ਮੁੱਲਾਂਪੁਰ-ਦਾਖਾ, 4 ਜਨਵਰੀ (ਨਿਰਮਲ ਸਿੰਘ ਧਾਲੀਵਾਲ)-ਪਾਰਲੀਮਾਨੀ ਹਲਕਾ ਲੁਧਿਆਣਾ ਲਈ ਮੈਂਬਰ ਪਾਰਲੀਮੈਂਟ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਵਲੋਂ ਪੰਜਾਬ ਕਾਂਗਰਸ ਦੇ ਜਨਰਲ ਸਕੱਤਰ/ਇੰਚਾਰਜ ਹਲਕਾ ਦਾਖਾ ਕੈਪਟਨ ਸੰਦੀਪ ਸੰਧੂ ਦੁਆਰਾ ਡਿਮਾਂਡ 'ਤੇ ਵੱਖ-ਵੱਖ ਪਿੰਡਾਂ ਨੂੰ ਭੇਜੀ ਗ੍ਰਾਂਟ ਨਾਲ ਰੁਕੇ ਵਿਕਾਸ ਪ੍ਰੋਜੈਕਟ ਮੁੜ ਸ਼ੁਰੂ ਹੋ ਗਏ | ਸਰਪੰਚ, ਗ੍ਰਾਮ ਪੰਚਾਇਤ ਪਿੰਡ ਈਸੇਵਾਲ ਦੁਆਰਾ ਐੱਮ.ਪੀ ਫੰਡਾਂ ਰਾਹੀਂ ਸੀਵਰੇਜ ਪ੍ਰੋਜੈਕਟ ਦੀ ਆਰੰਭਤਾ ਸਮੇਂ ਕਾਂਗਰਸ ਦੇ ਪ੍ਰਮੁੱਖ ਆਗੂ ਮਨਪ੍ਰੀਤ ਸਿੰਘ ਈਸੇਵਾਲ ਨੇ ਦੱਸਿਆ ਕਿ ਮੈਂਬਰ ਪਾਰਲੀਮੈਂਟ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਦੁਆਰਾ ਭੇਜੀ ਗਈ ਗ੍ਰਾਂਟ ਨਾਲ ਪਿੰਡ ਵਿਚ ਰੁਕਿਆ ਸੀਵਰੇਜ ਪ੍ਰੋਜੈਕਟ ਪੂਰਾ ਕਰ ਲਿਆ ਜਾਵੇਗਾ | ਉਨ੍ਹਾਂ ਦੱਸਿਆ ਕਿ ਫਰਵਰੀ, ਮਾਰਚ ਮਹੀਨੇ ਐੱਮ.ਪੀ. ਕੋਟੇ 'ਚ ਪਿੰਡ ਈਸੇਵਾਲ ਲਈ ਗ੍ਰਾਂਟ ਦਾ ਚੈੱਕ ਸੰਸਦ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਵਲੋਂ ਖੁਦ ਪਹੁੰਚ ਕੇ ਗ੍ਰਾਮ ਪੰਚਾਇਤ ਨੂੰ ਦਿੱਤਾ ਜਾਵੇਗਾ | ਪਿੰਡ ਈਸੇਵਾਲ 'ਚ ਸੀਵਰੇਜ ਪ੍ਰੋਜੈਕਟ ਦੀ ਆਰੰਭਤਾ ਸਮੇਂ ਸਾਬਕਾ ਸਰਪੰਚ ਹਰਿੰਦਰ ਸਿੰਘ ਸੇਖੋਂ, ਨੰਬਰਦਾਰ ਜਗਰੂਪ ਸਿੰਘ, ਜਗਦੇਵ ਸਿੰਘ ਸੇਖੋਂ, ਪੰਚ ਗਗਨਦੀਪ ਸਿੰਘ, ਵਿਕਰਮ ਸਿਮਘ, ਗਗਨਦੀਪ ਸਿੰਘ, ਦਲਜਿੰਦਰ ਸਿੰਘ, ਬਲਜਿੰਦਰ ਸਿੰਘ, ਹਰਮਨਜੋਤ ਸਿੰਘ, ਇਕਬਾਲ ਸਿੰਘ, ਪ੍ਰੀਤਮ ਸਿੰਘ, ਹੋਰ ਮੌਜੂਦ ਰਹੇ |
