ਬੇਮੌਸਮੀ ਬਰਸਾਤ ਕਾਰਨ ਘੋਹ ਦਾਣਾ ਮੰਡੀ ’ਚ ਭਰਿਆ ਪਾਣੀ
ਸ਼ਾਹਪੁਰ ਕੰਢੀ, 15 ਅਕਤੂਬਰ (ਰਣਜੀਤ ਸਿੰਘ)-ਅੱਜ ਸਵੇਰੇ ਹੋਈ ਬਰਸਾਤ ਕਾਰਨ ਘੋਹ ਮੰਡੀ ਵਿਚ ਪਾਣੀ ਭਰ ਗਿਆ ਤੇ ਜੋ ਕਿਸਾਨ ਆਪਣੀ ਝੋਨੇ ਦੀ ਫਸਲ ਵੇਚਣ ਲਈ ਮੰਡੀ ਵਿਚ ਲੈ ਕੇ ਆਏ ਸਨ, ਉਹ ਪਾਣੀ ਵਿਚ ਡੁੱਬ ਗਈ। ਜਿਸ ਕਾਰਨ ਫਸਲ ਖਰਾਬ ਹੋਣ ਦਾ ਖਤਰਾ ਬਣ ਗਿਆ।
ਸ਼ਾਹਪੁਰ ਕੰਢੀ, 15 ਅਕਤੂਬਰ (ਰਣਜੀਤ ਸਿੰਘ)-ਅੱਜ ਸਵੇਰੇ ਹੋਈ ਬਰਸਾਤ ਕਾਰਨ ਘੋਹ ਮੰਡੀ ਵਿਚ ਪਾਣੀ ਭਰ ਗਿਆ ਤੇ ਜੋ ਕਿਸਾਨ ਆਪਣੀ ਝੋਨੇ ਦੀ ਫਸਲ ਵੇਚਣ ਲਈ ਮੰਡੀ ਵਿਚ ਲੈ ਕੇ ਆਏ ਸਨ, ਉਹ ਪਾਣੀ ਵਿਚ ਡੁੱਬ ਗਈ। ਜਿਸ ਕਾਰਨ ਫਸਲ ਖਰਾਬ ਹੋਣ ਦਾ ਖਤਰਾ ਬਣ ਗਿਆ। ਇਸ ਤੋਂ ਪਹਿਲਾਂ ਐਤਵਾਰ ਨੂੰ ਹੋਈ ਬਰਸਾਤ ਕਾਰਨ ਵੀ ਮੰਡੀ ਵਿਚ ਪਾਣੀ ਇਕੱਠਾ ਹੋ ਗਿਆ ਤੇ ਕਈ ਕਿਸਾਨਾਂ ਦਾ ਝੋਨਾ ਰੁੜ ਗਿਆ। ਇਹ ਮੰਡੀ ਦਾ ਫਰਸ਼ ਕੱਚਾ ਹੈ ਤੇ ਇਹ ਮੰਡੀ ਸੜਕ ਤੋਂ ਨੀਵੀਂ ਹੋਣ ਕਾਰਨ ਇਸ ਵਿਚ ਪਾਣੀ ਭਰ ਜਾਂਦਾ ਹੈ। ਕਿਸਾਨ ਆਪਣੀ ਫਸਲ ਭਿਜਣ ਕਾਰਨ ਚਿੰਤਾ ਦੇ ਆਲਮ ਵਿਚ ਡੁੱਬੇ ਹਨ। ਮੰਡੀ ’ਚ ਵਾਰ ਵਾਰ ਪਾਣੀ ਭਰ ਜਾਣ ਨਾਲ ਮੰਡੀ ਪ੍ਰਬੰਧਾਂ ’ਤੇ ਸਵਾਲ ਖੜੇ ਹੁੰਦੇ ਹਨ। ਕਿਸਾਨਾਂ ਦੀ ਮਿਹਨਤ ਨਾਲ ਤਿਆਰ ਕੀਤੀ ਫਸਲ ਦਾ ਨੁਕਸਾਨ ਹੋ ਰਿਹਾ ਹੈ। ਮੰਡੀ ਪ੍ਰਸ਼ਾਸਨ ਨੂੰ ਚਾਹੀਦਾ ਹੈ ਕਿ ਉਹ ਮੰਡੀ ਨੂੰ ਸੜਕ ਤੋਂ ਉੱਚਾ ਕਰੇ ਤਾਂ ਕਿ ਪਾਣੀ ਦੀ ਨਿਕਾਸੀ ਦਾ ਪ੍ਰਬੰਧ ਹੋ ਸਕੇ, ਜਿਸ ਨਾਲ ਜੋ ਕਿਸਾਨ ਫਸਲ ਲੈ ਕੇ ਆਉਂਦੇ ਹਨ ਉਸ ਦੀ ਵਿਕਰੀ ਜਲਦੀ ਹੋ ਸਕੇ।
