ਬਸੀ ਪਠਾਣਾਂ, 25 ਅਪ੍ਰੈਲ (ਪੱਤਰ ਪ੍ਰੇਰਕ)-ਭਾਰਤ ਵਿਕਾਸ ਪ੍ਰੀਸ਼ਦ ਬਸੀ ਪਠਾਣਾਂ ਵਲੋਂ ਮਹਿਲਾ ਸ਼ਾਖਾ ਦੇ ਮੁਖੀ ਮੀਨਾਕਸ਼ੀ ਸੋਨੀ ਦੀ ਅਗਵਾਈ ਹੇਠ ਗਰਮੀ ਦੇ ਮੌਸਮ ਨੂੰ ਦੇਖਦੇ ਹੋਏ ਪੰਛੀਆਂ ਦੀ ਪਿਆਸ ਬੁਝਾਉਣ ਦੇ ਮੰਤਵ ਨਾਲ ਮਿੱਟੀ ਦੇ ਬਰਤਨ ਵੰਡਣ ਦਾ ਵਿਸ਼ੇਸ਼ ਉਪਰਾਲਾ ਕੀਤਾ ਗਿਆ | ਪ੍ਰੋਜੈਕਟ ਚੇਅਰਮੈਨ ਰੀਨਾ ਮਲਹੋਤਰਾ, ਨਿਸ਼ੀ ਮਲਹੋਤਰਾ ਅਤੇ ਇੰਦੂ ਮਲਹੋਤਰਾ ਨੇ ਦੱਸਿਆ ਕਿ ਪ੍ਰੀਸ਼ਦ ਦੀ ਮਹਿਲਾ ਸ਼ਾਖਾ ਵਲੋਂ ਪੰਛੀਆਂ ਦੀ ਪਿਆਸ ਬੁਝਾਉਣ ਲਈ ਪਾਣੀ ਨਾਲ ਭਰੇ ਮਿੱਟੀ ਦੇ ਬਰਤਨ ਰੱਖਣ ਦੀ ਸ਼ੁਰੂਆਤ ਸ਼ਿਵ ਦੁਰਗਾ ਮੰਦਰ, ਕਿਲ੍ਹਾ ਮੁਹੱਲਾ, ਬਸੀ ਪਠਾਣਾਂ ਤੋਂ ਕੀਤੀ ਗਈ ਹੈ | ਇਸ ਨੇਕ ਕੰਮ ਵਿਚ ਮਹਿਲਾਵਾਂ ਵਲੋਂ ਆਰਥਿਕ ਸਹਿਯੋਗ ਵੀ ਦਿੱਤਾ ਗਿਆ | ਉਨ੍ਹਾਂ ਦੱਸਿਆ ਕਿ ਇਸ ਪ੍ਰੋਜੈਕਟ ਦਾ ਮੁੱਖ ਉਦੇਸ਼ ਗਰਮੀਆਂ ਦੇ ਮੌਸਮ ਦੌਰਾਨ ਪੰਛੀਆਂ ਲਈ ਪਾਣੀ ਮੁਹੱਈਆ ਕਰਵਾਉਣਾ ਅਤੇ ਆਮ ਲੋਕਾਂ ਵਿਚ ਵਾਤਾਵਰਨ ਸੁਰੱਖਿਆ ਪ੍ਰਤੀ ਜਾਗਰੂਕਤਾ ਪੈਦਾ ਕਰਨਾ ਹੈ |
