ਸਿੱਧਵਾਂ ਲਾਅ ਕਾਲਜ ਨੇ ਦੋ ਰੋਜ਼ਾ ਬੀਬੀ ਹਰਪ੍ਰਕਾਸ਼ ਕੌਰ ਮੈਮੋਰੀਅਲ ਮੂਟ ਕੋਰਟ ਮੁਕਾਬਲਾ ਕਰਵਾਇਆ

ਅ

ਅਜੀਤ ਡੈਸਕ 04-03-2026

ਚੌਂਕੀਮਾਨ, 3 ਮਾਰਚ (ਤੇਜਿੰਦਰ ਸਿੰਘ ਚੱਢਾ)-ਸ੍ਰੀ ਗੁਰੂ ਹਰਿਗੋਬਿੰਦ ਉਜਾਗਰ ਹਰੀ ਟਰੱਸਟ ਸਿੱਧਵਾਂ ਖੁਰਦ ਦੀ ਅਗਵਾਈ ਹੇਠ ਕੰਮ ਕਰਨ ਵਾਲੀ ਸੰਸਥਾ ਜੀ.ਐੱਚ.ਜੀ. ਇੰਸਟੀਚਿਊਟ ਆਫ਼ ਲਾਅ ਵਿਖੇ ਦੋ-ਰੋਜ਼ਾ ਦੂਜਾ ਪਦਮ ਸ੍ਰੀ ਬੀਬੀ ਹਰਪ੍ਰਕਾਸ਼ ਕੌਰ ਮੈਮੋਰੀਅਲ ਮੂਟ ਕੋਰਟ ਮੁਕਾਬਲਾ 2026 (ਰਾਸ਼ਟਰੀ ਦੌਰ) ਸਫ਼ਲਤਾਪੂਰਵਕ ਸਮਾਪਤ ਹੋਇਆ | ਇਹ ਸੰਸਥਾ ਬਾਰ ਕੌਂਸਲ ਆਫ਼ ਇੰਡੀਆ ਦੁਆਰਾ ਪ੍ਰਵਾਨਿਤ, ਨੈਕ ਦੁਆਰਾ ਮਾਨਤਾ ਪ੍ਰਾਪਤ ਅਤੇ ਪੰਜਾਬ ਯੂਨੀਵਰਸਿਟੀ ਨਾਲ ਸੰਬੰਧਿਤ ਹੈ | ਇਹ ਮੁਕਾਬਲਾ ਸੰਸਥਾ ਦੀ ਮੂਟ ਕੋਰਟ ਕਮੇਟੀ ਦੁਆਰਾ ਟਰੱਸਟ ਦੇ ਪ੍ਰਧਾਨ ਕਿ੍ਪਾਲ ਸਿੰਘ ਭੱਠਲ, ਸਕੱਤਰ ਪ੍ਰੀਤਮ ਸਿੰਘ ਜੌਹਲ, ਪੀ.ਸੀ.ਐੱਸ. ਏ.ਡੀ.ਸੀ.ਜੀ. (ਸੇਵਾਮੁਕਤ), ਮੈਨੇਜਰ ਡਾ. ਜੀ.ਐੱਸ. ਗਰੇਵਾਲ, ਮੈਂਬਰ ਬੀਰਿੰਦਰ ਸਿੰਘ ਸਿੱਧੂ, ਡਾ. ਹਰਮੇਲ ਸਿੰਘ ਸਿੱਧੂ, ਦਵਿੰਦਰ ਸਿੰਘ ਮਾਨ, ਜਰਨੈਲ ਸਿੰਘ ਢਿੱਲੋਂ ਅਤੇ ਪਿ੍ੰਸੀਪਲ, ਪ੍ਰੋ. (ਡਾ.) ਸ਼ਵੇਤਾ ਢੰਡ ਦੀ ਅਗਵਾਈ ਹੇਠ ਕਾਲਜ ਕੈਂਪਸ ਵਿਚ ਆਯੋਜਿਤ ਕੀਤਾ ਗਿਆ | ਜਿਸ ਵਿਚ ਕੋਆਰਡੀਨੇਟਰ ਡਾ. ਨੀਲਮ ਰਾਣੀ (ਐਸੋਸੀਏਟ ਪ੍ਰੋਫੈਸਰ ਇਨ ਲਾਅਜ਼), ਡਾ. ਜਸਪਾਲ ਕੌਰ (ਸਹਾਇਕ ਪ੍ਰੋਫੈਸਰ ਇਨ ਲਾਅਜ਼), ਸ੍ਰੀਮਤੀ ਚਾਰੂ ਜੋਸ਼ੀ (ਸਹਾਇਕ ਪ੍ਰੋਫੈਸਰ ਇਨ ਲਾਅਜ਼) ਅਤੇ ਸ੍ਰੀਮਤੀ ਨੇਹਾ ਮਿਨੋਚਾ (ਸਹਾਇਕ ਪ੍ਰੋਫੈਸਰ ਇਨ ਲਾਅਜ਼) ਸ਼ਾਮਿਲ ਸਨ | ਇਸ ਮੌਕੇ 'ਤੇ ਸਿੱਧਵਾਂ ਸੰਸਥਾਵਾਂ ਦੇ ਪਿ੍ੰਸੀਪਲਾਂ ਨੇ ਵੀ ਸ਼ਿਰਕਤ ਕੀਤੀ | ਇਸ ਰਾਸ਼ਟਰੀ ਪੱਧਰ ਦੇ ਮੁਕਾਬਲੇ ਵਿਚ ਦੇਸ਼ ਭਰ ਦੇ ਵੱਖ-ਵੱਖ ਸੰਸਥਾਵਾਂ ਦੇ 102 ਭਾਗੀਦਾਰਾਂ ਸਮੇਤ 34 ਟੀਮਾਂ ਨੇ ਹਿੱਸਾ ਲਿਆ | ਇਨ੍ਹਾਂ ਵਿਚੋਂ 12 ਟੀਮਾਂ ਸੈਮੀਫਾਈਨਲ ਵਿਚ ਪਹੁੰਚੀਆਂ ਅਤੇ 4 ਟੀਮਾਂ ਨੇ ਫਾਈਨਲ ਰਾਊਾਡ ਲਈ ਕੁਆਲੀਫਾਈ ਕੀਤਾ | ਰਾਸ਼ਟਰੀ ਮੂਟ ਕੋਰਟ ਮੁਕਾਬਲਾ ਕਾਨੂੰਨ ਦੇ ਵਿਦਿਆਰਥੀਆਂ ਲਈ ਆਪਣੇ ਵਕਾਲਤ ਅਤੇ ਅਦਾਲਤੀ ਹੁਨਰ ਨੂੰ ਪ੍ਰਦਰਸ਼ਿਤ ਕਰਨ ਲਈ ਇਕ ਪਲੇਟਫਾਰਮ ਵਜੋਂ ਕੰਮ ਕਰਦਾ ਸੀ | ਸੈਮੀਫਾਈਨਲ ਦੌਰ ਦੇ ਜੱਜਾਂ ਵਿਚ ਡਾ. ਇਵਨੀਤ ਵਾਲੀਆ (ਰਜਿਸਟਰਾਰ ਰਾਜੀਵ ਗਾਂਧੀ ਨੈਸ਼ਨਲ ਯੂਨੀਵਰਸਿਟੀ ਆਫ਼ ਲਾਅ), ਪ੍ਰੋ. (ਡਾ.) ਆਰਤੀ ਪੁਰੀ, ਰਵਨੀਤ ਸਿੰਘ ਜੋਸ਼ੀ (ਡਿਪਟੀ ਐਡਵੋਕੇਟ ਜਨਰਲ ਪੰਜਾਬ), ਐਡਵੋਕੇਟ ਵਿਪਿਨ ਸੱਗਰ, ਐਡਵੋਕੇਟ ਗਗਨ ਬੇਦੀ ਅਤੇ ਐਡਵੋਕੇਟ ਕਰਨ ਸਿੰਘ ਸ਼ਾਮਿਲ ਸਨ | ਫਾਈਨਲ ਦੌਰ ਦਾ ਨਿਰਣਾ ਜਸਟਿਸ ਮਹਾਂਵੀਰ ਸਿੰਘ ਚੌਹਾਨ (ਸੇਵਾਮੁਕਤ ਜੱਜ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਚੰਡੀਗੜ੍ਹ), ਸ਼੍ਰੀਮਤੀ ਪ੍ਰੀਤੀ ਸਾਹਨੀ (ਚੇਅਰਪਰਸਨ ਸਥਾਈ ਲੋਕ ਅਦਾਲਤ ਲੁਧਿਆਣਾ) ਅਤੇ ਪ੍ਰੋ. ਰਾਜਿੰਦਰ ਕੌਰ (ਡੀਨ ਕਾਨੂੰਨ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ) ਨੇ ਕੀਤਾ | ਜੇਤੂ ਟੀਮ ਜੀ.ਐੱਨ.ਡੀ.ਯੂ, ਰੀਜਨਲ ਕੈਂਪਸ ਗੁਰਦਾਸਪੁਰ ਨੂੰ ਟਰਾਫੀ ਦੇ ਨਾਲ 21,000 ਦਾ ਨਕਦ ਇਨਾਮ ਤੇ ਉੱਪ ਜੇਤੂ ਟੀਮ ਪੀ. ਯੂ. ਐੱਸ. ਐੱਸ.ਜੀ.ਆਰ.ਸੀ. ਹੁਸ਼ਿਆਰਪੁਰ ਨੂੰ 11,000 ਅਤੇ ਟਰਾਫ਼ੀ ਨਾਲ ਸਨਮਾਨਿਤ ਕੀਤਾ ਗਿਆ | ਐਮਿਟੀ ਯੂਨੀਵਰਸਿਟੀ ਮੋਹਾਲੀ ਦੇ ਸਰਵੋਤਮ ਮੂਟਰ ਪਿ੍ਥਵੀ ਰਾਜ ਨੂੰ 5,100 ਨਾਲ ਅਤੇ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਕਾਨੂੰਨ ਫੈਕਲਟੀ ਨੂੰ ਸਰਵੋਤਮ ਯਾਦਗਾਰੀ ਪੁਰਸਕਾਰ 5,100 ਦੇ ਨਕਦ ਇਨਾਮ ਨਾਲ ਸਨਮਾਨਿਤ ਕੀਤਾ ਗਿਆ | ਪਿ੍ੰਸੀਪਲ ਡਾ. ਸ਼ਵੇਤਾ ਢੰਡ ਨੇ ਪ੍ਰੋਗਰਾਮ ਨੂੰ ਸਫ਼ਲਤਾਪੂਰਵਕ ਆਯੋਜਿਤ ਕਰਨ ਲਈ ਮੂਟ ਕੋਰਟ ਕਮੇਟੀ ਕੋਆਰਡੀਨੇਟਰਾਂ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ | ਉਸ ਨੇ ਵਿਦਿਆਰਥੀ ਕੋਆਰਡੀਨੇਟਰਾਂ ਦਕਸ਼ਿਤਾ ਜੈਨ ਤੇ ਪ੍ਰਭਜੋਤ ਕੌਰ (ਬੀ.ਏ. ਐੱਲ. ਐੱਲ. ਬੀ. 10ਵਾਂ ਸਮੈਸਟਰ) ਅਤੇ ਅਵਨੀਤ ਕੌਰ, ਅਧਿਆਇਨ ਤੇ ਜਸਮੀਤ ਸਿੰਘ (ਬੀ. ਏ. ਐੱਲ. ਐੱਲ. ਬੀ. 8ਵਾਂ ਸਮੈਸਟਰ) ਦੀ ਜ਼ਿੰਮੇਵਾਰੀਆਂ ਨੂੰ ਕੁਸ਼ਲਤਾ ਨਾਲ ਨਿਭਾਉਣ ਲਈ ਪ੍ਰਸੰਸਾ ਕੀਤੀ |

ਸਿੱਧਵਾਂ ਲਾਅ ਕਾਲਜ ਨੇ ਦੋ ਰੋਜ਼ਾ ਬੀਬੀ ਹਰਪ੍ਰਕਾਸ਼ ਕੌਰ ਮੈਮੋਰੀਅਲ ਮੂਟ ਕੋਰਟ ਮੁਕਾਬਲਾ ਕਰਵਾਇਆ

ਸੰਬੰਧਿਤ ਖ਼ਬਰਾਂ