ਪਠਾਨਕੋਟ, 10 ਮਈ (ਸੰਧੂ)-ਐਸ.ਐਮ.ਡੀ.ਆਰ.ਐਸ.ਡੀ. ਕਾਲਜ ਆਫ਼ ਐਜੂਕੇਸ਼ਨ ਪਠਾਨਕੋਟ ਨੇ 2024-26 ਸੈਸ਼ਨ ਦੇ ਬੀ.ਐਡ. ਤੇ ਡੀ.ਐਲ.ਐਡ. ਵਿਦਿਆਰਥੀਆਂ ਲਈ ਇਕ ਸ਼ਾਨਦਾਰ ਵਿਦਾਇਗੀ ਸਮਾਗਮ ਤੇ ਸਾਲਾਨਾ ਸਮਾਗਮ ਦਾ ਆਯੋਜਨ ਕੀਤਾ | ਕਾਲਜ ਦੇ ਆਜੀਵਨ ਪ੍ਰਧਾਨ ਚੌਧਰੀ ਡਾ: ਰਾਜੇਸ਼ਵਰ ਸਿੰਘ ਦੀ ਅਗਵਾਈ ਹੇਠ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਲਈ ਵੱਖ-ਵੱਖ ਖ਼ਿਤਾਬਾਂ ਨਾਲ ਸਨਮਾਨਿਤ ਕੀਤਾ ਗਿਆ | ਵੱਖ-ਵੱਖ ਡਾਂਸ ਅਤੇ ਵੋਕਲ ਪ੍ਰਦਰਸ਼ਨ ਪੇਸ਼ ਕੀਤੇ ਗਏ | ਬੀ.ਐੱਡ. ਦੀ ਵਿਦਿਆਰਥਣ ਸੋਨਾਲੀ ਸ਼ਰਮਾ ਨੂੰ ਸਟਾਰ ਅਚੀਵਰ ਦਾ ਖ਼ਿਤਾਬ ਦਿੱਤਾ ਗਿਆ, ਜਦੋਂ ਕਿ ਡੀ.ਐਲ.ਐਡ. ਦੀ ਵਿਦਿਆਰਥਣ ਤਾਨੀਆ ਨੂੰ ਸਟਾਰ ਅਚੀਵਰ ਦਾ ਖ਼ਿਤਾਬ ਦਿੱਤਾ ਗਿਆ | ਸੋਨਾਲੀ ਸ਼ਰਮਾ ਨੂੰ ਮਿਸ ਫੇਅਰਵੈਲ ਦਾ ਤਾਜ ਪਹਿਨਾਇਆ ਗਿਆ ਤੇ ਡੀ.ਐਲ.ਐਡ. ਦੀ ਵਿਦਿਆਰਥਣ ਸ਼ਿਵਾਨੀ ਨੂੰ ਮਿਸ ਫੇਅਰਵੈਲ ਚੁਣਿਆ ਗਿਆ | ਬੀ.ਐਡ. ਦੀ ਵਿਦਿਆਰਥਣ ਸੌਰਭ ਨੂੰ ਮਿਸਟਰ ਫੇਅਰਵੈਲ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ | ਨਿਕਿਤਾ ਸੈਣੀ ਨੂੰ ਕਵੀਨ ਆਫ਼ ਦ ਗ੍ਰੇਸ, ਸ਼ਰੂਤੀ ਨੂੰ ਮਿਸ ਬਲਿਸਫੁੱਲ, ਪਾਇਲ ਨੂੰ ਮਿਸ ਐਲੀਗੈਂਟ ਤੇ ਨੀਤੂ ਵਰਮਾ ਤੇ ਨਿਕਿਤਾ ਨੂੰ ਮਿਸ ਚਾਰਮਿੰਗ ਦਾ ਤਾਜ ਪਹਿਨਾਇਆ ਗਿਆ | ਪ੍ਰੋਗਰਾਮ ਦੌਰਾਨ ਸੁਸ਼ਮਾ ਗੁਪਤਾ, ਸਾਬਕਾ ਐਚ.ਓ.ਡੀ. ਡੀ.ਐਲ.ਡੀ. ਇਸ ਮੌਕੇ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਿਲ ਹੋਏ | ਕਾਲਜ ਦੇ ਪਿ੍ੰਸੀਪਲ ਡਾ: ਮੀਨਾਕਸ਼ੀ ਵਿੱਗ ਤੇ ਡੀ.ਐਲ.ਐੱਡ. ਐਚ.ਓ.ਡੀ. ਆਰਤੀ ਜੀਨ ਨੇ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੇ ਚੰਗੇ ਪ੍ਰਦਰਸ਼ਨ ਲਈ ਵਧਾਈ ਦਿੱਤੀ |
