧਮਕੀਆਂ ਦਿੰਦੇ ਰਹਿੰਦੇ ਹਨ | ਉਹ ਆਪਣੇ ਪਿਤਾ ਨਾਲ ਜਦੋਂ ਗੱਲ ਕਰਨ ਲਈ ਗਿਆ ਤਾਂ ਉਹ ਸਾਡੇ ਗੱਲ ਪੈ ਗਏ ਤੇ ਕੁੱਟਮਾਰ ਕੀਤੀ | ਜਿਸ ਸਬੰਧ 'ਚ ਪੁਲਿਸ ਨੇ ਕਮਲਜੀਤ ਸਿੰਘ ਪੁੱਤਰ ਬਲਦੇਵ ਸਿੰਘ, ਮਨਿੰਦਰਪਾਲ ਸਿੰਘ ਬੇਦੀ ਪੁੱਤਰ ਕਮਲਜੀਤ ਸਿੰਘ ਤੇ ਸਹਿਜਪ੍ਰੀਤ ਕੌਰ ਵਾਸੀਆਨ ਮੁਹੱਲਾ ਭਗਤਪੁਰਾ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ |
