ਦਸੂਹਾ, 11 ਜੁਲਾਈ (ਭੁੱਲਰ)- ਸਮਾਜ ਸੇਵੀ ਸੰਸਥਾ ਅਲਾਇੰਸ ਕਲੱਬ ਦਸੂਹਾ ਵਲੋਂ ਪ੍ਰਧਾਨ ਅਮਰੀਕ ਸਿੰਘ ਗੱਗੀ ਠੁਕਰਾਲ ਦੀ ਅਗਵਾਈ ਹੇਠ ਸਰਕਾਰੀ ਐਲੀਮੈਂਟਰੀ ਸਕੂਲ ਕਸਬਾ ਵਿੱਚ ਕਰੀਬ 2 ਲੱਖ ਰੁਪਏ ਦੀ ਲਾਗਤ ਨਾਲ ਤਿੰਨ ਨਵੇਂ ਪਖਾਨੇ ਬਣਵਾਏ ਗਏ। ਇਸ ਮੋਕੇ ਉੱਘੇ ਸਮਾਜ ਸੇਵੀ ਅਤੇ ਐਮ. ਆਰ. ਸੀ. ਇਨਫਰਾਕੋਨ ਦੇ ਐਮ. ਡੀ ਮੁਕੇਸ਼ ਰੰਜਨ ਵਲੋਂ ਕਰ ਕਮਲਾ ਨਾਲ ਉਦਘਾਟਨ ਕੀਤਾ ਗਿਆ। ਇਸ ਮੌਕੇ ਸਕੂਲ ਇੰਚਾਰਜ ਰਾਜੇਸ਼ ਅਰੋੜਾ ਤੇ ਹੈਡਮਾਸਟਰ ਰੇਨੂੰ ਕਟਿਆਲ ਨੇ ਮੁੱਖ ਮਹਿਮਾਨ ਅਤੇ ਕਲੱਬ ਦੇ ਮੈਂਬਰਾਂ ਦਾ ਨਿੱਘਾ ਸਵਾਗਤ ਕਰਦਿਆ ਦਿੱਤੇ ਸਹਿਯੋਗ ਲਈ ਧੰਨਵਾਦ ਕੀਤਾ। ਉਨਾਂ ਕਿਹਾ ਕਿ ਕਲੱਬ ਵਲੋਂ ਦਿੱਤਾ ਸਹਿਯੋਗ ਵਿਦਿਆਰਥੀਆਂ ਤੇ ਸਕੂਲ ਦੇ ਵਿਕਾਸ ਲਈ ਸਹਾਈ ਸਾਬਤ ਹੋਵੇਗਾ। ਪ੍ਰਧਾਨ ਗੱਗੀ ਠੁਕਰਾਲ ਨੇ ਭਵਿੱਖ ਵਿੱਚ ਵੀ ਲੋੜੀਦਾ ਸਹਿਯੋਗ ਦੇਣ ਦਾ ਭਰੋਸਾ ਦਿੰਦਿਆ ਕਲੱਬ ਵਲੋਂ ਚਲਾਏ ਲੋਕ ਭਲਾਈ ਦੇ ਪ੍ਰੋਜੈਕਟਾਂ ਬਾਰੇ ਜਾਣਕਾਰੀ ਸਾਂਝੀ ਕੀਤੀ। ਇਸ ਮੋਕੇ ਮੁੱਖ ਸਕੱਤਰ ਭੁਪਿੰਦਰ ਰੰਜਨ, ਪੀ. ਆਰ. ਉ. ਤਰਲੋਕ ਸਿੰਘ ਅਰੋੜਾ, ਡਾ. ਰਣਬੀਰ ਸਹਾਰਾ, ਕਿਰਪਾਲ ਸਿੰਘ ਪੁਰੀ, ਰਾਜ ਕੁਮਾਰ ਕੋਂਸ਼ਲ, ਰਵਿੰਦਰ ਸ਼ਰਮਾ ਮੋਜੂਦ ਸਨ।
