ਬੰਦ ਦੀ ਕਾਲ ਦਾ ਕਾਹਨੂੰਵਾਨ ਖੇਤਰ ’ਚ ਹੋਇਆ ਵਿਆਪਕ ਅਸਰ
ਕਾਹਨੂੰਵਾਨ, 15 ਅਕਤੂਬਰ (ਨਿਸ਼ਾਨ ਸਿੰਘ ਚਾਹਲ)-ਸਮਾਜ ਸੇਵੀ ਆਗੂ ਪਰਵਿੰਦਰ ਸਿੰਘ ਝੋਟਾ ਦੇ ਚਰਚਿਤ ਕਤਲ ਮਾਮਲੇ ਸਬੰਧੀ ਵੱਖ-ਵੱਖ ਜਥੇਬੰਦੀਆਂ ਵਲੋਂ ਦਿੱਤੀ ਗਈ ਅੱਜ ਬੰਦ ਦੀ ਕਾਲ ਨੂੰ ਕਾਹਨੂੰਵਾਨ ਤੇ ਨਾਲ ਲੱਗਦੇ ਅੱਡਾ ਪੁਲ ਸਠਿਆਲੀ, ਤੁਗਲਵਾਲ ਤੇ ਚੱਕ ਸ਼ਰੀਫ ’ਚ ਭਰਵਾਂ ਹੁੰਗਾਰਾ ਮਿਲਿਆ। ਬੰਦ ਦੌਰਾਨ ਦੁਕਾਨਾਂ ਤੇ ਵਪਾਰਕ ਅਦਾਰੇ ਬੰਦ ਰਹਿਣ ਕਾਰਨ ਇਲਾਕੇ ’ਚ ਆਮ ਦਿਨਾਂ ਦੇ ਮੁਕਾਬਲੇ ਸੁੰਨਸਾਨ ਮਾਹੌਲ ਦੇਖਣ ਨੂੰ ਮਿਲਿਆ।
ਕਾਹਨੂੰਵਾਨ, 15 ਅਕਤੂਬਰ (ਨਿਸ਼ਾਨ ਸਿੰਘ ਚਾਹਲ)-ਸਮਾਜ ਸੇਵੀ ਆਗੂ ਪਰਵਿੰਦਰ ਸਿੰਘ ਝੋਟਾ ਦੇ ਚਰਚਿਤ ਕਤਲ ਮਾਮਲੇ ਸਬੰਧੀ ਵੱਖ-ਵੱਖ ਜਥੇਬੰਦੀਆਂ ਵਲੋਂ ਦਿੱਤੀ ਗਈ ਅੱਜ ਬੰਦ ਦੀ ਕਾਲ ਨੂੰ ਕਾਹਨੂੰਵਾਨ ਤੇ ਨਾਲ ਲੱਗਦੇ ਅੱਡਾ ਪੁਲ ਸਠਿਆਲੀ, ਤੁਗਲਵਾਲ ਤੇ ਚੱਕ ਸ਼ਰੀਫ ’ਚ ਭਰਵਾਂ ਹੁੰਗਾਰਾ ਮਿਲਿਆ। ਬੰਦ ਦੌਰਾਨ ਦੁਕਾਨਾਂ ਤੇ ਵਪਾਰਕ ਅਦਾਰੇ ਬੰਦ ਰਹਿਣ ਕਾਰਨ ਇਲਾਕੇ ’ਚ ਆਮ ਦਿਨਾਂ ਦੇ ਮੁਕਾਬਲੇ ਸੁੰਨਸਾਨ ਮਾਹੌਲ ਦੇਖਣ ਨੂੰ ਮਿਲਿਆ। ਹਾਲਾਂਕਿ ਸਰਕਾਰੀ ਅਦਾਰੇ ਆਮ ਦੀ ਤਰ੍ਹਾਂ ਖੁੱਲੇ ਰਹੇ ਜਦਕਿ ਨਿੱਜੀ ਅਦਾਰੇ, ਆਵਾਜਾਈ ਤੇ ਨਿੱਜੀ ਸਕੂਲ ਬੰਦ ਰਹੇ। ਸਥਾਨਕ ਕਸਬੇ ਅੰਦਰ ਕੁਝ ਦੁਕਾਨਾਂ ਖੁੱਲੀਆਂ ਸਨ, ਜਿਨਾਂ ਨੂੰ ਅਕਾਲੀ ਦਲ ‘ਵਾਰਿਸ ਪੰਜਾਬ ਦੇ’ ਆਗੂ ਤੇ ਹਲਕਾ ਇੰਚਾਰਜ ਸੁਖਦੇਵ ਸਿੰਘ ਕਾਦੀਆਂ ਦੀ ਅਗਵਾਈ ਵਿਚ ਬੰਦ ਕਰਵਾ ਦਿੱਤਾ ਗਿਆ। ਸਥਾਨਕ ਬੱਸ ਅੱਡੇ ਤੋਂ ਕੋਈ ਵੀ ਪ੍ਰਾਈਵੇਟ ਬੱਸ ਕਿਸੇ ਵੀ ਰੂਟ ’ਤੇ ਰਵਾਨਾ ਨਹੀਂ ਹੋਈ।
