ਜ਼ਿਲ੍ਹਾ ਪੱਧਰੀ ਖੇਡ ਮੁਕਾਬਲਿਆਂ ’ਚ ਰਾਈਜ਼ਿੰਗ ਸਟਾਰ ਸ਼ੂਟਿੰਗ ਅਕੈਡਮੀ ਦਾ ਸ਼ਾਨਦਾਰ ਪ੍ਰਦਰਸ਼ਨ
ਮੰਡੀ ਗੋਬਿੰਦਗੜ੍ਹ, 30 ਸਤੰਬਰ (ਇਕਬਾਲਦੀਪ ਸੰਧੂ)-ਖੇਡਾਂ ਵਤਨ ਪੰਜਾਬ ਦੀਆਂ ਦੇ ਜ਼ਿਲ੍ਹਾ ਪੱਧਰੀ ਮੁਕਾਬਲਿਆਂ ਵਿਚ ਰਾਈਜ਼ਿੰਗ ਸਟਾਰ ਸ਼ੂਟਿੰਗ ਅਕੈਡਮੀ ਮੰਡੀ ਗੋਬਿੰਦਗੜ੍ਹ ਦੇ ਨਿਸ਼ਾਨੇਬਾਜ਼ਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਕੁੱਲ 10 ਤਗਮੇ ਆਪਣੇ ਨਾਮ ਕੀਤੇ। ਇਨ੍ਹਾਂ ਵਿਚ 6 ਸੋਨੇ, 3 ਚਾਂਦੀ ਅਤੇ 1 ਕਾਂਸੀ ਦਾ ਤਗਮਾ ਸ਼ਾਮਲ ਹੈ।
ਮੰਡੀ ਗੋਬਿੰਦਗੜ੍ਹ, 30 ਸਤੰਬਰ (ਇਕਬਾਲਦੀਪ ਸੰਧੂ)-ਖੇਡਾਂ ਵਤਨ ਪੰਜਾਬ ਦੀਆਂ ਦੇ ਜ਼ਿਲ੍ਹਾ ਪੱਧਰੀ ਮੁਕਾਬਲਿਆਂ ਵਿਚ ਰਾਈਜ਼ਿੰਗ ਸਟਾਰ ਸ਼ੂਟਿੰਗ ਅਕੈਡਮੀ ਮੰਡੀ ਗੋਬਿੰਦਗੜ੍ਹ ਦੇ ਨਿਸ਼ਾਨੇਬਾਜ਼ਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਕੁੱਲ 10 ਤਗਮੇ ਆਪਣੇ ਨਾਮ ਕੀਤੇ। ਇਨ੍ਹਾਂ ਵਿਚ 6 ਸੋਨੇ, 3 ਚਾਂਦੀ ਅਤੇ 1 ਕਾਂਸੀ ਦਾ ਤਗਮਾ ਸ਼ਾਮਲ ਹੈ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਸੋਨੀਆ ਸ਼ਰਮਾ ਨੇ ਦੱਸਿਆ ਕਿ ਲੜਕਿਆਂ ਦੇ ਵਰਗ ਵਿਚ ਰਨਵੀਰ ਸਿੰਘ ਨੇ ਅੰਡਰ-21 ਏਅਰ ਰਾਈਫ਼ਲ ਵਿਚ ਸੋਨੇ ਦਾ ਤਗਮਾ, ਮਨਿੰਦਰ ਸਿੰਘ ਨੇ ਅੰਡਰ-17 ਏਅਰ ਰਾਈਫ਼ਲ ਵਿੱਚ ਸੋਨੇ ਦਾ ਤਗਮਾ, ਗੁਰਵੀਰ ਸਿੰਘ ਨੇ ਅੰਡਰ-17 ਓਪਨ ਸਾਈਟ ਰਾਈਫ਼ਲ ਵਿਚ ਸੋਨੇ ਦਾ ਤਗਮਾ ਅਤੇ ਸ਼ਿਵਰਾਜ ਪਨਵਰ ਨੇ ਅੰਡਰ-17 ਏਅਰ ਪਿਸਟਲ ਵਿਚ ਚਾਂਦੀ ਦਾ ਤਗਮਾ ਜਿੱਤਿਆ। ਲੜਕੀਆਂ ਦੇ ਵਰਗ ਵਿੱਚ ਅਵਰੀਤ ਕੌਰ ਨੇ ਅੰਡਰ-14 ਏਅਰ ਪਿਸਟਲ ਵਿਚ ਸੋਨੇ ਦਾ ਤਗਮਾ, ਹੇਜ਼ਲ ਭਾਮਰੀ ਨੇ ਅੰਡਰ-14 ਏਅਰ ਪਿਸਟਲ ਵਿਚ ਚਾਂਦੀ ਦਾ ਤਗਮਾ, ਮਹਿਕਾ ਨੇ ਅੰਡਰ-14 ਏਅਰ ਪਿਸਟਲ ਵਿਚ ਕਾਂਸੀ ਦਾ ਤਗਮਾ, ਪਵਨੀਤ ਕੌਰ ਨੇ ਅੰਡਰ-17 ਏਅਰ ਪਿਸਟਲ ਵਿਚ ਸੋਨੇ ਦਾ ਤਗਮਾ, ਸਿਮਰਨ ਕੌਰ ਨੇ ਅੰਡਰ-21 ਏਅਰ ਰਾਈਫ਼ਲ ਵਿਚ ਸੋਨੇ ਦਾ ਤਗਮਾ ਤੇ ਅਨੁਸ਼ਕਾ ਸ਼ਰਮਾ ਨੇ ਅੰਡਰ-21 ਏਅਰ ਰਾਈਫ਼ਲ ਵਿਚ ਚਾਂਦੀ ਦਾ ਤਗਮਾ ਹਾਸਲ ਕੀਤਾ।
