ਬਹਿਰਾਮ, 24 ਜੁਲਾਈ (ਨਛੱਤਰ ਸਿੰਘ ਬਹਿਰਾਮ) - ਬੀਤੇ ਦਿਨੀਂ ਪੱਤਰਕਾਰ ਵਿਜੇ ਪਾਲ ਸਿੰਘ ਤੇਜੀ ਨੂੰ ਰੇਲ ਗੱਡੀ ਸਫਰ ਦੌਰਾਨ ਲੁੱਟੇ ਜਾਣ ਦਾ ਸਮਾਚਾਰ ਹੈ। ਇਥੇ ਜਾਣਕਾਰੀ ਦਿੰਦਿਆਂ ਉਕਤ ਪੱਤਰਕਾਰ ਨੇ ਦੱਸਿਆ ਕਿ ਮੈਂ ਬੈਂਕਾਂਕ ਜਾਣਾ ਸੀ 14 ਜੁਲਾਈ ਨੂੰ ਰਾਤ 8 ਵਜੇ ਫਗਵਾੜਾ ਤੋਂ ਸ਼ਾਨੇ ਪੰਜਾਬ ਰੇਲ ਗੱਡੀ ਨੰ:12498 ਕੋਚ 4 ਰਾਹੀਂ ਦਿੱਲੀ ਜਾ ਰਿਹਾ ਸੀ। ਮਿਤੀ 15 ਜੁਲਾਈ ਨੂੰ ਦਿੱਲੀ ਉਤਰਨ ਮੌਕੇ ਸਾਡੇ ਡੱਬੇ ਵਿੱਚ 5-7 ਵਿਅਕਤੀਆਂ ਨੇ ਮੇਰੇ ਤੋਂ ਇਲਾਵਾ ਹੋਰ ਲੋਕਾਂ ਨਾਲ ਵੀ ਲੁੱਟ-ਖੋਹ ਕੀਤੀ ਤੇ ਫਰਾਰ ਹੋ ਗਏ। ਇਸ ਲੁੱਟ ਵਿੱਚ ਮੇਰਾ ਕੈਰੀ ਬੈਗ ਜਿਸ ਵਿੱਚ ਮੋਬਾਇਲ, ਪਾਸਪੋਰਟ, ਅੰਤਰਰਾਸ਼ਟਰੀ ਡਰਾਇਵਰੀ ਲਾਇਸੰਸ, ਆਧਾਰ ਕਾਰਡ, ਵੋਟਰ ਕਾਰਡ, ਪੈਨ ਕਾਰਡ, ਸਰਕਾਰੀ ਯੈਲੋ ਕਾਰਡ, 2400 ਰਿੰਗਟ, 400 ਡਾਲਰ ਤੋਂ ਇਲਾਵਾ 15 ਹਜ਼ਾਰ ਰੁਪਏ ਵੀ ਸਨ। ਇਸ ਸਾਰੇ ਮਾਮਲੇ ਦੀ ਐਫ. ਆਈ. ਆਰ ਨਵੀਂ ਦਿਲੀ ਵਿਖੇ ਕਰਵਾਈ ਗਈ ਹੈ। ਉਨ੍ਹਾਂ ਕੇਂਦਰ ਸਰਕਾਰ ਅਤੇ ਰੇਲਵੇ ਵਿਭਾਗ ਤੋਂ ਮੰਗ ਕੀਤੀ ਕਿ ਇਸ ਲੁੱਟ ਦਾ ਜਲਦੀ ਹੱਲ ਕੱਢਿਆ ਜਾਵੇ ਤਾਂ ਜੋ ਇਸ ਤਰ੍ਹਾਂ ਕੋਈ ਹੋਰ ਯਾਤਰੀਆਂ ਦਾ ਲੁੱਟ ਤੋਂ ਬਚਾਅ ਹੋ ਸਕੇ।
