ਪਠਾਨਕੋਟ, 3 ਮਾਰਚ (ਸੰਧੂ)-ਪਠਾਨਕੋਟ ਦੇ ਮੁਹੱਲਾ ਸਾਹਿਬਜ਼ਾਦਿਆਂ ਸਥਿਤ ਸ੍ਰੀ ਰਾਧਾ ਕਿ੍ਸ਼ਨ ਮੰਦਿਰ ਵਿਖੇ ਹੋਲੀ ਦਾ ਪਵਿੱਤਰ ਤਿਉਹਾਰ ਬਹੁਤ ਉਤਸ਼ਾਹ, ਖ਼ੁਸ਼ੀ ਅਤੇ ਸ਼ਰਧਾ ਨਾਲ ਮਨਾਇਆ ਗਿਆ | ਮੰਦਿਰ ਦੇ ਪਰਿਸਰ ਨੂੰ ਰੰਗ-ਬਿਰੰਗੇ ਫੁੱਲਾਂ ਅਤੇ ਆਕਰਸ਼ਕ ਸਜਾਵਟ ਨਾਲ ਸਜਾਇਆ ਗਿਆ ਸੀ | ਜਿਸ ਨਾਲ ਭਗਤੀ ਭਰਿਆ ਮਾਹੌਲ ਬਣਿਆ | ਪ੍ਰੋਗਰਾਮ ਦੀ ਸ਼ੁਰੂਆਤ ਪੰਡਿਤ ਕਮਲ ਪੰਤ ਦੁਆਰਾ ਭਗਵਾਨ ਸ੍ਰੀ ਰਾਧਾ-ਕਿ੍ਸ਼ਨ ਦੀ ਵਿਸ਼ੇਸ਼ ਪੂਜਾ ਅਤੇ ਆਰਤੀ ਨਾਲ ਹੋਈ | ਇਸ ਤੋਂ ਬਾਅਦ ਮਧੂ ਪੰਤ ਅਤੇ ਲਤਾ ਪੰਤ ਨੇ ਭਗਵਾਨ ਸ੍ਰੀ ਕਿ੍ਸ਼ਨ ਦੀ ਮਹਿਮਾ ਦਾ ਗੁਣਗਾਨ ਕਰਦੇ ਹੋਏ ਭਜਨ ਅਤੇ ਕੀਰਤਨ ਗਾਏ | ਸ਼ਰਧਾਲੂਆਂ ਨੇ ਰਵਾਇਤੀ ਹੋਲੀ ਗੀਤਾਂ 'ਤੇ ਫੁੱਲਾਂ ਨਾਲ ਹੋਲੀ ਖੇਡੀ ਅਤੇ ਇਕ ਦੂਜੇ ਨੂੰ ਗੁਲਾਲ ਨਾਲ ਵਧਾਈ ਦਿੱਤੀ |
