ਸਾਊਦੀ ਅਰਬ ਤੇ ਕੁਵੈਤ 'ਚ ਅਮਰੀਕੀ ਦੂਤਘਰਾਂ 'ਤੇ ਡਰੋਨ ਹਮਲਾ

ਅ

ਅਜੀਤ ਡੈਸਕ 04-03-2026

ਈਰਾਨ ਨੇ ਮੰਗਲਵਾਰ ਸਵੇਰੇ ਸਾਊਦੀ ਅਰਬ ਦੀ ਰਾਜਧਾਨੀ 'ਚ ਅਮਰੀਕੀ ਦੂਤਘਰ 'ਤੇ ਇਕ ਡਰੋਨ ਨਾਲ ਹਮਲਾ ਕੀਤਾ | ਇਸ ਤੋਂ ਇਲਾਵਾ ਕੁਵੈਤ 'ਚ ਵੀ ਅਮਰੀਕੀ ਦੂਤਘਰ 'ਤੇ ਹਮਲਾ ਕੀਤਾ ਗਿਆ | ਸਾਊਦੀ ਅਰਬ ਦੇ ਰੱਖਿਆ ਮੰਤਰਾਲੇ ਅਨੁਸਾਰ ਰਿਆਧ 'ਚ ਅਮਰੀਕੀ ਦੂਤਘਰ 'ਤੇ ਦੋ ਡਰੋਨਾਂ ਦੇ ਹਮਲੇ 'ਚ ਮਾਮੂਲੀ ਨੁਕਸਾਨ ਪੁੱਜਾ | ਹਮਲੇ ਤੋਂ ਬਾਅਦ ਦੂਤਘਰ ਨੇ ਅਮਰੀਕੀਆਂ ਨੂੰ ਕੰਪਲੈਕਸ ਤੋਂ ਬਾਹਰ ਨਿਕਲਣ ਦੀ ਅਪੀਲ ਕੀਤੀ | ਇਹ ਕੁਵੈਤ 'ਚ ਅਮਰੀਕੀ ਦੂਤਘਰ 'ਤੇ ਹਮਲੇ ਤੋਂ ਬਾਅਦ ਹੋਇਆ | ਹਮਲੇ ਦੇ ਤੁਰੰਤ ਬਾਅਦ ਕੁਵੈਤ ਦੇ ਅਮਰੀਕੀ ਦੂਤਘਰ ਨੇ ਐਲਾਨ ਕੀਤਾ ਕਿ ਇਸ ਨੂੰ ਅਗਲੇ ਨੋਟਿਸ ਤੱਕ ਬੰਦ ਕਰ ਦਿੱਤਾ ਗਿਆ ਹੈ | ਅਮਰੀਕੀ ਵਿਦੇਸ਼ ਵਿਭਾਗ ਨੇ ਸਾਵਧਾਨੀ ਵਜੋਂ ਕੁਵੈਤ ਦੇ ਨਾਲ-ਨਾਲ ਬਹਿਰੀਨ, ਇਰਾਕ, ਕਤਰ, ਜਾਰਡਨ ਤੇ ਸੰਯੁਕਤ ਅਰਬ ਅਮੀਰਾਤ (ਯੂ.ਏ.ਈ.) 'ਚ ਗੈਰ-ਐਮਰਜੈਂਸੀ ਕਰਮਚਾਰੀਆਂ ਤੇ ਪਰਿਵਾਰਾਂ ਨੂੰ ਉਥੋਂ ਬਾਹਰ ਨਿਕਲਣ ਦਾ ਆਦੇਸ਼ ਦਿੱਤਾ ਹੈ |