ਸੰਤੁਲਣ ਵਿਗੜਨ ਨਾਲ ਟਰੈਕਟਰ ਰੇਲਿੰਗ ਨਾਲ ਜਾ ਟਕਰਾਇਆ, ਵਿਚਕਾਰੋਂ ਹੋਏ ਦੋ ਟੋਟੇ

ਕਾਠਗੜ੍ਹ/ਰੱਤੇਵਾਲ, 9 ਜੁਲਾਈ (ਹਰਸਿਮਰਨ ਸਿੰਘ ਕਲੇਰ, ਅਸ਼ੋਕ ਕੁਮਾਰ ਲੀਲ)- ਰੋਪੜ ਬਲਾਚੌਰ ਨੈਸ਼ਨਲ ਹਾਈਵੇ ‘ਤੇ ਨੇੜੇ ਕਾਠਗੜ੍ਹ ਮੋੜ ਨਿਆਰਾ ਪੈਟਰੋਲ ਪੰਪ ਦੇ ਸਾਹਮਣੇ ਐਕਸੀਡੈਂਟ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਐਸ.ਐਸ.ਐਫ ਟੀਮ ਦੇ ਇੰਚਾਰਜ ਏ.ਐਸ.ਆਈ ਪ੍ਰਵੀਨ ਕੁਮਾਰ ਨੇ ਦੱਸਿਆ ਕਿ ਰਾਹਗੀਰਾਂ ਤੋਂ ਪਤਾ ਚੱਲਿਆ ਕੇ ਨਿਆਰਾ ਪੈਟਰੋਲ ਪੰਪ ਕਾਠਗੜ੍ਹ ਮੋੜ ਕੋਲ ਇੱਕ ਐਕਸੀਡੈਂਟ ਹੋ ਗਿਆ ਹੈ ਤਾਂ ਉਹਨਾਂ ਨੇ ਤਰੁੰਤ ਮੌਕੇ ‘ਤੇ ਜਾ ਕੇ ਦੇਖਿਆ ਕਿ ਇੱਕ ਟਰੈਕਟਰ ਜੋ ਰੋਪੜ ਤੋਂ ਬਲਾਚੌਰ ਸਾਈਡ ਜਾ ਰਿਹਾ ਸੀ ਜਿਸ ਨੂੰ ਅਸ਼ੋਕ ਕੁਮਾਰ ਪੁੱਤਰ ਮਲੂਕ ਚੰਦ ਪਿੰਡ ਭੇਡੀਆਂ ਮੰਡ ਥਾਣਾ ਕਾਠਗੜ੍ਹ ਚਲਾ ਰਿਹਾ ਸੀ ਜਿਸ ਵਿੱਚ ਸਟਰਿੰਗ ਲੋਡ ਸੀ, ਜਦੋਂ ਇਹ ਟਰੈਕਟਰ-ਟਰਾਲੀ ਪੈਟਰੋਲ ਪੰਪ ਨਿਆਰਾ ਪੈਟਰੋਲ ਪੰਪ ਦੇ ਸਾਹਮਣੇ ਪਹੁੰਚੀਆਂ ਤਾਂ ਅਚਾਨਕ ਟਰੈਕਟਰ ਦਾ ਸਤੁੰਨਲ ਵਿਗੜ ਗਿਆ ਨਾਲ ਟਰੈਕਟਰ ਬੈਕਾਬੂ ਹੋ ਕੇ ਰੇਲਿੰਗ ਨਾਲ ਜਾ ਟਕਰਾਇਆ ਅਤੇ ਟਰੈਕਟਰ ਰੈਲਿੰਗ ਦੇ ਵੱਜਣ ਕਾਰਨ ਟਰੈਕਟਰ ਦੇ ਵਿੱਚਕਾਰੋਂ ਦੋ ਟੋਟੇ ਹੋ ਗਏ ਤੇ ਟਰੈਕਟਰ ਦਾ ਭਾਰੀ ਨੁਕਸਾਨ ਹੋ ਗਿਆ ਜਿਸ ਤੋਂ ਬਾਅਦ ਐਸ.ਐਸ.ਐਫ. ਦੀ ਟੀਮ ਵਲੋਂ ਨੈਸ਼ਨਲ ਹਾਈਵੇ ਅਥਾਰਟੀ ਦੀ ਰਿਕਵਰੀ ਵੈਨ ਨਾਲ ਟਰੈਕਟਰ ਨੂੰ ਸਾਇਡ ‘ਤੇ ਕਰਵਾਇਆ। ਹਾਦਸੇ ਵਿੱਚ ਜਾਨੀ ਨੁਕਸਾਨ ਦਾ ਬਚਾਅ ਹੋ ਗਿਆ।