ਬੰਗਾ, 2 ਮਾਰਚ (ਕੁਲਦੀਪ ਸਿੰਘ ਪਾਬਲਾ)-ਖ਼ਾਲਸਾ ਪੰਥ ਦੇ ਸਾਜਨਾ ਦਿਵਸ ਨੂੰ ਸਮਰਪਿਤ ਸ੍ਰੀ ਆਨੰਦਪੁਰ ਸਾਹਿਬ ਦੇ ਜੋੜ ਮੇਲੇ ਨੂੰ ਆਉਂਦੀਆਂ-ਜਾਂਦੀਆਂ ਸੰਗਤਾਂ ਲਈ ਸ੍ਰੀ ਗੁਰੂ ਨਾਨਕ ਲੰਗਰ ਹਾਲ ਪਿੰਡ ਪੱਲੀ-ਝਿੱਕੀ ਵਿਖੇ ਲੰਗਰਾਂ ਦੀ ਸੇਵਾ ਸ਼ੁਰੂ ਕੀਤੀ ਗਈ ਹੈ | ਮੁੱਖ ਸੇਵਾਦਾਰ ਬਾਬਾ ਦਰਸ਼ਨ ਸਿੰਘ ਤੇ ਸੇਵਾਦਾਰ ਸੀਤਲ ਸਿੰਘ ਹਲਵਾਈ ਨੇ ਦੱਸਿਆ ਕਿ ਇਹ ਲੰਗਰ 1 ਮਾਰਚ ਤੋਂ ਲੈ ਕੇ 6 ਮਾਰਚ ਤੱਕ ਲਗਾਤਾਰ ਸਲਾਨਾ ਚਲਦੇ ਹਨ | ਇਨ੍ਹਾਂ ਲੰਗਰਾਂ ਦੀ ਸੇਵਾ ਝਿੱੜੀ ਅਸਥਾਨ ਦੀ ਪ੍ਰਬੰਧਕ ਕਮੇਟੀ, ਗ੍ਰਾਮ ਪੰਚਾਇਤ, ਸਮੂਹ ਨਗਰ ਨਿਵਾਸੀ, ਐੱਨ.ਆਰ.ਆਈ. ਵੀਰਾਂ ਅਤੇ ਇਲਾਕੇ ਦੀਆਂ ਸੰਗਤਾਂ ਦੇ ਸਹਿਯੋਗ ਨਾਲ ਲੰਗਰਾਂ ਦੀ ਸੇਵਾ ਕੀਤੀ ਜਾਂਦੀ ਹੈ | ਪਿੰਡ ਦੀਆਂ ਬੀਬੀਆਂ ਭੈਣਾਂ ਇਸ ਲੰਗਰ ਦੀ ਸੇਵਾ ਸਬਜੀਆਂ ਕੱਟ ਕੇ ਤੇ ਰੋਟੀਆਂ ਬਣਾ ਕੇ ਕਰਦੀਆਂ ਹਨ | ਇਸ ਮੌਕੇ ਸਰਪੰਚ ਸਰੂਪ ਸਿੰਘ, ਮੁੱਖ ਸੇਵਾਦਾਰ ਬਾਬਾ ਦਰਸ਼ਨ ਸਿੰਘ, ਬਾਬਾ ਚੰਚਲ ਰਾਮ, ਸੇਵਾਦਾਰ ਭਗਤ ਸੀਤਲ ਸਿੰਘ ਹਲਵਾਈ, ਲੱਕੀ, ਜਗਤਾਰ ਸਿੰਘ ਤਾਰਾ, ਅਸ਼ੋਕ ਕੁਮਾਰ ਸੋਨੂੰ, ਗ੍ਰੰਥੀ ਰਾਮ ਸਿੰਘ ਲਾਲਾ, ਹਰਕਿਸ਼ਨ ਸਿੰਘ, ਬਲਵੀਰ ਸਿੰਘ ਅੱਡੇਵਾਲਾ, ਹਰਪ੍ਰੀਤ ਸਿੰਘ ਟੈਂਟ ਵਾਲਾ, ਅਮਰੀਕ ਸਿੰਘ ਬਿੱਟੂ, ਸਮੂਹ ਨਗਰ ਵਾਸੀ ਪਤਵੰਤੇ ਸੱਜਣ ਆਦਿ ਹਾਜ਼ਰ ਸਨ |
