ਅਕਾਲ ਅਕੈਡਮੀ ਧੁੱਗਾ ਕਲਾਂ ਦੇ ਜਪਜੀਤ ਸਿੰਘ ਨੇ ਗੋਲਾ ਸੁੱਟਣ ’ਚ ਜਿੱਤੇ ਚਾਰ ਤਗਮੇ
ਗੜ੍ਹਦੀਵਾਲਾ, 4 ਅਕਤੂਬਰ (ਚੱਗਰ) ਅਕਾਲ ਅਕੈਡਮੀ ਧੁੱਗਾ ਕਲਾਂ ਦੇ ਸੱਤਵੀਂ ਕਲਾਸ ਦੇ ਖਿਡਾਰੀ ਜਪਜੀਤ ਸਿੰਘ ਪੁੱਤਰ ਸਵਰਗੀ ਜਗਦੀਪ ਸਿੰਘ ਸਮਰਾ ਨੇ ਅੰਡਰ-14 ਸਾਲ ਗੋਲਾ ਸਿੱਟਣ ਮੁਕਾਬਲੇ ਵਿਚ ਚਾਰ ਮੈਡਲ ਪ੍ਰਾਪਤ ਕਰਕੇ ਆਪਣੇ ਮਾਪਿਆਂ ਅਤੇ ਸਕੂਲ ਦਾ ਨਾਮ ਰੌਸ਼ਨ ਕੀਤਾ ਹੈ। ਸਕੂਲ ਦੇ ਅਥਲੈਟਿਕ ਕੋਚ ਸੰਦੀਪ ਸਿੰਘ ਝੱਜੀ ਪਿੰਡ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸਕੂਲ ਦੇ ਹੋਣਹਾਰ ਖਿਡਾਰੀ ਜਪਜੀਤ ਸਿੰਘ ਨੇ ਪਹਿਲਾਂ ਸਕੂਲ ਜੋਨ ਪੱਧਰ ਦੀਆਂ ਖੇਡਾਂ ਵਿਚ ਅਤੇ ਫਿਰ ਸਕੂਲ ਜ਼ਿਲ੍ਹਾ ਪੱਧਰ ਦੇ ਗੋਲਾ ਸਿੱਟਣ ਮੁਕਾਬਲੇ ਵਿਚ ਗੋਲਡ ਮੈਡਲ ਹਾਸਲ ਕੀਤੇ।
ਗੜ੍ਹਦੀਵਾਲਾ, 4 ਅਕਤੂਬਰ (ਚੱਗਰ) ਅਕਾਲ ਅਕੈਡਮੀ ਧੁੱਗਾ ਕਲਾਂ ਦੇ ਸੱਤਵੀਂ ਕਲਾਸ ਦੇ ਖਿਡਾਰੀ ਜਪਜੀਤ ਸਿੰਘ ਪੁੱਤਰ ਸਵਰਗੀ ਜਗਦੀਪ ਸਿੰਘ ਸਮਰਾ ਨੇ ਅੰਡਰ-14 ਸਾਲ ਗੋਲਾ ਸਿੱਟਣ ਮੁਕਾਬਲੇ ਵਿਚ ਚਾਰ ਮੈਡਲ ਪ੍ਰਾਪਤ ਕਰਕੇ ਆਪਣੇ ਮਾਪਿਆਂ ਅਤੇ ਸਕੂਲ ਦਾ ਨਾਮ ਰੌਸ਼ਨ ਕੀਤਾ ਹੈ। ਸਕੂਲ ਦੇ ਅਥਲੈਟਿਕ ਕੋਚ ਸੰਦੀਪ ਸਿੰਘ ਝੱਜੀ ਪਿੰਡ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸਕੂਲ ਦੇ ਹੋਣਹਾਰ ਖਿਡਾਰੀ ਜਪਜੀਤ ਸਿੰਘ ਨੇ ਪਹਿਲਾਂ ਸਕੂਲ ਜੋਨ ਪੱਧਰ ਦੀਆਂ ਖੇਡਾਂ ਵਿਚ ਅਤੇ ਫਿਰ ਸਕੂਲ ਜ਼ਿਲ੍ਹਾ ਪੱਧਰ ਦੇ ਗੋਲਾ ਸਿੱਟਣ ਮੁਕਾਬਲੇ ਵਿਚ ਗੋਲਡ ਮੈਡਲ ਹਾਸਲ ਕੀਤੇ। ਜਦ ਕਿ ਪੰਜਾਬ ਸਰਕਾਰ ਵੱਲੋਂ ਕਰਵਾਈਆਂ ਜਾਂਦੀਆਂ ‘ਖੇਡਾਂ ਵਤਨ ਪੰਜਾਬ ਦੀਆਂ’ ਦੇ ਬਲਾਕ ਪੱਧਰ ਮੁਕਾਬਲੇ ਚ ਦੂਸਰਾ ਅਤੇ ਜ਼ਿਲ੍ਹਾ ਪੱਧਰ ਮੁਕਾਬਲੇ ਵਿਚ ਪਹਿਲਾ ਸਥਾਨ ਹਾਸਿਲ ਕੀਤਾ। ਉਨ੍ਹਾਂ ਦੱਸਿਆ ਕਿ ਹੁਣ ਜਪਜੀਤ ਸਿੰਘ ਇਸੇ ਵਰਗ ਵਿਚ ਸਟੇਟ ਪੱਧਰ ਦੇ ਮੁਕਾਬਲੇ ਵਿਚ ਭਾਗ ਲਵੇਗਾ। ਇਸ ਪ੍ਰਾਪਤੀ ਨੂੰ ਜਪਜੀਤ ਸਿੰਘ ਨੇ ਆਪਣੇ ਸਕੂਲ ਦੇ ਪ੍ਰਿੰਸੀਪਲ ਪਰਮਿੰਦਰ ਕੌਰ, ਕੋਚ ਸੰਦੀਪ ਸਿੰਘ ਅਤੇ ਸਕੂਲ ਦੇ ਸਮੂਹ ਅਧਿਆਪਕਾਂ ਦੀ ਯੋਗ ਅਗਵਾਈ ਦੱਸਦਿਆਂ ਕਿਹਾ ਕਿ ਉਹ ਉਕਤ ਸ਼ਖ਼ਸੀਅਤ ਦੇ ਅਸ਼ੀਰਵਾਦ ਸਦਕਾ ਅੱਗੋਂ ਤੋਂ ਹੋਰ ਸਖ਼ਤ ਮਿਹਨਤ ਨਾਲ ਇਹ ਖੇਡ ਜਾਰੀ ਰੱਖੇਗਾ। ਇਸ ਖੇਡ ਪ੍ਰਾਪਤੀ ਲਈ ਸੁਪਰਵਾਈਜ਼ਰ ਤਜਿੰਦਰ ਕੌਰ ਸਮਰਾ, ਸਰਬਜੀਤ ਕੌਰ ਚੱਗਰ, ਹਰਪਾਲ ਸਿੰਘ ਅਤੇ ਹੋਰਨਾਂ ਨੇ ਜਪਜੀਤ ਸਿੰਘ ਨੂੰ ਵਧਾਈ ਦਿੱਤੀ।
