ਸਪਰਸ਼ ਮਹਿਰਾ ਨੇ ਖੇਡਾਂ ਵਤਨ ਪੰਜਾਬ ਦੀਆਂ ’ਚ ਗੋਲਡ ਮੈਡਲ ਜਿੱਤਿਆ

ਗ

ਗੋਲਡ ਮੈਡਲ ਜੇਤੂ ਸਪਰਸ਼ ਮਹਿਰਾ। ਤਸਵੀਰ: ਵਿਨੋਦ 16-10-2026

ਪਠਾਨਕੋਟ, 15 ਅਕਤੂਬਰ (ਵਿਨੋਦ)-ਪਿੰਡ ਬੁੰਗਲ ਦੇ ਰਹਿਣ ਵਾਲੇ ਸਪਰਸ਼ ਮਹਿਰਾ ਨੇ ਪੰਜਾਬ ਖੇਡਾਂ ਵਤਨ ਪੰਜਾਬ ਦੀਆਂ ਵਿਚ ਸੋਨੇ ਦਾ ਤਗਮਾ ਜਿੱਤ ਕੇ ਮਾਪਿਆਂ, ਪਿੰਡ, ਜ਼ਿਲ੍ਹੇ ਪਠਾਨਕੋਟ ਤੇ ਪੂਰੇ ਪੰਜਾਬ ਦਾ ਨਾਮ ਰੌਸ਼ਨ ਕੀਤਾ ਹੈ। ਐਲ.ਐਮ ਇੰਟਰਨੈਸ਼ਨਲ ਸਕੂਲ ਪਠਾਨਕੋਟ ਦੇ ਵਿਦਿਆਰਥੀ ਸਪਰਸ਼ ਮਹਿਰਾ ਨੇ ਪਿਛਲੇ ਪੰਜ ਸਾਲਾ ਤੋਂ ਕਰਾਟੇ ਵਿਚ ਸਖ਼ਤ ਮਿਹਨਤ ਕਰਕੇ ਇਹ ਉਪਲਬਧੀ ਹਾਸਲ ਕੀਤੀ ਹੈ। ਸਪਰਸ਼ ਮਹਿਰਾ ਨੇ ਕਿਹਾ ਕਿ ਉਸ ਦੀ ਜਿੱਤ ਦਾ ਸਿਹਰਾ ਉਸ ਦੇ ਮਾਪਿਆਂ, ਸਕੂਲ ਤੇ ਕੋਚ, ਅਰਜੁਨ ਮਸ਼ਾਲ (ਕਰਾਟੇ ਪਲੈਨੇਟ ਪਠਾਨਕੋਟ) ਨੂੰ ਜਾਂਦਾ ਹੈ। ਧਿਆਨਦੇਣਯੋਗ ਹੈ ਕਿ ਸਪਾਰਸ਼ ਮਹਿਰਾ ਨੇ ਕੇ.ਆਈ.ਓ ਨੈਸ਼ਨਲ ਪਾਰਟੀਸੀਪੇਸ਼ਨ, ਨੈਸ਼ਨਲ ਮੈਡਲ, ਐਸ.ਜੀ.ਐਫ.ਆਈ ਸਟੇਟ ਮੈਡਲ,ਓਪਨ ਸਟੇਟ ਮੈਡਲ,ਓਪਨ ਨੈਸ਼ਨਲ ਮੈਡਲ ਵੀ ਜਿੱਤਿਆ ਹੈ।