ਮਾਹਿਲਪੁਰ, 8 ਮਈ (ਰਜਿੰਦਰ ਸਿੰਘ)-ਥਾਣਾ ਮਾਹਿਲਪੁਰ ਦੀ ਪੁਲਿਸ ਵਲੋਂ 98 ਖੁੱਲ੍ਹੀਆਂ ਨਸ਼ੀਲੀਆਂ ਗੋਲੀਆਂ ਸਮੇਤ ਤਿੰਨ ਵਿਅਕਤੀਆਂ ਨੂੰ ਕਾਬੂ ਕਰਕੇ ਉਨ੍ਹਾਂ 'ਤੇ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ | ਜਾਣਕਾਰੀ ਅਨੁਸਾਰ ਥਾਣੇਦਾਰ ਸਤਨਾਮ ਸਿੰਘ ਸਮੇਤ ਪੁਲਿਸ ਪਾਰਟੀ ਗਸ਼ਤ ਕਰਦੇ ਹੋਏ ਹਰਬੰਸ ਗੇਟ ਮਾਹਿਲਪੁਰ ਸਾਈਡ ਤੋਂ ਬੀ. ਡੀ. ਓ. ਕਾਲੋਨੀ ਤੋਂ ਹੁੰਦੇ ਹੋਏ ਪਿੰਡ ਬਘੋਰੇ ਸਾਈਡ ਨੂੰ ਜਾ ਰਹੇ ਸੀ ਤਾਂ ਸਾਹਮਣੇ ਤਿੰਨ ਨੌਜਵਾਨ ਖੜੇ੍ਹ ਦਿਖਾਈ ਦਿੱਤੇ ਜਿਨ੍ਹਾਂ ਦੀ ਸ਼ੱਕ ਆਧਾਰ 'ਤੇ ਨਵਦੀਪ ਸਿੰਘ ਉਰਫ਼ ਨਵ ਪੁੱਤਰ ਦਰਸ਼ਨ ਸਿੰਘ ਵਾਸੀ ਸੈਲਾ ਖ਼ੁਰਦ ਦੀ ਤਲਾਸ਼ੀ ਲੈਣ 'ਤੇ 98 ਖੁਲੀਆ ਨਸ਼ੀਲੀਆਂ ਗੋਲੀਆਂ ਤੇ ਪ੍ਰੇਮ ਕੁਮਾਰ ਉਕਤ ਦੀ ਤਲਾਸ਼ੀ ਕਰਨ ਤੇ ਉਸ ਤੋਂ ਇਕ ਲਾਈਟਰ ਤੇ ਸ਼ੁਭਮ ਉਕਤ ਦੇ ਹੱਥ 'ਚ ਫੜਿਆ ਹੋਇਆ 50 ਰੁਪਏ ਦਾ ਨੋਟ ਅਤੇ ਸਿਲਵਰ ਪੰਨੀ ਜਿਸਤੇ ਮੈਲਟ ਨਸ਼ੀਲਾ ਪਦਾਰਥ ਲੱਗਾ ਹੋਇਆ ਬਰਾਮਦ ਹੋਇਆ | ਸ਼ੁਭਮ ਪੁੱਤਰ ਰਾਕੇਸ਼ ਕੁਮਾਰ ਵਾਸੀ ਟਾਹਲੀਵਾਲ ਥਾਣਾ ਹਰੋਲੀ ਜ਼ਿਲ੍ਹਾ ਊਨਾ ਦੱਸਿਆ |
