ਹਾਜੀਪੁਰ, 8 ਮਈ (ਜੋਗਿੰਦਰ ਸਿੰਘ)-ਪੀ. ਐਮ. ਸ੍ਰੀ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਹਾਜੀਪੁਰ 'ਚ ਵਿਸ਼ੇਸ਼ ਰੁਜ਼ਗਾਰ ਮੇਲੇ ਦਾ ਆਯੋਜਨ ਕੀਤਾ | ਇਹ ਮੇਲਾ ਸਕੂਲ ਦੇ ਸਤਿਕਾਰਯੋਗ ਪਿ੍ੰਸੀਪਲ ਦੀਪਕ ਸ਼ਰਮਾ ਦੀ ਦੂਰਅੰਦੇਸ਼ੀ ਸੋਚ ਤੇ ਯੋਗ ਅਗਵਾਈ ਹੇਠ ਬਲਦੇਵ ਸਿੰਘ (ਵੋਕੇਸ਼ਨਲ ਮਾਸਟਰ) ਦੇ ਉਪਰਾਲਿਆਂ ਸਦਕਾ ਵਰਧਮਾਨ ਇੰਡਸਟਰੀ ਵਲੋਂ ਲਗਾਇਆ | ਇਸ ਮੌਕੇ ਵਰਧਮਾਨ ਇੰਡਸਟਰੀ ਦੇ ਪ੍ਰਤੀਨਿਧੀਆਂ ਰਘੁਵੀਰ ਸਿੰਘ ਤੇ ਰੂਪ ਸਿੰਘ ਨੇ ਸਕੂਲ ਦੇ ਬਾਰ੍ਹਵੀਂ ਜਮਾਤ ਪਾਸ ਕਰ ਚੁੱਕੇ ਲਗਪਗ 20 ਵਿਦਿਆਰਥੀਆਂ ਨੂੰ ਬੱਦੀ ਯੂਨਿਟ ਲਈ ਰੁਜ਼ਗਾਰ ਆਫ਼ਰ ਲੈਟਰ ਪ੍ਰਦਾਨ ਕੀਤੇ | ਇਹ ਵਿਦਿਆਰਥੀ 11 ਮਈ 2026 ਨੂੰ ਵਰਧਮਾਨ ਇੰਡਸਟਰੀ ਦੇ ਬੱਦੀ ਯੂਨਿਟ ਵਿਚ ਵੱਖ-ਵੱਖ ਅਹੁਦਿਆਂ 'ਤੇ ਆਪਣੀ ਨੌਕਰੀ ਸ਼ੁਰੂ ਕਰਨਗੇ | ਪਿ੍ੰਸੀਪਲ ਦੀਪਕ ਸ਼ਰਮਾ ਨੇ ਆਪਣੇ ਸੰਬੋਧਨ 'ਚ ਖੁਸ਼ੀ ਪ੍ਰਗਟ ਕਰਦਿਆਂ ਕਿਹਾ ਕਿ ਇਹ ਪਹਿਲੀ ਵਾਰ ਹੈ ਕਿ ਇਸ ਤਰ੍ਹਾਂ ਦੇ ਪ੍ਰਸਿੱਧ ਉਦਯੋਗ 'ਚ ਸਕੂਲ ਦੇ ਵਿਦਿਆਰਥੀਆਂ ਨੂੰ ਵਧੀਆ ਤਨਖਾਹ ਤੇ ਉੱਤਮ ਸਹੂਲਤਾਂ ਨਾਲ ਰੁਜ਼ਗਾਰ ਦੇ ਮੌਕੇ ਮਿਲੇ ਹਨ | ਰੁਜ਼ਗਾਰ ਮੇਲੇ ਦੇ ਸਫਲ ਆਯੋਜਨ 'ਚ ਰੋਹਿਨੀ, ਨੀਤੂ, ਕੁਲਵਿੰਦਰ ਸਿੰਘ, ਮਹੇਲ ਸਿੰਘ, ਸੁਰਜੀਤ ਸਿੰਘ, ਸੰਦੀਪ ਸਿੰਘ, ਮਨਜੀਤ ਸਿੰਘ ਅਤੇ ਗੁਰਦਿਆਲ ਸਿੰਘ ਨੇ ਮਹੱਤਵਪੂਰਨ ਯੋਗਦਾਨ ਪਾਇਆ |
